Home /News /career /

Celeb Education : કેટલું ભણી છે ભારતની ટેનિસ સ્ટાર સાનિયા મિર્ઝા, જાણો રસપ્રદ માહિતી

Celeb Education : કેટલું ભણી છે ભારતની ટેનિસ સ્ટાર સાનિયા મિર્ઝા, જાણો રસપ્રદ માહિતી

સાનિયા મિર્ઝાની ફાઈલ તસવીર

Celeb Education : આંતરરાષ્ટ્રીય ટેનિસ ખેલાડી સાનિયા મિર્ઝા અભ્યાસમાં હોશિયાર હતી. તેણીએ નાનપણથી જ અભ્યાસ અને ટેનિસ રમવા વચ્ચે સંતુલન જાળવવાનું શીખી લીધું હતું. સોશિયલ મીડિયા પર ખૂબ જ લોકપ્રિય સાનિયા મિર્ઝાને માનદ ડોક્ટરેટની પદવી પણ આપવામાં આવી છે.

વધુ જુઓ ...
    Celeb education Sania Mirza : સાનિયા મિર્ઝા (Sania Mirza) ટેનિસની દુનિયામાં જાણીતું નામ છે. તેણે રાષ્ટ્રીય ટેનિસ જગત તેમજ આંતરરાષ્ટ્રીય સ્તરે પોતાનું અને દેશનું નામ રોશન કર્યું છે. સાનિયા મિર્ઝા (Tennis star Sania Mirza) નાની ઉંમરથી જ ટેનિસની રમતમાં નિપુણ બની ગઈ હતી. જેમાં તેને તેના પરિવારનો પણ પૂરો સહયોગ મળ્યો. ટેનિસ રમવાની સાથે સાનિયા પોતાના અભ્યાસ પર પણ સંપૂર્ણ ધ્યાન રાખતી હતી.

    આંતરરાષ્ટ્રીય ટેનિસ સ્ટાર સાનિયા મિર્ઝાનો જન્મ 15 નવેમ્બર 1986ના રોજ મુંબઈમાં થયો હતો. તેના પિતા ઈમરાન મિર્ઝા સ્પોર્ટ્સ જર્નાલિસ્ટ અને સાનિયાના કોચ રહી ચૂક્યા છે. સાનિયાની માતાનું નામ નસીમા મિર્ઝા છે. તેની બહેન અનમ મિર્ઝાનું પોતાનું ફેશન લેબલ છે. સાનિયા મિર્ઝાએ 12 એપ્રિલ 2010ના રોજ પૂર્વ પાકિસ્તાની ક્રિકેટર શોએબ મલિક સાથે લગ્ન કર્યા હતા. ઓક્ટોબર 2018 માં, તેણીએ તેમના પુત્ર, ઇઝાન મિર્ઝા મલિકને જન્મ આપ્યો હતો.

    સાનિયા મિર્ઝાનું શિક્ષણ હૈદરાબાદમાં પૂર્ણ થયું છે. તેમનું પ્રારંભિક શિક્ષણ હૈદરાબાદની NASR સ્કૂલમાં થયું હતું. સાનિયા મિર્ઝાએ પછીનો અભ્યાસ હૈદરાબાદની સેન્ટ મેરી કોલેજમાંથી કર્યો હતો. તેણે આ કોલેજમાંથી ગ્રેજ્યુએશનની ડિગ્રી પણ મેળવી છે. 11 ડિસેમ્બર 2008ના રોજ, એમજીઆર એજ્યુકેશનલ એન્ડ રિસર્ચ ઈન્સ્ટિટ્યૂટ યુનિવર્સિટી, ચેન્નાઈ તરફથી તેમને માનદ ડોક્ટરેટની પદવી પ્રાપ્ત થઈ હતી.

    આ પણ વાંચોઃ-RVNL Recruitment 2022 : RVNL જૂનાગઢમાં જનરલ મેનેજરની ભરતી, રૂ.2.80 લાખ સુધીનો પગાર


    સાનિયા મિર્ઝાએ હૈદરાબાદની નિઝામ ક્લબમાં છ વર્ષની ઉંમરે ટેનિસ રમવાનું શરૂ કર્યું હતું. તેણે પોતાનું પ્રારંભિક કોચિંગ મહેશ ભૂપતિના પિતા અને ભારતના સફળ ટેનિસ ખેલાડી સી.કે. ભૂપતિ પાસેથી લીધું હતું. તેના પિતા ઇમરાન મિર્ઝા ટેનિસ તરફના તેના વલણમાં મહત્વપૂર્ણ ભૂમિકા ભજવે છે. તે સાનિયાનો પ્રારંભિક કોચ પણ રહી ચૂક્યો છે.

    આ પણ વાંચોઃ-Celeb Disha Patani : કોલેજ ડ્રોપઆઉટ છે દિશા પટણી, મોડેલિંગ માટે છોડ્યો અભ્યાસ


    સાનિયાએ 1999માં માત્ર 14 વર્ષની ઉંમરે આંતરરાષ્ટ્રીય કરિયરની શરૂઆત કરી હતી. પછી તેણે વર્લ્ડ જુનિયર ટેનિસ ચેમ્પિયનશિપમાં ભાગ લીધો. સાનિયા તેના વ્યસ્ત શેડ્યૂલમાંથી સમય કાઢીને પુત્ર ઇઝાનને પણ ફરવા લઇ જતી હતી. સોશિયલ મીડિયા પર તેની અને ઈઝાનની તસવીરો જોઈ શકાય છે.
    Published by:Darshit Gangadia
    First published:

    Tags: Career News, Jobs and Career, Sania mirza, Sports news

    विज्ञापन

    विज्ञापन

    આગામી સમાચાર

    विज्ञापन
    विज्ञापन