Sarkari Naukri 2023: ધોરણ-10 અને 12 પાસ માટે કોચ ફેક્ટરીમાં આવી છે ભરતી, પરીક્ષા વગર મળશે નોકરી

Sarkari Naukri 2023 , ICF Recruitment 2023: ધોરણ-10 અને 12 પાસ યુવાનો માટે કોચ ફેક્ટરીમાં નોકરી મેળવવા માટેની સારી તક છે. ઈન્ટીગ્રલ રેલ કોચ ફેક્ટરી, ચેન્નાઈમાં ક્લાર્ક અને ટેક્નિશિયન પદો પર ભરતી આવી છે. ખાસ વાત એ છે કે આ ભરતમાં લેખીત પરીક્ષા નહીં હોય, માત્ર સ્પોર્ટ્સ ટ્રાયલ અને ઈન્ટરવ્યુના આધારે ઉમેદવારોની પસંદગી કરવામાં આવશે. જણાવી દઈએ કે આ ભરતી સ્પોર્ટ્સ કોટા હેઠળ જ કરવામાં આવશે.

નોટિફિકેશન પ્રમાણે સિનિયર ક્લાર્ક, જુનિયર ક્લાર્ક અને ટેક્નિશિયન ગ્રેડ 3 માટે આ ભરતી આવી છે. આ ભરતી માટે 7 ફેબ્રુઆરી 2023 સુધી અરજી કરી શકાશે. ઓફિશિયલ વેબસાઈટ pb.icf.gov.in પરથી અરજી ડાઉનલોડ કરીને તે પ્રમાણે જરુરી વિગતો સાથે ફોર્મ ભરવાનું રહેશે.

“ASSISTANT PERSONNEL OFFICER/RECRUITMENT,
INTEGRAL COACH FACTORY,
CHENNAI – 600 038.”

લાયકાત-
- સિનિયર ક્લાર્ક - માન્યતા પ્રાપ્ત શૈક્ષણિક સંસ્થામાંથી ડિગ્રી મેળવેલી હોવી જોઈએ.
- જુનિયર ક્લાર્ક- 12 પાસે અથવા સમકક્ષ યોગ્યતા હોવી જોઈએ.
- ટેક્નિશિયન ગ્રેડ 3 - 10 પાસ કરેલા ઉમેદવારો અરજી કરી શકે છે.
- આ પદો માટે રમત-ગમતની યોગ્યતા પણ જરુરી છે, જેની જાણકારી નોટિફિકેશનથી પ્રાપ્ત કરી શકાશે.

વય મર્યાદા-
આ પદોની ભરતી માટે ઈચ્છુક ઉમેદવારો 1 જુલાઈ 2023એ 18-25 વર્ષની વચ્ચે હોવા જોઈએ.

પસંદગી પ્રક્રિયા-
મળેલી અરજીઓના આધારે યોગ્ય ઉમેદવારોને ટ્રાયલ માટે તથા ઈન્ટરવ્યુ માટે પસંદ કરવામાં આવશે.



નોધઃ અરજી કરતા પહેલા મુખ્ય અરજી વાંચ્યા બાદ જ ભરતી પ્રક્રિયામાં અરજી કરવી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Central government jobs, Government job, Indian railways, ભરતી, સરકારી નોકરી