LRD Answer Key: એલઆરડી ભરતીના ઉમેદવારો માટો અગત્યની સૂચનાઓ, ફાઈનલ આન્સર કી નહીં બદલે

LRD Answer Key: રાજ્યમાં લોક રક્ષક દળની ભરતી (LRD Recruitment) અંગે વિવાદનો મધપૂડો છંછેડાયો છે. આ ભરતીની લેખિત પરીક્ષાની આન્સર કી (LRD Result Final Answer Key) માં કેટલાક પ્રશ્નોમાં મુદ્દે વિદ્યાર્થીઓને વિસંગતતા જણાતા વાંધા અરજીઓ રજૂ કરી હતી. જોકે, આ અંગે હવે એલઆરડી ભરતી બોર્ડે પોતાનો અંતિમ નિર્ણય જાહેર કરી દીધો છે. બોર્ડ દ્વારા 27મી એપ્રિલે જાહેર કરવામાં આવેલી આન્સર કીને જ ફાઈનલ ગણવામાં આવશે. આ આન્સર કીમાં આપવામાં આવેલા જવાબ મુજબ જ માર્ક્સ અપલોડ કરવામાં આવ્યા છે.

એલઆરડી ભરતી બોર્ડના વડા હસમુખ પટેલે જણાવ્યું કે 'વિદ્યાર્થીઓએ અગાઉ આ અંગે 1250 વાંધા અરજીઓ રજૂ કરી હતી. ફાઈનલ આન્સર કી જાહેર થયા પછી પણ કુલ 100 જેટલી વાંધા અરજીઓ રજૂ કરી હતી. ગઈકાલે પણ આ અંગે છ કલાક મીટિંગ યોજાઈ હતી. આજે પણ બેઠક થઈ હતી. આ બેઠકના અંતે 27મી એપ્રિલે જાહેર કરેલી આન્સર કી ફાઈનલ આન્સર કી માન્ય ગણાશે.

LRD Answer Key: માર્ક્સ અંગે વાંધા અરજી કરવા માટે

લોકરક્ષક કેડર તા.04.01.2021ના પરીક્ષા નિયોમામાં મુદદા નંબરઃ ૨૦ માં જણાવ્યા મુજબ લેખિત પરીક્ષામાં હાજર રહેલ ઉમેદવારોને ગુણ ચકાસણી (રીચેકીંગ) માટે 15 (પંદર) દિવસની સમય-મર્યાદા આપવા જણાવેલ છે.

જેથી જે ઉમેદવારો પોતાના લેખિત પરીક્ષાના OMR Sheet નું રીચેકીંગ કરાવવા ઇચ્છતા હોય તે ઉમેદવારોએ રીચેકીંગ ફી ના રૂ.300/- “LOKRAKSHAK BHARTI BOARD” ના નામનો રાષ્ટ્રીયકૃત બેન્કના ડીમાન્ડ ડ્રાફટ Payable at GANDHINAGAR ખાતે નીચે આપેલ અરજીના નમૂનામાં અરજી સાથે કોલલેટરની ઝેરોક્ષ/નકલ તથા OMR નકલ બીડવાની રહેશે.

LRD ભરતી માટેનો હેલ્પલાઈન નંબર



આ પણ વાંચો : GSSSB Recruitment 2022: ગૌણ સેવા પસંદગી મંડળ સિનિયર ક્લાર્ક CPT અંગે અગત્યની સૂચનાઓ, જાણો સંભવિત તારીખો

