Aaj Nu Panchang, 08 જુલાઇ 2022: આજે કરો મા લક્ષ્મીની પૂજા, જાણો શુભ-અશુભ સમય અને રાહુકાળ

જ્યોતિષાચાર્ય અમિત ત્રિવેદી આજનું પંચાંગ જણાવે છે તેમનાં મુજબ, તારીખ 8 જુલાઈ 2022, ગુરૂવાર ઠંડીની ઋતુ આવે એટલે સ્વેટર, જાકીટ, ટોપી વગેરે ઠંડીથી રક્ષણ મેળવવા માટે પહેરી લઈએ છીએ. ચોમાસામાં છત્રી અથવા રેઈનકોટ રાખીએ, ઉનાળામાં ગરમીથી બચવા સુતરાઈ કપડા પહેરીએ. વળી, જ્યારે કોઈ વાઈરસ ઈન્ફેક્શન વ્યાપી જાય ત્યારે આરોગ્યની રક્ષા માટે વેક્સીન લઈએ. આ સઘળા ઉપાય આપણે આપણા રક્ષણ માટે કરીએ છીએ. પણ આસુરી શક્તિથી બચવા માટે આપણે દુનિયાનો કોઈ પણ ઉપાય કરી કારગત નહીં નીવડે. આસુરી શક્તિથી બચવા માટે આજે દેવીકવચનો પાઠ કરવો અતિ લાભદાયી રહેશે. સ્તોત્રરૂપી માતાજીનું કવચ ધારણ કરીશું તો અનેક આકસ્મિક આધી, વ્યાધી, ઉપાધીથી આપણી રક્ષા થશે.

જે લોકો શુક્રવારે વ્રત રાખે છે તેઓએ આજે ​​શુક્રવાર વ્રત કથા અવશ્ય પાઠ કરવી. આ વ્રતનું પાલન કરવાથી શુક્ર ગ્રહ સંબંધિત દોષો દૂર થાય છે અને શુક્રની સકારાત્મક અસર જોવા મળે છે. આ દિવસે તમે સફેદ વસ્ત્રો, સુગંધિત પદાર્થો, દૂધ, ખીર, ખાંડ, ચોખા વગેરેનું દાન કરી શકો છો. શુક્રના બળથી જીવનમાં રોમાંસ વધે છે, સંપત્તિ, ભૌતિક સુખ-સુવિધાઓમાં પણ વધારો થાય છે. જેનો શુક્ર ખરાબ છે તેઓ શુક્રના બીજ મંત્રનો જાપ કરી શકે છે. આવો પંચાંગથી જાણીએ આજનો શુભ અને અશુભ સમય અને જાણીએ કે આજે ગ્રહોની ચાલ કેવી રહેશે.

ચંદ્રમાસ અષાઢ સુદ નોમ, સંવત 2078 સાંજે 6.26થી દશમ
ચંદ્રરાશિ તુલા (ર,ત)
નક્ષત્ર ચિત્રા, બપોરે 12.14થી સ્વાતી
યોગ શિવ, સવારે 9.00થી સિદ્ધ
કરણ બાલવ, સવારે 7.03થી કૌલવ, સાંજે 6.26થી તૈતિલ
બ્રહ્મમુહૂર્ત સવારે 4.39 થી 5.22 (પ્રાણાયામ તેમજ ધ્યાન માટે શ્રેષ્ઠ સમય)
સૂર્યોદય સવારે 6.09
સૂર્યાસ્ત સાંજે 7.21
ચંદ્રોદય બપોરે 1.47
ચંદ્રાસ્ત રાત્રે 1.02
ગોધૂલી સાંજે 7.08થી 7.32 (શુભ સમય)
ગુલીક સવારે 7.47થી સવારે 9.25 રાત્રે 2.05થી 3.26
યમઘંટક સાંજે 4.46થી 5.35
રાહુકાળ સવારે 10.30થી 12.00
વિજય મુહૂર્ત બપોરે 12.32 થી 12.56

આજના દિવસનું વિશેષ -આજના દિવસનું વિશેષ -
• રવિયોગ 12.14થી તા.9-7-2022, સવારે 11.25 સુધી
• દેવીકવચનો પાઠ કરવો અને માતાજીને પીળી બરફીનો પ્રસાદ ધરાવવો

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Aaj nu panchang, Ashadha gupt navratri 2022