WHO Alert: કોરોનાના પ્રતિબંધો હળવા કરવા મોંઘા સાબિત થઈ શકે છે! હવે સાવચેત રહેવું જ પડશે

​​કોવિડ-19 કેસો (Covid-19 Cases)માં વૈશ્વિક વધારાના આંકડા મોટી સમસ્યા ઊભી કરી શકે છે કારણ કે કેટલાક દેશોમાં ટેસ્ટિંગમાં ઘટાડો થયો છે. WHOએ મંગળવારે રાષ્ટ્રોને વાયરસ સામે સતર્ક રહેવા ચેતવણી આપી હતી. એક મહિના કરતાં વધુ સમયના ઘટાડા પછી ગયા અઠવાડિયે વિશ્વભરમાં કોવિડના કેસ વધવા લાગ્યા છે. ડબ્લ્યુએચઓએ જણાવ્યું હતું કે, એશિયા અને ચીનના જિલિન પ્રાંતમાં લોકડાઉન થઈ ગયું છે.

ડબ્લ્યુએચઓએ કહ્યું કે કેસ વધારા પાછળ ઘણા કારણો હોઈ શકે છે, જેમાં ઓમિક્રોનનો ઝડપી ફેલાવો, Ba.2 સબલાઇનેજ અને જાહેર આરોગ્ય અને સામાજિક ધોરણોનો અભાવ પણ સામેલ છે. WHOના વડા ટેડ્રોસ અધાનમ ઘેબ્રેયસસે પત્રકારોને જણાવ્યું હતું કે, "કેટલાક દેશોમાં પરીક્ષણમાં ઘટાડો થયો હોવા છતાં આ વધારો થઈ રહ્યો છે, જેનો અર્થ એ છે કે આપણે જે કેસ જોઈ રહ્યા છીએ તે મોટા આઇસબર્ગની ટોચ સમાન છે."

WHO અધિકારીઓએ જણાવ્યું હતું કે કેટલાક દેશોમાં ઓછા રસીકરણ દર, આંશિક રીતે ખોટી માહિતી ફેલાવવાના કારણે કારણે કેસ વધી રહ્યા છે.

છેલ્લા અઠવાડિયાથી કેસોમાં વધારો થયો

વૈશ્વિક સ્તરે નવા સંક્રમણમાં ગત એક અઠવાડિયાની તુલનામાં 8% નો વધારો થયો છે, જેમાં 11 મિલિયન નવા કેસ અને માર્ચ 7-13 સુધીમાં 43,000 થી વધુ નવા મૃત્યુ થયા છે. જાન્યુઆરીના અંત પછી આવો વધારો પ્રથમ વખત જોવા મળ્યો છે.

સૌથી મોટો ઉછાળો WHO ના પશ્ચિમ પેસિફિક ક્ષેત્રમાં હતો, જેમાં દક્ષિણ કોરિયા અને ચીનનો સમાવેશ થાય છે, જ્યાં કેસ 25% અને મૃત્યુ 27% વધ્યા છે.

આ પણ વાંચો- Shankarsinh Vaghela: શંકરસિંહ વાઘેલાએ રાજકારણમાં પ્રિયંકા ગાંધીની એન્ટ્રીને કોંગ્રેસની સૌથી મોટી ભૂલ ગણાવી

આફ્રિકામાં પણ નવા કેસોમાં 12% અને મૃત્યુમાં 14% નો વધારો જોવા મળ્યો છે, અને યુરોપમાં કેસોમાં 2% નો વધારો થયો છે, પરંતુ મૃત્યુમાં કોઈ ઉછાળો આવ્યો નથી. પૂર્વીય ભૂમધ્ય સમુદ્ર સહિત અન્ય પ્રદેશોમાં કેસોમાં ઘટાડો થયો છે, જોકે આ પ્રદેશમાં ચેપમાં અગાઉના સ્પાઇક સાથે સંકળાયેલા મૃત્યુમાં 38% નો વધારો જોવા મળ્યો હતો.

યુરોપમાં માર્ચની શરૂઆતમાં કેસમાં વધારો થયો હતો

ઘણા નિષ્ણાતોએ ચિંતા વ્યક્ત કરી છે કે યુરોપ અન્ય કોરોનાવાયરસ લહેરનો સામનો કરી રહ્યું છે, ઑસ્ટ્રિયા, જર્મની, સ્વિટ્ઝર્લૅન્ડ, નેધરલેન્ડ અને યુનાઇટેડ કિંગડમમાં માર્ચની શરૂઆતથી કેસ વધી રહ્યા છે.

આ પણ વાંચો- Gandhinagar News: ગુજરાતના શિક્ષણ મંત્રીની જાહેરાત, ધોરણ 1 અને 2 માં અગ્રેજી વિષય ફરજીયાત

WHOના મારિયા વાન કેરખોવે બ્રીફિંગમાં જણાવ્યું હતું કે BA.2 અત્યાર સુધીનો સૌથી ઝડપથી ફેલાતો પ્રકાર છે. જો કે એવા કોઈ સંકેત નથી કે તે વધુ ગંભીર રોગ તરફ દોરી શકે છે, અને એવા કોઈ પુરાવા નથી કે અન્ય કોઈ નવા પ્રકારના કેસ વધી રહ્યા છે.

યુરોપનું ચિત્ર પણ આખી દુનિયા જેવું નથી. ડેનમાર્ક, ઉદાહરણ તરીકે, BA.2 વેરિઅન્ટને કારણે ફેબ્રુઆરીના પ્રથમ અર્ધમાં કેસોમાં સંક્ષિપ્ત શિખર જોવા મળ્યું, જે ટૂંક સમયમાં શમી ગયું.

અમેરિકામાં નવી લહેર આવી શકે છે

પરંતુ નિષ્ણાતોએ ચેતવણી આપવાનું શરૂ કર્યું છે કે BA.2 ના કારણે સંભવિત રીતે યુરોપની જેમ જ ટૂંક સમયમાં યુનાઇટેડ સ્ટેટ્સમાં નવી લહેર આવી શકે છે. તેનું કારણ નબળી રોગપ્રતિકારક શક્તિ અને કેટલાક મહિનાઓ પહેલા આપવામાં આવેલી રસીની અસર પછી પ્રતિબંધોમાં ઘટાડો હોઈ શકે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર