ડાંગઃ ST બસને નડ્યો અકસ્માત, 20થી વધુ મુસાફરો ઈજાગ્રસ્ત

News18 Gujarati
Last Updated : May 03, 2018, 11:59 IST

ડાંગ સાપુતારા વઘઈ રોડ પર અમદાવાદથી શિરડી જતી ગુજરાતની STબસને અકસ્માત નડ્યો છે.આ અકસ્માતમાં 20થી વધુ લોકોને ઇજા પહોંચી છે. ઘટનાની જાણ થતા 108 સહિત પોલિસનો કાફલો ઘટના સ્થળે દોડી ગયા હતા. અને ઇજાગ્રસ્તોને સારવાર માટે હોસ્પિટલ ખસેડાયા હતા.

આંબાપાડા-અહેરડી ગામ નજીક બસ ચાલકે સ્ટેયરિંગ પરથી કાબૂ ગુમાવતા અકસ્માત સર્જાયો હતો. અકસ્માત બાદ ડ્રાઈવર ફરાર થઈ ગયો છે. જો કે અકસ્માતમાં કોઈના મોત થયા નથી. પોલીસે આ ઘટના અંગે આગળની તપાસ શરૂ કરી છે.

ઉલ્લેખનીય છે કે વઘઈ રોડ પર અકસ્માત થતાં બંન્ને બાજુએ ટ્રાફિકજામ થઈ ગયો હતો. જો કે તંત્ર પાસે ક્રેઈનની વ્યવસ્થા ન હોવાથી મુશ્કેલીનો સામનો કરવો પડી રહ્યો છે.