RBI Recruitment 2022 : RBIની 294 જગ્યા માટે ફોર્મ ભરવાની અંતિમ તક, અહીંથી કરો અરજી

RBI Recruitment 2022 : રિઝર્વ બેન્ક ઓફ ઈન્ડિયા (RBI) દ્વારા 394 જગ્યા માટે ભરતીની જાહેરાત બહાર પાડવામાં આવી હતી. સ્પર્ધાત્મક પરીક્ષાના માધ્યમથી પસંદ થનારા ગ્રેડ બી ઓફિસરની ભરતી માટે ઓનલાઈન અરજી કરવાની અંતિમ તક છે. (RBI Recruitment 2022 Online Application) આરબીઆઈની ભરતી માટે ઓનલાઇન ફોર્મ ભરવાની અંતિમ તારીખ 18-4-2022 છે. એટલે કે સોમવારે વિદ્યાર્થીઓ અને રસ ધરાવતા ઉમેદવારો ફોર્મ ભરી શકે છે. આ ફોર્મ ભરવાની વિગતો નીચે ટેબલમાં આપેલી છે. ઉમેદવારો જાહેરાત વાંચી અને શૈક્ષણિક યોગ્યતાના આધારે ફોર્મ ભરી શકે છે.

RBI ગ્રેડ Bમાં અધિકારીઓની પસંદગી માટે ઓનલાઇન પરીક્ષા લે છે. આ વર્ષે RBI ગ્રેડ Bની પરીક્ષા 28 મેથી 6 ઓગસ્ટ 2022 સુધી લેવામાં આવશે. ઓફિસર્સ ગ્રેડ B (DR) જનરલમાં 238 ઓફિસર્સ ગ્રેડ B (DR)- DIPRમાં 31 અને ઓફિસર્સ ગ્રેડ B (DR)-DSIMમાં 25 જગ્યા પર ભરતી થશે.

આ પોસ્ટ માટે શોર્ટલિસ્ટ થયેલા ઉમેદવારોની ભરતી દેશભરમાં કરવામાં આવશે અને દર મહિને રૂ. 83254નો આકર્ષક પગાર આપવામાં આવશે. અહીં મહત્વની તારીખો, ખાલી જગ્યા, લાયકાત અને અન્ય વિગતો આપવામાં આવી છે.

RBI Recruitment 2022 :  શૈક્ષણિક લાયકાત

ગ્રેડ B (DR) - (જનરલ)ના અધિકારીઓ: કોઈપણ શાખામાં સ્નાતક / સમકક્ષ તકનીકી અથવા વ્યાવસાયિક લાયકાત સાથે ઓછામાં ઓછા 60% ગુણ (એસસી / એસટી / પીડબલ્યુબીડી અરજદારો માટે 50%) અથવા પોસ્ટ-ગ્રેજ્યુએશન / સમકક્ષ તકનીકી લાયકાત ઓછામાં ઓછા 55% ગુણ (એસસી / એસટી / પીડબલ્યુબીડી અરજદારો માટે પાસ માર્ક્સ) જરૂરી છે.

RBI Recruitment 2022 :  ગ્રેડ B (DR) DEPR અધિકારીઓ - ઓછામાં ઓછા 55% માર્ક્સ સાથે ઇકોનોમિક્સ/ઇકોનોમેટ્રિક્સ/ક્વોન્ટિટેટિવ ​​ઇકોનોમિક્સ/મેથેમેટિકલ ઇકોનોમિક્સ/ઇન્ટિગ્રેટેડ ઇકોનોમિક્સ કોર્સ/ફાઇનાન્સમાં માસ્ટર ડિગ્રી અથવા તમામ સેમેસ્ટરના એકંદરે સમકક્ષ ગ્રેડ - માન્ય અથવા વિદેશી યુનિવર્સિટી/સંસ્થામાંથી અથવા PGDM / ઓછામાં ઓછા 55% માર્ક્સ સાથે MBA ફાયનાન્સ અથવા તમામ સેમેસ્ટરના એકંદરે સમકક્ષ ગ્રેડ અથવા અર્થશાસ્ત્રની કોઈપણ પેટા કેટેગરીમાં અર્થશાસ્ત્રમાં માસ્ટર ડિગ્રી.

આ પણ વાંચો : IndBank Recruitment: IndBankમાં 73 જગ્યા પર ભરતી, મળશે આકર્ષક પગાર,અહીંથી કરો અરજી

