GPSC Calendar: GPSC 2022નું કેલેન્ડર, આશરે 1024 જગ્યાઓ ભરાશે,અહીંથી ચેક કરો વિગતો

GPSC Calendar 2022: ગુજરાત પબ્લિક સર્વિસ કમિશન (GPSC) દ્વારા સરકારી નોકરીની તૈયારી કરી રહેલા ઉમેદવારો જેની આતુરતા પૂર્વક રાહ જોઈ રહ્યા હતા તે વર્ષ 2022-23નું નોકરીની ભરતીનું કેલેન્ડર (GPSC Calender 2022) બહાર પાડવામાં આવ્યું છે. આ કેલેન્ડરમાં કુલ જુદી જુદી 58 નોકરીઓમાં 1024 જેટલી અંદાજિત જગ્યાઓ બહાર પાડવામાં આવી છે જે આ વર્ષમાં સ્પર્ધાત્મક પરીક્ષાઓ દ્વારા ભરવામાં આવશે. ઉમેદવારો માટે વર્ગ-1 વર્ગ-2 અને વર્ગ-3ની જગ્યાઓ માટે આ કેલેન્ડરના આધારે તૈયારી કરવાનો સમય મળશે.

GPSC Calendar 2022: જૂન 2022

જીપીએસસીના કેલેન્ડરમાં જૂનમાં કુલ 14 નોકરી માટે ભરતી બહાર પડી શકે છે. આ ભરતીમાં સૌથી વધુ જગ્યા મદદનીશ સિવિલ ઈજનેર વર્ગ-2ની છે. આ નોકરી માટે 100 જગ્યા ભરાશે. ત્યારબાદ સૌથી વધુ જગ્યા બાળ વિકાસ અધિકારી વર્ગ-2ની છે જેની કુલ 69 જગ્યા ભરાશે.

આ પણ વાંચો : Navy Recruitment : નેવીમાં 2,500 પોસ્ટ માટે ભરતી, 12 પાસ ઉમેદવાર પણ કરી શકશે અરજી

GPSC Calendar 2022: જુલાઈ 2022

જુલાઈમાં જીપીએસસીની 15 નોકરી માટે ભરતી બહાર પડી શકે છે. આ નોકરીઓમાં સૌથી વધુ ખાલી જગ્યા પશુ ચિકિત્સક અધિકારી વર્ગ-2ની છે. આ નોકરીની 130 ખાલી જગ્યા બહાર પડશે. ત્યારબાદ નાયબ સેક્શન અધિકારીની 80, મદદનીશ ઈજનેર સિવિલ વર્ગ-2ની 77, મદદનીસ વન સંરક્ષક વર્ગ-3ની 38 મદદનીશ વાહન વ્યવહાર નિરીક્ષકની 25 જગ્યાઓ છે.

ટૂંકી વિગતો

કુલ અંદાજિત ખાલી જગ્યા	1024 (સંભવિત)
કુલ નોકરીની સંખ્યા	58
સૌથી વધુ જાહેરાત બહાર પડવાનો મહિનો	ઓગસ્ટ 2022
સૌથી વધુ ખાલી જગ્યા	પશુ ચિકિત્સક અધિકારી વર્ગ-2ની 130 જગ્યા
GPSC ક્લાસ1-2ની મુખ્ય ભરતી ક્યારે બહાર પડશે	ઓગગસ્ટમાં અંદાજે 100 જેટલી જગ્યા
ભરતીની જાહેરાત જોવા માટે PDF ડાઉનલોડ કરવા માટે	અહીંયા ક્લિક કરો

GPSC Calendar 2022: ઓગસ્ટ 2022

જીપીએસસીની સૌથી વધુ ભરતી ઓગસ્ટ 2022માં બહાર પડશે. ઓગસ્ટમાં કુલ 29 નોકરીઓ માટે ભરતી બહાર પડશે. આ નોકરીમાં સૌથી વધુ ખાલી જગ્યા જીપીએસસી ક્લાસ-1 અને ક્લાસ-2ની છે. આ સંવર્ગની આશરે 100 જગ્યા ભરાશે. ત્યારબાદ ઔષધ નિરીક્ષકની 32, હિસાબી અધિકારી વર્ગ-1ની 18, ગુજરાત ઈજનેરી સેવા સિવિલ વર્ગ1-2ની 43 જગ્યાઓ ભરાશે. આ ઓગસ્ટની સૌથી મોટી ભરતીઓ હશે.

આ પણ વાંચો : IOCL Recruitment : IOCLમાં રૂ. 1 લાખ સુધીના પગારની નોકરી, અહીંથી કરો અરજી

GPSC Calendar 2022: સપ્ટેમ્બર 2022

જીપીએસસી દ્વારા સપ્ટેમ્બરમાં 8 નોકરીઓની ભરતી બહાર પડી શકે છે. આ નોકરીમાં સૌથી વધુ ખાલી જગ્યા ઔધોગિક સલામતી અને સ્વાસ્થ્ય અધિકારી વર્ગ 2ની છે. આ વર્ગની સૌથી વધુ 29 ખાલી જગ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: GPSC Exam, Jobs and Career, Jobs Exams, Sarkari Naukri, કેરિયર