IDBI બેન્કમાં આસિસ્ટન્ટ મેનેજરના પદો માટે નોકરીની તક, 1544 પદોની ભરતી, રૂ. 34000 સુધીનો પગાર

Jobs and Career: ઈન્ડસ્ટ્રીયલ ડેવલપમેન્ટ બેંક ઓફ ઈન્ડિયા (The Industrial Development Bank of India, IDBI) એ કોન્ટ્રાક્ટના ધોરણે આસિસ્ટન્ટ મેનેજર અને એક્ઝિક્યુટિવ્સની 1544 જગ્યાઓ ભરવા માટે ભરતી પ્રક્રિયાની તૈયારી કરી છે. સત્ર 2022-23 માટે બેંકના PGDBF કોર્સની ચેનલ દ્વારા ઉમેદવારોને આસિસ્ટન્ટ મેનેજર, ગ્રેડ - A તરીકે નિયુક્ત કરવામાં આવશે.

ઉમેદવારો 1544 ખાલી જગ્યાઓ માટે  idbibank.in પર 17 જૂન સુધીમાં ઓનલાઇન અરજી કરી શકે છે. ઉમેદવારો માત્ર એક જ પોસ્ટ માટે અરજી કરી શકે છે, બેંક દ્વારા કોઈપણ ફીના રિફંડ વિના એકથી વધુ અરજીઓ નકારી કાઢવામાં આવશે. એક્ઝિક્યુટિવ અને આસિસ્ટન્ટ મેનેજરની જગ્યાઓ માટેની ભરતી પરીક્ષા અનુક્રમે 9 જુલાઈ અને 23 જુલાઈના રોજ ઓનલાઈન મોડમાં લેવામાં આવશે.

ખાલી પડેલા પદો વિશે વિગતો
કુલ - 1544 પદો

એક્ઝિક્યુટિવ પદ - 1044

આસિસ્ટન્ટ મેનેજર - 500

આ ભરતી સરકારની હાલની અનામત નીતિઓને આધીન રહેશે. ભરતી શરૂઆતમાં એક વર્ષના સમયગાળા માટે કરવામાં આવશે જેને વધુ બે વર્ષ સુધી લંબાવી શકાય છે, સંતોષકારક કામગીરી અને બેંકની જરૂરિયાતને આધીન આ કામના સમયને વધારી શકાય છે.

આ પણ વાંચોઃ-Indian Air Force Recruitment 2022: વાયુસેનામાં નોકરીની સુવર્ણ તક, સિવિલિયન પોસ્ટ માટે કરો અરજી

લાયકાતના ધારાધોરણ
શૈક્ષણિક લાયકાત:

આ પદો માટે અરજદાર પાસે ભારત સરકાર દ્વારા માન્ય યુનિવર્સિટીમાંથી સ્નાતકની ડિગ્રી હોવી આવશ્યક છે. આસિસ્ટન્ટ મેનેજરની પોસ્ટ માટે, ઉમેદવારોએ પહેલા બેંકનો એક વર્ષનો PGDBF પ્રોગ્રામ પૂર્ણ કરવો પડશે. 3.5 લાખ રૂપિયાની પ્રોગ્રામ ફી ઉમેદવારોએ ઉપાડવાની રહેશે.

વય મર્યાદા:

એક્ઝિક્યુટિવની પોસ્ટ માટે અરજી કરનારા ઉમેદવારો 1 એપ્રિલ, 2022ના રોજ 20 થી 25 વર્ષની વયના હોવા જોઈએ. આસિસ્ટન્ટ મેનેજરની પોસ્ટ માટે વય મર્યાદા 21 થી 28 વર્ષ છે. જો કે SC/ST અને PwBD કેટેગરીના ઉમેદવારોને 10 વર્ષ સુધીની છૂટછાટ આપવામાં આવી છે.

આ પણ વાંચોઃ-SBI Recruitment 2022: SBIમાં પરીક્ષા વગર જ નોકરીની સુવર્ણ, અરજી કરવાની છેલ્લી તારીખ નજીક

આ રીતે કરો અરજી
Step 1: IDBI બેન્કની ઓફિશિયલ વેબસાઈટ પર વિઝિટ કરો.

Step 2: કરિયર ટેબમાં હાલની ભરતી માટેની લિન્ક પર ઓપન કરો.

Step 3: ‘Recruitment Notification for Executive on Contract – 2022’ પર ક્લિક કરો.

Step 4: જરૂરી માહિતી સાથે અરજી ફોર્મ ભરો અને જરૂરી દસ્તાવેજોની સોફ્ટ કોપી જોડો.

Step 5: અરજી ફી ચૂકવો અને તમારું ફોર્મ સબમિટ કરો

Step 6: ભવિષ્યના સંદર્ભ માટે કોપી સાચવી રાખો.

અરજી ફી
આ IDBI બેંક ભરતી માટેની અરજી રૂ. 1000 છે, જેમાં અનામત વર્ગના અરજદારો માટે છૂટછાટ છે. SC, ST અને PwD વર્ગના ઉમેદવારો માટે ફી રૂ 500 છે.

પગારધોરણ
એક્ઝિક્યુટિવની પોસ્ટ માટે ઉમેદવારોને પ્રથમ વર્ષે 29,000 રૂપિયા પ્રતિ મહિને, બીજા વર્ષે 31,000 રૂપિયા પ્રતિ મહિને અને ત્રીજા વર્ષમાં 34,000 રૂપિયા પ્રતિ મહિને પગાર મળશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bank Jobs, Career News, Jobs and Career, Recruitment, Recruitment 2022