Home /News /career /દેશની સૌથી મોટી સરકારી બેન્ક SBI માં 5000થી વધુ જગ્યા, જાણો ક્યારે છે અરજી કરવાની અંતિમ તારીખ?

દેશની સૌથી મોટી સરકારી બેન્ક SBI માં 5000થી વધુ જગ્યા, જાણો ક્યારે છે અરજી કરવાની અંતિમ તારીખ?

દેશની સૌથી મોટી સરકારી બેન્ક SBI માં 5000થી વધુ જગ્યા

SBI Job 2022: SBIની ઉપરોક્ત વિવિધ જગ્યાઓ પર અરજી પ્રક્રિયા 7 સપ્ટેમ્બર 2022 થી શરૂ થઈ ચૂકી છે જ્યારે અરજી કરવાની છેલ્લી તારીખ 27 સપ્ટેમ્બર 2022 છે. જેથી ઇચ્છુક લાયક ઉમેદવારો વહેલા તે પહેલા પોતાની અરજીની પ્રક્રિયા અહી આપેલી ઓફિશિયલ લિન્ક પરથી પૂર્ણ કરી શકે છે.  

વધુ જુઓ ...
    SBI Recruitment 2022: તાજેતરનાં સમયમાં દેશભરમાં વિવિધ સરકારી/અર્ધ સરકારી સંસ્થાઓ અલગ અલગ પદો માટે ભરતીઓની ભરમાર જામી છે તેવામાં દેશની સૌથી ગણાતી બેન્ક SBIમાં પણ વિવિધ પદો માટે ભરતી કરવામાં આવી રહી છે.  ભરતી જુનિયર એસોસિએટ પોસ્ટ્સ (Junior Associate posts) માટે સ્ટેટ બેંક ઓફ ઇન્ડિયા દ્વારા એસબીઆઇ ક્લાર્કની ભરતી (SBI Clerk Recruitment 2022) માટે અરજી પ્રક્રિયા શરૂ થઈ ગઈ છે.

    રસ ધરાવતા ઉમેદવારો તેમની યોગ્યતાના માપદંડને ચકાસી શકે છે અને એસબીઆઈ ભરતી 2022 (SBI Recruitment 2022) માટે sbi.co.in પરથી અરજી કરી શકે છે. ઉમેદવારોને સલાહ આપવામાં આવે છે કે અરજી કરતા પહેલા એસબીઆઈ ક્લાર્ક (SBI Clerk Jobs) પાત્રતા માપદંડની તપાસ કરી લે. એસબીઆઈ ક્લાર્ક 2022 એપ્લિકેશન લિંક અને યોગ્યતાના માપદંડ વિશે અહીં અમે તમને વિગતવાર જણાવી રહ્યા છીએ.

    આ પણ વાંચો:  FCI Recruitment 2022: 5000થી વધુ નોન-એક્ઝિક્યુટિવ પોસ્ટ માટે કરો અરજી, અહીં આપેલી છે ડાયરેક્ટ લિંક

    5000થી વધુ ખાલી જગ્યાઓ માટે ભરતી


    એસબીઆઈ ક્લાર્ક નોટિફિકેશન 2022 ગઈકાલે બહાર પાડવામાં આવી હતી. જેમાં એસબીઆઈ ક્લાર્કની 5000થી વધુ ખાલી જગ્યાઓની જાહેરાત કરવામાં આવી હતી. એસબીઆઈ ક્લાર્ક ભરતી 2022 માટે અરજી કરવાની છેલ્લી તારીખ 27 સપ્ટેમ્બર, 2022 છે.


    અરજી કરવાની છેલ્લી તારીખ


    SBIની ઉપરોક્ત વિવિધ જગ્યાઓ પર અરજી પ્રક્રિયા 7 સપ્ટેમ્બર 2022 થી શરૂ થઈ ચૂકી છે જ્યારે અરજી કરવાની છેલ્લી તારીખ 27 સપ્ટેમ્બર 2022 છે. જેથી ઇચ્છુક લાયક ઉમેદવારો વહેલા તે પહેલા પોતાની અરજીની પ્રક્રિયા અહી આપેલી ઓફિશિયલ લિન્ક પરથી પૂર્ણ કરી શકે છે.

    શું હોવી જોઇએ શૈક્ષણિક લાયકાત?


    એસબીઆઈ ક્લાર્ક 2022 માટે અરજી કરનારા ઉમેદવારો કોઈપણ માન્ય યુનિવર્સિટીમાંથી સ્નાતક હોવા જોઈએ. જે લોકો ગ્રેજ્યુએશનના અંતિમ વર્ષ/સેમેસ્ટરમાં હોય તેઓ પણ અરજી કરી શકે છે અને જો તેમની પસંદગી થાય તો તેમણે 30 નવેમ્બર, 2022 સુધીમાં પાસિંગ સર્ટિફિકેટ રજૂ કરવાનું રહેશે.

    કેટલી છે વયમર્યાદા?


    વયમર્યાદાની વાત કરીએ તો, 1 ઓગસ્ટ, 2022ના રોજ 20 વર્ષથી નીચે અને 28 વર્ષથી વધુ ઉમેદવારી ઉંમર ન હોવી જોઈએ. સરકારના ધારાધોરણ મુજબ ઉપલી વયમર્યાદામાં છૂટછાટ લાગુ પડે છે.

    કઇ રીતે કરી શકો છો અરજી?


    - સૌ પ્રથમ સ્ટેટ બેંક ઓફ ઇન્ડિયાની ઓફિશ્યલ વેબસાઇટ www.sbi.co.in પર જાઓ.

    - હવે હોમપેજ પર કરિયર ટેબ પર ક્લિક કરો અને કરન્ટ ઓપનિંગ સેક્શનને ઍક્સેસ કરો.

    - હવે નોટિફિકેશન હેઠળની એપ્લિકેશન લિંક પર ક્લિક કરો જેમાં "જુનિયર એસોસિએટ્સની ભરતી (કસ્ટમર સપોર્ટ એન્ડ સેલ્સ)" લખેલું છે.

    - નવું લોગીન/રજીસ્ટ્રેશન પેજ ખુલશે.

    - હવે તમારે રજીસ્ટ્રેશન કરવાનું રહેશે.

    - ત્યાર બાદ એસબીઆઇ ક્લર્ક 2022 એપ્લિકેશન ફોર્મ ભરો.

    - જરૂરી દસ્તાવેજો અને માહિતી અપલોડ કરો.

    - એપ્લિકેશન ફી જમા કરો અને ફોર્મ સબમિટ કરો.

    - ભવિષ્યમાં રેફરન્સ માટે અરજીની એક કોપી તમારી પાસે જરૂર રાખો.

    આ પણ વાંચો:  એન્જિનિયર અને ઓફિસર્સની વિવિધ જગ્યાઓ માટે કરો અરજી, આટલો મળશે પગાર

    કેટલી રહેશે એપ્લિકેશન ફી?


    એસબીઆઈ ભરતી 2022 માટે અરજી કરનારા ઉમેદવારોએ અરજી ફી તરીકે 750 રૂપિયા ચૂકવવાના રહેશે. એસસી/એસટી કેટેગરી હેઠળ અરજી કરનારા ઉમેદવારોને અરજી ફી ભરવામાંથી મુક્તિ આપવામાં આવી છે.
    Published by:Rahul Vegda
    First published:

    Tags: Career and Jobs, Job, SBI bank

    विज्ञापन
    विज्ञापन