RBI Recruitment 2022 :  ગ્રેડ B (DR) - DSIM અધિકારીઓ: IIT-ખડગપુરથી સ્ટેટિસ્ટિક્સ - મેથેમેટિકલ સ્ટેટિસ્ટિક્સ - મેથેમેટિકલ ઇકોનોમિક્સ - ઇકોનોમિક્સ - સ્ટેટિસ્ટિક્સ એન્ડ ઇન્ફોર્મેટિક્સ - IIT-બોમ્બેમાંથી એપ્લાઇડ સ્ટેટિસ્ટિક્સ એન્ડ ઇન્ફોર્મેટિક્સમાં માસ્ટર ડિગ્રી, તમામ સેમેસ્ટરના એકંદરે ઓછામાં ઓછા 55% ગુણ અથવા સમકક્ષ ગ્રેડ અને પ્રતિષ્ઠિત સંસ્થામાંથી આંકડાશાસ્ત્ર અથવા સંબંધિત વિષયોમાં એક વર્ષનો પોસ્ટ ગ્રેજ્યુએટ ડિપ્લોમા અથવા એમ. સ્ટેટ. ISI કોલકાતા, IIT ખડગપુર અને IIM કલકત્તા દ્વારા સંયુક્ત રીતે ઓફર કરવામાં આવેલ સેમેસ્ટરના ઓછામાં ઓછા 55% માર્કસ સાથે અથવા પોસ્ટ ગ્રેજ્યુએટ ડિપ્લોમા ઇન બિઝનેસ એનાલિટિક્સ (PGDBA) સાથે ઇન્ડિયન સ્ટેટિસ્ટીકલ ઇન્સ્ટિટયૂટની ઓછામાં ઓછા 55% ગુણ સાથે ડીગ્રી અથવા એકંદરે સમકક્ષ ગ્રેડ.

RBI Recruitment 2022 :  નોકરીની ટૂંકી વિગતો

જગ્યા	294
શૈક્ષણિક લાયકાત	ઉપર જણાવ્યા મુજબ દરેક પોસ્ટ માટે અલગ અલગ
પસંદગી પ્રક્રિયા	સ્પર્ધાત્મક પરીક્ષા દ્વારા
અરજી ફી	SC/ST 100 રૂપિયા, અન્ય ઉમેદવારો માટે 850 રૂપિયા
અરજી કરવાની અંતિમ તારીખ	18-4-2022
ભરતીનું નોટિફિકેશન	અહીંયા ક્લિક કરો
ઓનલાઇન અરજી કરવા માટે	અહીંયા ક્લિક કરો

RBI Recruitment 2022 : પસંદગીની પ્રક્રિયા

આ પોસ્ટ માટે પસંદગી પ્રક્રિયા અંતર્ગત ઓનલાઈન પરીક્ષાના બે તબક્કા રહેશે. તેમાં ઇન્ટરવ્યૂ માટેનો રાઉન્ડ પણ રહેશે.

RBI Recruitment 2022 :  વયમર્યાદા

21થી 30 વર્ષ

RBI Recruitment 2022 : કઈ રીતે કરવી અરજી?

- RBIની વેબસાઈટ -https://opportunities.rbi.org.in/Scripts/Vacancies પર જઈ Opportunities@RBI >Current Vacancies > Vacancies હેઠળ Recruitment for the post of “Officers in Gr.’B’ (DR) General/DEPR/DSIM પોસ્ટ પર ક્લિક કરો.

- હવે રજીસ્ટ્રેશન કરવા માટે Click here for New Registration ટેબ પસંદ કરો અને નામ, કોન્ટેકટ વિગતો અને ઈમેલ-આઈડી નાખો. ત્યારબાદ રિઝર્વ બેંક ઓફ ઈન્ડિયા સર્વિસીસ બોર્ડ, મુંબઈ દ્વારા પ્રોવિઝનલ રજીસ્ટ્રેશન નંબર અને પાસવર્ડ જનરેટ કરવામાં આવશે. હવે જાહેરાતના પેજમાં આવેલી હાયપરલિંક Online Application Form પર ક્લિક કરો.

આ પણ વાંચો : BIS Recruitment 2022 : બ્યૂરો ઓફ ઈન્ડિયન સ્ટાન્ડર્ડની 337 જગ્યા માટે ભરતી, અહીંથી કરો અરજી

- હવે બેઝિક વિગતો દાખલ કરો અને આપેલ સૂચનો મુજબ ઓનલાઈન અરજી ફોર્મમાં ફોટોગ્રાફ, સહી, ડાબા અંગૂઠાની છાપ અને હાથથી લખેલી ડેકલેરેશન અપલોડ કરો.

- ત્યારબાદ Validate your details અને Save & Next' button બટન પર ક્લિક કરીને તમારી એપ્લિકેશનને સેવ કરો.

- દસ્તાવેજોને સ્કેન કરવા અને અપલોડ કરવા માટેની માર્ગદર્શિકામાં આપેલ સૂચનો અનુસાર ફોટો, હસ્તાક્ષર, ડાબા અંગૂઠાની છાપ અને હાથથી લખેલી ડેકલેરેશન અપલોડ કરવા આગળ વધો અને એપ્લિકેશન ફોર્મમાં અન્ય વિગતો ભરો.

- હવે ફાઇનલ સબમિટ કરતા પહેલા સમગ્ર અરજી ફોર્મને તપાસી લો. તેના માટે Preview ટેબ પર ક્લિક કરો. જો જરૂરી હોય તો વિગતોમાં ફેરફાર કરો અને તમારી વિગતો સાચી હોય તો FINAL SUBMIT પર ક્લિક કરો.

- અંતે Payment ટૅબ પર ક્લિક કરીને ચુકવણી કરો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Jobs and Career, Sarkari Naukri, કેરિયર