Home /News /career /સરકારી નોકરી : RBIમાં આસિસ્ટન્ટની 950 જગ્યાઓ પર થશે ભરતી, જાણો કેવી રીતે થશે અરજી

સરકારી નોકરી : RBIમાં આસિસ્ટન્ટની 950 જગ્યાઓ પર થશે ભરતી, જાણો કેવી રીતે થશે અરજી

RBI Recruitment 2022 : આાબીઆઈમાં આસિસ્ટન્ટની બમ્પર ભરતી, જાણો કેવી રીતે કરી શકશે અરજી

RBI Recruitment 2022 : રિઝર્વ બેંક ઓફ ઇન્ડિયા (RBI) ટૂંક સમયમાં જ તેની વેબસાઇટ opportunities.rbi.org.in અને અખબારમાં RBI આસિસ્ટન્ટ માટેની ભરતી (RBI Assistant Recruitment 2022)નું જાહેરનામું બહાર પાડે તેવી સંભાવના છે.

    RBI Recruitment 2022 : રિઝર્વ બેંક ઓફ ઇન્ડિયા (RBI) ટૂંક સમયમાં જ તેની વેબસાઇટ opportunities.rbi.org.in અને અખબારમાં RBI આસિસ્ટન્ટ માટેની ભરતી (RBI Assistant Recruitment 2022)નું જાહેરનામું બહાર પાડે તેવી સંભાવના છે. રિપોર્ટ્સ અનુસાર, RBI આસિસ્ટન્ટ માટેનું રજિસ્ટ્રેશન આગામી 17 ફેબ્રુઆરીથી શરૂ થશે. ઉમેદવારો આ ભરતી માટે 8 માર્ચ સુધીમાં નોંધણી કરાવી શકશે.

    રિપોર્ટ્સ મુજબ પશ્ચિમ, દક્ષિણ, ઉત્તર અને પૂર્વ ઝોનમાં બેંકની વિવિધ કચેરીઓમાં દેશભરમાં કુલ 950 ખાલી જગ્યાઓ ભરવામાં આવશે. આ ભરતીમાં ઉમેદવારોની પસંદગી માટે બેંક દેશવ્યાપી પરીક્ષા લેશે. પરીક્ષાનો પ્રથમ તબક્કો એટલે કે RBI આસિસ્ટન્ટ પ્રિલિમ્સ 26 અને 27 માર્ચ 2022ના રોજ અપેક્ષિત છે. જેઓ પ્રિલિમ્સમાં ક્વોલિફાય થશે તેમને મેઈન પરીક્ષામાં બોલાવવામાં આવશે.

    સરકારની માર્ગદર્શિકાને અનુરૂપ RBI મર્યાદિત સંખ્યામાં SC /ST / OBC / PWD ઉમેદવારો માટે ચોક્કસ કેન્દ્રો પર તાલીમ આપવાનું આયોજન ધરે તેવી પણ અપેક્ષા છે. જે ઉમેદવારો RBI બેંકમાં સહાયક તરીકે નોકરી શોધી રહ્યા છે તેમની પાસે બેચલર ડિગ્રી હોવી જોઈએ.

    RBI Recruitment 2022 : લાયકાતના માપદંડ

    એકંદરે ઓછામાં ઓછા 50 ટકા ગુણ (SC / ST/ PWD ઉમેદવારો માટે પાસ ક્લાસ) સાથે કોઈપણ શાખામાં ગ્રેજ્યુએશન અને પીસી પર વર્ડ પ્રોસેસિંગનું જ્ઞાન જરૂરી છે. તેમજ ભૂતપૂર્વ સૈનિકોની કેટેગરીના ઉમેદવાર (ભૂતપૂર્વ સૈનિકોના આશ્રિતો સિવાય) કાં તો માન્યતા પ્રાપ્ત યુનિવર્સિટીમાંથી સ્નાતક હોવા જોઈએ અથવા તો સશસ્ત્ર દળોની મેટ્રિક અથવા તેની સમકક્ષ પરીક્ષા પાસ કરેલી હોવી જોઈએ અને ઓછામાં ઓછા 15 વર્ષની સંરક્ષણ સેવામાં હોવા જોઈએ. કોઈ ચોક્કસ ભરતી કચેરીમાં પોસ્ટ માટે અરજી કરનારા ઉમેદવારો રાજ્યની ભાષા (એટલે કે ભાષા વાંચતા, લખતા, બોલતા અને સમજતા આવડવી)માં નિપુણ હોવા જોઈએ.

    આ પણ વાંચો : Talati cum Mantri Bharti 2022: તલાટીની ભરતીના ફોર્મ ભરવાની તારીખ લંબાવાઈ, અહીંથી કરો અરજી

    RBI Recruitment 2022 :  વયમર્યાદા

    આ પોસ્ટ માટે વયમર્યાદા 20થી 28 વર્ષની રહેશે.

