Robotics Engineering: ધોરણ 12 પછી રોબોટિક્સ એન્જીનીયરીંગનો સ્કોપ, આ માહિતી ખૂબ અગત્યની

બદલાતા ટેકનોલોજીના યુગ સાથે મેન પાવરની જગ્યા હવે રોબોટ (Robot) લઈ રહ્યા છે. રોબોટ્સથી મનુષ્ય ધારે તે કરાવી શકે છે. અને જે પ્રકારે તમામ ક્ષેત્રોમાં રોબોટ્સનો ઉપયોગ વધી રહ્યો છે તે જોતા આગામી યુગ રોબોટ્સ (Robots)નો હશે તે નક્કી છે. અને એટલે ધોરણ 12 પછી જો રોબોટિક્સ એન્જીનીયરીંગ (Robotics Engineering)ના સ્કોપ પણ વધી રહ્યા છે. જે વિદ્યાર્થીઓએ રોબોટિક્સ એન્જીનીયરીંગમાં ઇન્ટરેસ્ટ છે તેઓ માટે આ માહિતી ખૂબ અગત્યની છે.

B.Tech Robotics Engineering એ 4 વર્ષનો કોર્સ છે. ધોરણ 12 પછી આ કોર્ષ કરી શકાય છે. ધોરણ 12 પૂર્ણ કર્યા પછી કોર્સ કરી શકાય છે. તે એક ઈન્ટર ડીસીપ્લીનરી અભ્યાસક્રમ છે. જે રોબોટની ડિઝાઇન અને ડેવલપમેન્ટ સાથે સંકળાયેલ છે. આ રોબોટનો ઉપયોગ ઉત્પાદન, સંરક્ષણ, દરિયાઈ, તબીબી અને સેવા ઉદ્યોગોના ક્ષેત્રોમાં થાય છે. આ કોર્સ માટે લાયકાત 12 વિથ ફિઝિક્સ, કેમેસ્ટ્રી અને મેથેમેટિક્સ જરૂરી છે. આ કોર્સ માટે અંદાજે 70 હજારથી 2 લાખ સુધીની વાર્ષિક ફી હોય છે.

આ પણ વાંચો- રાજસ્થાનથી મળી આવેલ RDX કેસમાં મોટો ખુલાસો, આરોપીઓએ અમદાવાદની લીધી હતી મુલાકાત

આ કોર્ષ બાદ જાણીતી મલ્ટીનેશનલ કંપનીઓમાં નોકરી મળે છે. રોબોટિક્સ એન્જીનીયર, રોબોટિક્સ ડિઝાઈનર એન્ડ એનાલિસ્ટ, રોબોટિક્સ સેલ્સ એન્જીનીયર, રોબોટિક રીસર્ચ સાયન્ટિસ્ટ તરીકે જોબ મળી શકે છે. આ ઉપરાંત માઇનિંગ ઇન્ડસ્ટ્રીઝ, ટેલિકોમ્યુનિકેશન, ફોરેસ્ટ ઇન્ડસ્ટ્રીઝ, ફૂડ ઇન્ડસ્ટ્રીઝ, ઇન્ડસ્ટ્રીયલ એન્જીનીયરીંગ, સ્પેસ એક્સપ્લોરેશન, હેલ્થ કેર, ટ્રાન્સપોર્ટેશન માં વર્ક કરવાની તક મળે છે.  નોકરીમાં અંદાજે 3 લાખ 20 હજારથી 5 લાખ સુધીનું વાર્ષિક પગાર ધોરણ હોય છે.

આ પણ વાંચો- લોકશાહીને મજબૂત કરવાની દિશામાં અમદાવાદના યુવાનો નિષ્ક્રિય, સામે આવ્યા ચોંકાવનારા આંકડા

રોબોટિક્સ એન્જીનીયરીંગમાં BTech ઓફર કરતી કેટલીક મહત્વની કોલેજો :-

SRM ઇન્સ્ટિટ્યૂટ ઓફ સાયન્સ એન્ડ ટેક્નોલોજી, કાંચીપુરમ
M.S.  રામૈયા યુનિવર્સિટી ઑફ એપ્લાઇડ સાયન્સ, બેંગ્લોર
ડૉ. સુધીર ચંદ્ર સુર ઇન્સ્ટિટ્યૂટ ઑફ ટેક્નોલોજી એન્ડ સ્પોર્ટ્સ કૉમ્પ્લેક્સ, કોલકાતા
તુલાની સંસ્થા, દેહરાદૂન
સુશાંત યુનિવર્સિટી, ગુડગાંવ
રૂરકી ઇન્સ્ટિટ્યૂટ ઑફ ટેક્નોલોજી, રૂરકી
વીઆઇટી યુનિવર્સિટી, ગુંટુર
વિવેકાનંદ ગ્લોબલ યુનિવર્સિટી, જયપુર
શ્રીધર યુનિવર્સિટી, પિલાની
એપેક્સ યુનિવર્સિટી,  જયપુર

આમ બદલાતા ટેકનોલોજીના યુગ સાથે નામાંકિત કોલેજોમાં રોબોટિક્સ એન્જીયરીંગ કરી વિધાર્થીઓ કારકિર્દી ઘડી શકે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Education News, Gujarat Education, Higher education