ડાંગમાં યુવાનોને મનગમતી નોકરી મળે તે માટે ભરતી મેળાનું આયોજન થયું

કેતન પટેલ, બારડોલી : ડાંગ જિલ્લાના મુખ્ય મથક આહવા ખાતે જિલ્લા કક્ષાનો રોજગાર અને એપ્રેન્ટિસ ભરતીમેળાનું આયોજન કરવામાં આવ્યું હતું. આ મેળામાં 500થી વધુ યુવક અને યુવતીઓએ ભાગ લીધો હતો, ખાસ કરીને શહેરોમાં વિવિધ કંપનીઓ આવા સરકારી રોજગારી મેળામાં ભાગ લેનારા નોકરી ઇચ્છુકોને રોજગારની તકો આપતી હોય છે.

રાજ્ય સરકારના પ્રયાસથી ડાંગ જિલના સ્થાનિક આદિવાસીઓને ઘરબેઠા નોકરી મળી રહે તેવા પ્રયત્નોથી વાપી, સુરત, અને અમદાવાદની કંપનીઓ આગળ આવી હતી. જે કંપનીમાં રહેવા જમવા સાથે સાથેની નોકરી મળી રહેતા યુવાનોએ સરકારનો આભાર માન્યો હતો.

અત્યાર સુધી મોટા શહેરોમાં આવા રોજગાર મેળાનું આયોજન થતું હતું, હવે અંતરિયાળ આદિવાસી જિલ્લામાં આવા મેળાને લઈને યુવાનોમાં ભારે ઉત્સાહ છે. જેને લઈને દર મહિને જિલ્લા કક્ષાએ આવા રોજગાર મેળાનું આયોજન કરવામાં આવે છે. જેમાં ભાગ લેનારા નોકરી વાંચ્છુઓ પૈકી 80% બેરોજગાર લોકોને નોકરી મળે છે.



ઉલ્લેખનીય છે કે ડાંગ જિલ્લાના સાપુતારા ખાતે આવેલ હોટેલો સિવાય અહીંયા એક પણ ઉદ્યોગ નથી. જેથી અહીં બેરોજગારીનું પ્રમાણ વધુ છે. એવામાં નોકરી મેળવવા માટે આવા ભરતીમેળા એકમાત્ર આવા આધાર છે.

આ પણ વાંચો : 

• યુગલે પોતાના લગ્નને યાદગાર બનાવવા જાહેરમાં જ કર્યું આવું કામ...!


• નવરાત્રીનાં રંગમાં ભંગ ! આગામી 3 દિવસ જાણો રાજ્યમાં ક્યાં ભારે વરસાદની આગાહી


• નવરાત્રીમાં રોમિયોગીરી કરનારા સાવધાન, અમદાવાદ પોલીસે બનાવી 'She Team'

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Employment, Government job, Job, શિક્ષણ