Jobs in UK: બ્રિટેનમાં જઇ નોકરી કરવાનું સપનું આ રીતે થશે સાકાર! સરકારે બનાવી નવી યોજના

નવી દિલ્હી: ભારતના યુવા પ્રોફેશનલ્સ માટે વધુ એક સુવર્ણ તક આવી રહી છે. ભારત અને બ્રિટન યંગ પ્રોફેશનલ્સ સ્કીમ શરૂ કરી રહ્યા છે, જે 18-30 વર્ષની વયના ભારતીય નાગરિકોને બે વર્ષ સુધી યુકેમાં રહેવા અને કામ કરવાની ડિગ્રી સાથે પરવાનગી આપશે. આ યોજના 28 ફેબ્રુઆરીથી શરૂ કરવામાં આવી રહી છે. દિલ્હીમાં આયોજિત 15મી ભારત-યુકે ફોરેન ઓફિસ કન્સલ્ટેશન્સ (FOC) બાદ વિદેશ મંત્રાલયે આ સંદર્ભમાં એક નિવેદન બહાર પાડ્યું હતું.

જાહેર કરાયેલા નિવેદન અનુસાર, આ યુકે-ઈન્ડિયા યંગ પ્રોફેશનલ સ્કીમ ભારતના 18 થી 30 વર્ષની વયના 3,000 ડિગ્રી ધારકોને બે વર્ષ સુધી યુકેમાં રહેવા અને કામ કરવાની મંજૂરી આપશે. આ યોજનામાં ફક્ત 18 થી 30 વર્ષની વયજૂથના લોકો જ અરજી કરવા પાત્ર હશે. આ યોજના બ્રિટેનનાં પ્રોફેશનલ્સને ભારતમાં રહેવા અને કામ કરવાની મંજૂરી આપશે. આ એક ઇન્ટરેક્ટિવ પ્રોગ્રામ છે. આ યોજના માર્ચ 2023થી શરૂ થશે. વિઝા માટે અરજી કરવા માટે જોબ ઓફરની જરૂર નથી.

આ પણ વાંચો: ICCની એક ભૂલના કારણે ઓસ્ટ્રેલિયા પાસેથી છીનવાયો નંબર-1નો તાજ

આ યોજના માર્ચ 2023 થી ત્રણ વર્ષ માટે લાગુ થશે

હાઈ કમિશનર વિક્રમ દોરઈસ્વામીએ જણાવ્યું છે કે આ સ્કીમ 3 વર્ષ માટે માન્ય રહેશે અને માર્ચ 2023થી લાગુ થશે. આ અંતર્ગત ભારત અને બ્રિટનના નાગરિકો બે વર્ષ સુધી એકબીજાના દેશમાં મુલાકાત, અભ્યાસ અથવા કામ કરવા જઈ શકે છે. બંને દેશો 3,000 ઉમેદવારોની આપ-લે કરશે. વિક્રમ દોરાઈસ્વામીએ કહ્યું કે આ વિઝા માટે અરજી કરવા માટે નોકરીની ઓફરની જરૂર નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Career and Jobs, Jobs alert, Jobs news