LRD Answer Key:  મહત્ત્વની લિંક અને વિગતો

LRD ભરતી માટે માર્ક્સ રિચેકિંગની અરજી કરવાની તારીખ	8-5-2022
LRD ભરતી માટે માર્ક્સ રિચેકિંગની અરજી  પહોંચાડવાની અંતિમ તારીખ	22-5-2022
LRD ભરતી માટે માર્ક્સ રિચેકિંગનીની ફી	300 રૂપિયા
LRD ભરતીના માર્ક્સ જોવા માટે	અહીંયા ક્લિક કરો
LRD ભરતી આન્સર કીને લગતી સૂચનાઓ વાંચવા	અહીંયા ક્લિક કરો
LRD ભરતી માટે માર્ક્સ રિચેકિંગની અરજી પહોંચાડવાનું સરનામું	લોકરક્ષક ભરતી બોર્ડની કચેરી, બંગલા નંબરઃ ગ-12, સરિતા ઉદ્યાનની નજીક, સેકટર-૯, ગાંધીનગર 382007

LRD Answer Key: રિચેકિંગ માટેની અરજી કરવાનો સમય

તા.08/05/2022 થી તા. 22/085/2022 સુધીમાં રૂબરૂમાં અથવા સ્પીડ પોસ્ટ/કુરીયર ધ્વારા લોકરક્ષક ભરતી બોર્ડની કચેરી, બંગલા નંબરઃ ગ-12, સરિતા ઉદ્યાનની નજીક, સેકટર-૯, ગાંધીનગર 382007 સરનામે અરજી મોકલી શકાશે. (તા 22/05/2022 બાદ જો કોઇ અરજી મળશે તો તે ધ્યાને લેવાશે નહીં)

“LRDની આન્સર કીમાં વિવાદ”

ભરતી બોર્ડની બેઠકમાં લેવાયો નિર્ણય

27 એપ્રિલે જાહેર કરેલી આન્સર કી ફાઇનલ ગણાશેઃ હસમુખ પટેલ, ભરતી બોર્ડના ચેરમેન

સમગ્ર મુદ્દે ન્યૂઝ18 ગુજરાતી પર વિશેષ ચર્ચા #debate #LRD pic.twitter.com/Eto7Bmo0wM

— News18Gujarati (@News18Guj) May 7, 2022

આ પણ વાંચો : UPSC CAPF 2022 : સેન્ટ્રલ આર્મ્ડ પોલીસ ફોર્સિસમાં આસિસ્ટન્ટ કમાન્ડન્ટની 253 જગ્યાની ભરતી, અહીંથી કરો અરજી

LRD Answer Key: વિદ્યાર્થીઓની અન્યાયની રાવ

આ અંગે વિદ્યાર્થી નેતા રોહિત માળીએ જણાવ્યું હતું કે 27મી એપ્રિલે જાહેર કરેલી આન્સર કીમાં વિસંગતતાઓ હતી. જો સમિતિ આ અંગે નિર્ણય ન બદલે તો વિદ્યાર્થીઓને અન્યાય થશે. આ અંગે પરીક્ષાર્થી ઉદય વણકરે જણાવ્યું કે 27મી એપ્રિલની આન્સર કી અંગે વાંધા અરજીઓ કરવામાં આવી હતી કારણ કે એનસીઆરજી, જીસીઆરટીના પુસ્તકોના જવાબ અને રેફરન્સમાં વિસંગતતાઓ હતી.

LRD Answer Key: વિદ્યાર્થીઓ હાઈકોર્ટમાં પડકારશે

વિદ્યાર્થી નેતા રોહિત માળીએ ન્યૂઝ 18 ગુજરાતી સાથેની વાતચીતમાં જણાવ્યું હતું કે આ આન્સર કીને જ ફાઈનલ માન્ય રાખવાની હોય તો અમારી પાસે ન્યાય તંત્રમાં જવાનો ઓપ્શન બચે છે. અમે હાઈકોર્ટોમાં જઈશું અને આ આન્સર કીને પડકારીશું. ગુજરાતના પાઠ્ય પુસ્તકોમાં જે જવાબ છે તેને જો ભરતી બોર્ડ માન્ય ન રાખવા માંગતું હોય તો પછી અમારી પાસે હાઈકોર્ટ સિવાય કોઈ રસ્તો રહેતો નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Jobs and Career, Jobs Exams, LRD Recruitment, Sarkari Naukri