Aaj Nu Panchang 6th August : આજનું પંચાગ : આજે શ્રાવણ સુદ નોમ, શનિ-રાહુના દુષ્પ્રભાવથી બચવા કરો આવો ઉપાય

અમદાવાદ : આજનું પંચાંગ (Aaj Nu Panchang): આજે 6 ઓગસ્ટ, શનિવાર છે. આજના પંચાગ (Aaj Nu panchang) અંગે જ્યોતિષાચાર્ય અમિત ત્રિવેદી (jyotishacharya Amit Trivedi) જણાવે છે. તારીખ - 6 ઓગસ્ટ 2022, શનિવારનું જાણો પંચાગ.

નવાં બૂટ-ચંપલ ખરીદો ત્યારે

આપણે જૂના બૂટ-ચંપલને પનોતી સમજીએ છીએ. કોઈ બીજાના બૂટ-ચંપલ કોઈ પહેરે પણ નહીં કારણ કે તેમાં શનિ અને રાહુનો પ્રભાવ હોય છે. કેટલાક વર્ષો પહેલા લોકો બૂટ-ચંપલ સંધાવીને, ટાંકા મરાવીને, જૂનો સોલ ઘસાઈ ગયો હોય તો નવો સોલ નંખાવીને પણ બૂટ-ચંપલ પહેરતા હતા, કાઢી નહોતા નાંખતા. આજકાલ કોઈ જૂના બૂટ-ચંપલ સંધાવતું નથી પણ તરત જ નવાં જ લાવી દે છે.

હવે પ્રશ્ન એ થાય છે કે, જૂના બૂટ-ચંપલ કાઢી ક્યારે નાંખવા અને નવાં બૂટ ચંપલને પહેરવાની શરૂઆત ક્યારે કરવી? જો યોગ્ય સમયે આ શરૂઆત કરીએ તો આપણે શનિ-રાહુના પ્રકોપથી બચી શકીએ. આપણા પગ ક્યારેય નકારાત્મક જગ્યાએ જતા ઉપડે જ નહીં. આપણે કેટલીક વખત ચાર રસ્તે જોઈએ છીએ કે, કેટલાકે કોઈ નજર કે મેલુ ઉતારી કુંડાળું કર્યું હોય છે. એ કુંડાળું તો સૂકાઈ જાય પણ તેનો પ્રભાવ એમ ઝડપથી જતો હોતો નથી. આ પ્રભાવ આપણા પગમાંથી પ્રવેશ કરે છે માટે બૂટ-ચંપલનું ખાસ ધ્યાન રાખવું.

આ 3 રાશિનાં લોકો પ્રેમમાં પાર્ટનરને કરે છે કંટ્રોલ

જૂના બૂટ-ચંપલ હંમેશા શનિવારે જ કાઢવા જેથી, શનિ અને રાહુના દુષ્પ્રભાવથી બચી શકાય. આ બૂટ-ચંપલ કોઈને પહેરવા ન આપવા પણ કચરામાં જ જવા દેવા. આપણા જૂના બૂટ-ચંપલ કોઈ પહેરે નહીં તેથી તેને તોડીને નથી નાંખવાના પણ એમ જ કચરામાં મૂકી દેવાના છે. વળી, નવા બૂટ-ચંપલ સોમવારે પહેરવા અને પહેરીને શિવમંદિરે દર્શન કરવા જવું. ચંપલ ચોરાવાનો ભય રાખવાની જરૂર નથી તેના માટે તકેદારી લઈ શકાય. આ પ્રમાણે કરવાથી જો ક્યારેક નકારાત્મક જગ્યાએ પગ પડી જશે તો પણ તેનો દુષ્પ્રભાવ તમને પ્રભાવિત નહીં કરે.



આજનું પંચાંગ

ચંદ્રમાસ – શ્રાવણ સુદ નોમ
ચંદ્રરાશિ – તુલા (ર,ત) (બપોરે 12.06થી વૃશ્ચિક (ન,ય))
નક્ષત્ર – વિશાખા (સાંજે 5.52થી અનુરાધા)
યોગ – શુકલ (બપોરે 12.42થી બ્રહ્મા)
કરણ – બાલવ (બપોરે 3.09થી કૌલવ)
બ્રહ્મમુહૂર્ત - સવારે 4.44 થી 5.28(પ્રાણાયામ તેમજ ધ્યાન માટે શ્રેષ્ઠ સમય)
સૂર્યોદય - સવારે 6.19
સૂર્યાસ્ત- સાંજે 7.11
ચંદ્રોદય – બપોરે 1.35
ચંદ્રાસ્ત – રાત્રે 12.20
ગોધૂલી – સાંજે 6.59થી 7.23
ગુલીક – સવારે 6.19થી 7.55, રાત્રે 12.43થી 2.06
યમઘંટક – બપોરે 3.07થી 3.55
રાહુકાળ – સવારે 9.00થી 10.30
વિજય મુહૂર્ત – બપોરે 12.33થી 12.57

આજના દિવસનું વિશેષ

શુભ ચોઘડીયા – સવારે 7.55થી 9.32, બપોરે 12.45થી સાંજે 5.35

( જ્યોતિષાચાર્ય અમિત ત્રિવેદી (મો) 98255 22235)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Aaj nu panchang, ધર્મ ભક્તિ