    RBI Recruitment 2022 : પસંદગી પ્રક્રિયા

    - આ પદો માટે પસંદગી બે તબક્કામાં ઓનલાઈન પરીક્ષાઓ દ્વારા કરવામાં આવશે.
    - લેંગ્વેજ પ્રોફિશિયન્સી ટેસ્ટ (LPT),આસિસ્ટન્ટ એક્ઝામ પેટર્ન

    RBI Recruitment 2022 : પ્રિલિમ્સ એક્ઝામ પેટર્ન:

    પ્રશ્નોની કુલ સંખ્યા - 3 વિભાગોમાં 100 (અંગ્રેજી ભાષાના 30, ગણિતના 35 અને રીઝનિંગ ક્ષમતાના 35)
    કુલ ગુણ - 100
    સમય - દરેક વિભાગ માટે 20 મિનિટ

    RBI Recruitment 2022 : મેઈન્સ એક્ઝામ પેટર્નઃ

    રીઝનિંગની ટેસ્ટમાં 40 પ્રશ્નો, મહત્તમ 40 ગુણ અને 30 મિનિટનો સમય રહેશે. અંગ્રેજી ભાષામાં પણ 40 પ્રશ્નો, મહત્તમ 40 ગુણ અને 30 મિનિટનો સમય રહેશે. આવી જ રીતે ન્યુમેરિક ટેસ્ટમાં 40 પ્રશ્નો, મહત્તમ 40 ગુણ અને 30 મિનિટનો સમય, જનરલ અવેરનેસમાં 40 પ્રશ્નો, મહત્તમ 40 ગુણ અને 25 મિનિટનો સમય અને કોમ્પ્યુટર જ્ઞાનમાં 40 પ્રશ્નો, મહત્તમ 40 ગુણ અને 20 મિનિટનો સમય રહેશે. કુલ 200 પ્રશ્નો, 200 ગુણ અને 135 મિનિટનો સમય રહેશે.

    નોંધઃ પ્રિલિમ્સ અને મેઇન્સ બંનેમાં 1/4 માર્ક્સનું નેગેટિવ માર્કિંગ થશે

    RBI Recruitment 2022 : લેંગ્વેજ પ્રોફિશિયન્સી ટેસ્ટ

    મુખ્ય પરીક્ષામાં પાસ થનાર ઉમેદવારોને લેંગ્વેજ પ્રોફિશિયન્સી ટેસ્ટ (LTP) આપવી પડશે. લેંગ્વેજ પ્રોફિશિયન્સી ટેસ્ટ નીચે જણાવ્યા મુજબ સંબંધિત રાજ્યની સ્થાનિક ભાષામાં લેવાશે. જેમાં નાપાસ થનારને ગેરલાયક ઠેરવવામાં આવશે.

    નોકરીની ટૂંકી વિગતો
    જગ્યાઆશરે 950
    શૈક્ષણિક લાયકાતએકંદરે ઓછામાં ઓછા 50 ટકા ગુણ (SC / ST/ PWD ઉમેદવારો માટે પાસ ક્લાસ) સાથે કોઈપણ શાખામાં ગ્રેજ્યુએશન અને પીસી પર વર્ડ પ્રોસેસિંગનું જ્ઞાન જરૂરી છે. તેમજ ભૂતપૂર્વ સૈનિકોની કેટેગરીના ઉમેદવાર (ભૂતપૂર્વ સૈનિકોના આશ્રિતો સિવાય) કાં તો માન્યતા પ્રાપ્ત યુનિવર્સિટીમાંથી સ્નાતક હોવા જોઈએ અથવા તો સશસ્ત્ર દળોની મેટ્રિક અથવા તેની સમકક્ષ પરીક્ષા પાસ કરેલી હોવી જોઈએ
    પસંદગી પ્રક્રિયાસ્પર્ધાત્મક પરીક્ષાના આધારે
    અરજી કરવાની અંતિમ તારીખબહાર પડશે
    અરજીની જાહેરાતબહાર પડશે
    અરજી કરવાનું માધ્યમઓનલાઇન
    ઓફિશિયલ વેબસાઇટઅહીંયા ક્લિક કરો



    RBI Recruitment 2022 આવી રીતે કરો અરજી

    - RBIની સત્તાવાર વેબસાઇટ opportunities.rbi.org.in ખોલો અને 'Current Vacancies' ની મુલાકાત લો અને પછી 'Vacancies' પર ક્લિક કરો

    - હવે "Recruitment for the post of Assistan" વિકલ્પ શોધીને તેના પર ક્લિક કરો. ત્યારબાદ નવી સ્ક્રીન ખુલશે.

    - એપ્લિકેશનને રજીસ્ટર કરવા માટે, "Click here for New Registration" ટેબ પસંદ કરો અને નામ, સંપર્ક વિગતો દાખલ કરો.

    - તમારી વિગતો તપાસી લો અને 'Validate your details' તથા Save & Next બટન પર ક્લિક કરીને તમારી એપ્લિકેશનને સેવ કરો

    આ પણ વાંચો :  UPSC Recruitment 2022 : યુપીએસસી દ્વારા ભરતી, ઈન્ટરવ્યૂના માધ્યમથી સરકારી નોકરીની તક

    - ફોટોગ્રાફ, હસ્તાક્ષરના સ્કેનિંગ અને અપલોડિંગ માટે નોટિફિકેશનમાં આપેલા નિયમો અનુસાર ફોટો અને હસ્તાક્ષર અપલોડ કરો.

    - હવે એપ્લિકેશન ફોર્મની અન્ય વિગતો ભરો.

    - અંતે સબમિટ કરતા પહેલાં પૂર્વાવલોકન કરવા અને સંપૂર્ણ એપ્લિકેશન ફોર્મને ચકાસવા માટે Preview Tab પર ક્લિક કરો

    - જરૂર જણાય તો વિગતોમાં સુધારો અને તમે અપલોડ કરેલ ફોટોગ્રાફ, સહી તેમજ તમે ભરેલી અન્ય વિગતો સાચી છે કે નહીં તેની ખરાઈ કર્યા પછી જ સબમિટ પર ક્લિક કરો.

    - ચુકવણી માટે Payment પર ક્લિક કરો ત્યારબાદ 'Submit' બટન પર ક્લિક કરો.
    Published by:Jay Mishra
    First published:

    Tags: Jobs and Career, Sarkari Naukri, કેરિયર

    विज्ञापन
    विज्ञापन