Sarkari Naukri: ITBPમાં 248 પદો માટે આવી ભરતી, જાણો કેટલો મળશે પગાર અને કઇ રીતે કરવી અરજી

Jobs and Career: સરકારી નોકરીની (Job) શોધ કરી રહેલા ઉમેદવારો માટે એક સારા સમાચાર છે. ઈન્ડો તિબેટિયન બોર્ડર પોલીસે (ITBP Recruitment 2022) વિવિધ પદો માટે ભરતી નોટિફીકેશન (Job Notification) બહાર પાડી છે. જેમાં પુરુષ/ મહિલા/ એલડીસીઈ (LDE) માટે 248 હેડ કોન્સ્ટેબલ વેકેન્સી માટે અરજીઓ મંગાવી રહી છે. અરજી કરવાની છેલ્લી તારીખ 07 જુલાઈ 2022 છે. રસ ધરાવતા ઉમેદવારો સત્તાવાર વેબસાઇટ itbpolice.nic.in દ્વારા અરજી કરી શકે છે.

મહિલાઓ અને પુરૂષો કરી શકશે અરજી

આઇટીબીપી દ્વારા બહાર પાડવામાં આવેલ નોટિફીકેશન અનુસાર કુલ 248 પદો પર ભરતી કરવામાં આવશે. જેમાં 135 પદો પર હેડ કોન્સ્ટેબલ (પુરૂષ)ના, 90 હેડ કોન્સ્ટેબલ એલડીસીઇના, 23 પદ કોન્સ્ટેબલ (મહિલા)ના સામેલ છે.

શું છે શૈક્ષણિક લાયકાત

આ પોસ્ટ પર અરજી કરવા ઇચ્છુક ઉમેવારોએ કોઇ પણ માન્યતા પ્રાપ્ત બોર્ડમાંથી 12મું ધોરણ પાસ કરેલું હોવું જરૂરી છે. સાથે જ હેડ કોન્સ્ટેબલની પોસ્ટ મટે અંગ્રેજી અને હિન્દીમાં 3 શબ્દો પ્રતિ મિનિટની ટાઇપિંગ સ્પીડ હોવી જરૂરી છે. વધુ જાણકારી માટે તમે નોટિફીકેશન ચકાસી શકો છો.

વય મર્યાદા અને એપ્લિકેશન ફી

આ પોસ્ટ પર અરજી કરવા ઇચ્છુક અને લાયક ઉમેદવારોએ રૂ.100 એપ્લિકેશન ફી તરીકે આપવાની રહેશે. જોકે, એસસી, એસટી અને મહિલાઓ માટે કોઇ રાખવામાં આવી નથી.

આ પણ વાંચોઃ-DRDO Recruitment 2022: સાઈન્ટિસ્ટના 58 પદો પર નીકળી ભરતી, 1.31 લાખ રૂપિયા સુધીનો પગાર, સંપૂર્ણ વિગતો

વયમર્યાદાની વાત કરીએ તો આ પોસ્ટ માટે અરજી કરવા ઉમેદવારની ઉંમર 18થી 25 વર્ષ સુધી હોવી જોઇએ. જ્યારે LDCE પોસ્ટ માટે આ મર્યાદા 35 વર્ષ છે.



કેટલો મળશે પગાર?

આ પોસ્ટ પર પસંદગી પામનારા ઉમેદવારોને 25000 રૂપિયાથી લઇને 81100 રૂપિયા સુધીનો માસિક પગાર આપવામાં આવશે.

કઇ રીતે કરવામાં આવશે પસંદગી?

આ પોસ્ટ માટે ઉમેદવારોની પસંદગી PET/ PST, લેખિત પરીક્ષા, સ્કિલ ટેસ્ટ અને મેડિકલ એક્ઝામિનેશનના આધારે કરવામાં આવશે.

કઇ રીતે કરશો અરજી?

- સૌ પ્રથમ recruitment.itbpolice.nic.in પર જાઓ.

- હવે હોમ પેજ પર દેખાતી હેડ કોન્સ્ટેબલ ભરતી સાથે જોડાયેલી લિંક પર ક્લિક કરો.

- હવે તમારું રજીસ્ટ્રેશન કરો.

- લોગિન કરો અને અરજી ફોર્મ ભરો.

- બધી જરૂરી માહિતી અને દસ્તાવેજો અપલોડ કરો.

- હવે અરજી ફી ભરીને સબમિટ કરો.

- ભવિષ્યમાં જરૂરિયાત માટે એપ્લિકેશન ફોર્મ ડાઉનલોડ કરો અને તેની પ્રિન્ટ આઉટ તમારી પાસે રાખો.

આ પણ વાંચોઃ-Career Tips : વીડિયો એડિટિંગ અને ગેમ ડિઝાઇનમાં પણ છે અનેક સ્કોપ : જાણો કઈ ઇન્ટીટ્યૂટમાં લેશો એડમિશન

આપણે સૌ જાણીએ છીએ કે સેનાની ભરતીમાં દેશના યુવાનોમાં ઘણો ઉત્સાહ છે. આથી આ ભરતી માટે મોટી સંખ્યામાં અરજીઓ આવવાની આશા છે. તેથી, લાયક અને રસ ધરાવતા ઉમેદવારોએ છેલ્લી તારીખ પહેલાં અરજી કરી લેવી જોઈએ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Careers, Government jobs, Jobs and Career, Jobs news, Sarkari Naukri, Sarkari Naukri 2022