Home /News /crime /Love Affair: બોયફ્રેન્ડના પ્રેમમાં પાગલ માતાએ માસૂમ બાળકીની કરી હત્યા, હવે જેલમાં વિતાવશે જિંદગી

Love Affair: બોયફ્રેન્ડના પ્રેમમાં પાગલ માતાએ માસૂમ બાળકીની કરી હત્યા, હવે જેલમાં વિતાવશે જિંદગી

પુત્રીની હત્યારી માતાને સજા

Love Affair: પોલીસે આ મામલાને ગંભીરતાથી લીધો હતો અને માત્ર 17 દિવસમાં જ હત્યારા પ્રેમી યુગલ સામે ભોપાલ જિલ્લા કોર્ટમાં ચાર્જશીટ રજૂ કરી હતી. પોસ્ટ મોર્ટમ રિપોર્ટમાં બાળકીનું શરીર પર ઇજા અને પાણીમાં ડૂબી જવાથી મોત થયું હોવાનું સામે આવ્યું હતું.

વધુ જુઓ ...
    ભોપાલ: ભોપાલમાં પોતાના પ્રેમી માટે પોતાના જ લાડકવાયા પુત્રીની ઘાતકી હત્યા કરનાર માતાને કોર્ટે આજીવન કેદની સજા ફટકારી છે. પુત્રીની હત્યામાં સંડોવાયેલા માતાના પ્રેમીને પણ આજીવન જેલના સળિયા પાછળ રહેવું પડશે. આ બનાવની વિગતો મુજબ, તલૈયા પોલીસને 18 સપ્ટેમ્બર, 2020ના રોજ શીતળા માતા મંદિર નજીકના મોટા તળાવમાંથી 9 મહિનાની નિર્દોષ બાળકીની લાશ મળી આવી હતી. આ કેસની તપાસ દરમિયાન બાળકીના ફોટોગ્રાફ્સ શહેરોના તમામ પોલીસ સ્ટેશનો સાથે શેર કરવામાં આવ્યા હતા. આ દરમિયાન પોલીસને 16 સપ્ટેમ્બર, 2020ના રોજ એક મહિલા સાથે બાળકી ગુમ થયાની જાણ કરવામાં આવી હતી. માસૂમ બાળકીની ઓળખ જાન્હવી તરીકે થઈ હતી. પોલીસે 21 સપ્ટેમ્બર, 2020ના રોજ હત્યાના આરોપી સોનમ અને શિવમની ધરપકડ કરી હતી.

    આ કેસની સુનાવણી વિશેષ અદાલત રાજેશ જામરા અને એડિશનલ ડિસ્ટ્રિક્ટ સેશન્સ જજ ભોપાલની કોર્ટમાં કરવામાં આવી હતી. કોર્ટે બંને આરોપી સોનમ અને શિવમને આજીવન કેદની સજા ફટકારી હતી.

    સોશિયલ મીડિયા પર વીડિયો થયો હતો વાયરલ


    સોશિયલ મીડિયા પર એક વીડિયો વાયરલ થયો છે, જેમાં મહિલા સેન્ડ ઘાટ પર વીઆઈપી રોડ પર આવેલા તળાવમાં ડૂબીને આત્મહત્યા કરવાનો પ્રયાસ કરી રહી હતી, પરંતુ ડાઇવર્સે તેને રોકી હતી. આ વીડિયો અંગે પોલીસના જાણ થઈ હતી. મહિલાની ઓળખ સોનમ તરીકે થઈ હતી. જ્યારે ડાઇવર્સે સોનમને પૂછ્યું તો તેણે કહ્યું કે તેનો પતિ સાથે ઝઘડો થયો છે, તેથી તે આવું પગલું ભરી રહી છે. સોનમનો બોયફ્રેન્ડ શિવમ ઘટના સ્થળે પહોંચ્યો ત્યારે ડાઇવર્સે તેને પોતાના પતિ તરીકે ઓળખ આપી હતી. ત્યારબાદ તેમને ત્યાંથી જવા દેવાયા હતા. પોલીસને શંકા હતી કે, બાળકીને તળાવમાં ફેંકી દીધા બાદ બંને વચ્ચે ઝઘડો થયો હશે અને સોનમ આત્મહત્યા કરવા માટે મોટા તળાવ સુધી પહોંચી ગઈ હશે.

    આ પણ વાંચો: અહીં સુહાગરાતના દિવસે પતિ-પત્ની સાથે રૂમમાં સૂઇ જાય છે દીકરીની માતા!

    મહિલા પોતાના પતિને છોડીને પ્રેમી સાથે ભાગી ગઈ હતી


    પોલીસે આ મામલાને ગંભીરતાથી લીધો હતો અને માત્ર 17 દિવસમાં જ હત્યારા પ્રેમી યુગલ સામે ભોપાલ જિલ્લા કોર્ટમાં ચાર્જશીટ રજૂ કરી હતી. પોસ્ટ મોર્ટમ રિપોર્ટમાં બાળકીનું શરીર પર ઇજા અને પાણીમાં ડૂબી જવાથી મોત થયું હોવાનું સામે આવ્યું હતું.

    આ કેસમાં જાણવા મળ્યું કે, આરોપી મહિલા પોતાના બોયફ્રેન્ડને ખૂબ પ્રેમ કરતી હતી, તેથી તે પોતાના પતિને છોડીને અચાનક બાળકીને લઈને ભોપાલ આવી ગઈ હતી. બાળકીને રસ્તામાંથી હટાવવા માટે આરોપીઓએ ભેગા મળીને બાળકીની હત્યા કરીને તેને તળાવમાં ફેંકી દીધી હતી.

    આ પણ વાંચો: Video: માતાએ ફોન છીનવ્યો તો પુત્રએ નારાજ થઈને ઘરમાં મચાવી તબાહી

    પોલીસે 255 પાનાની ચાર્જશીટ રજૂ કરી


    17 દિવસમાં જ પોલીસે આ સમગ્ર કેસની તપાસ પૂરી કરી હતી અને 255 પાનાની ચાર્જશીટ તૈયાર કરીને કોર્ટમાં રજૂ કરી હતી. આટલી ઝડપથી તપાસ કર્યા બાદ પોલીસે કોર્ટમાં ચાર્જશીટ રજૂ કરી હોય તેવો આ વર્ષનો પ્રથમ કિસ્સો છે.
    First published:

    Tags: Love, Madhya pradesh, અફેર

    विज्ञापन

    विज्ञापन
    विज्ञापन
    विज्ञापन