Home /News /career /

Education: શિક્ષણ વિભાગે જાહેર કરી ધો.10 અને 12 બોર્ડની પરીક્ષા તારીખ, 2022 - 23 માટે શાળાકીય પ્રવૃત્તિનું કેલેન્ડર જાહેર?

Education: શિક્ષણ વિભાગે જાહેર કરી ધો.10 અને 12 બોર્ડની પરીક્ષા તારીખ, 2022 - 23 માટે શાળાકીય પ્રવૃત્તિનું કેલેન્ડર જાહેર?

પ્રતિકાત્મક તસવીર

Academic calendar: શિક્ષણ વિભાગ (Education department) દ્વારા જાહેર કરવામાં આવેલા શાળાકીય પ્રવૃત્તિના કેલેન્ડરમાં (Academic calendar) ધોરણ 10 અને ધોરણ 12ની બોર્ડ દ્વારા લેવામાં આવતી પરીક્ષાની તારીખ જાહેર કરવામાં આવી છે.

Jobs and Career: ધોરણ 10 અને ધોરણ 12 માં ગુજરાત બોર્ડમાં (Gujarat board) અભ્યાસ કરી રહેલા વિધાર્થીઓ માટે મહત્વના સમાચાર સામે આવ્યા છે. શિક્ષણ વિભાગ (Education department) દ્વારા જાહેર કરવામાં આવેલા શાળાકીય પ્રવૃત્તિના કેલેન્ડરમાં (Academic calendar) ધોરણ 10 અને ધોરણ 12ની બોર્ડ દ્વારા લેવામાં આવતી પરીક્ષાની તારીખ જાહેર કરવામાં આવી છે. સાથે જ ધોરણ 9 થી 12ના વિધાર્થીની પ્રથમ અને બીજી પરીક્ષાની તારીખ જાહેર કરવામાં આવી છે. વર્ષ 2019 - 20 માં અમલી કરાયેલી પદ્ધતિ મુજબ પરીક્ષા લેવામાં આવશે.

શિક્ષણ વિભાગ દ્વારા વર્ષ 2022 - 23 માટે શાળાકીય પ્રવૃત્તિનું કેલેન્ડર જાહેર કરાયું છે. આ કેલેન્ડર પ્રમાણે પ્રથમ સત્ર શૈક્ષણિક કાર્ય 104 દિવસનું જ્યારે બીજી સત્ર 137  દિવસનું શૈક્ષણિક કાર્ય રહેશે. દિવાળી વેકેશન 20 ઓકટોબર થી 9 નવેમ્બર સુધીનું રહેશે.

કેલેન્ડર પ્રમાણે ધોરણ 10 અને 12નો અભ્યાસ કરી રહેલા વિધાર્થીઓ માટે પરીક્ષાની તારીખો જાહેર કરવામાં આવી છે. ધોરણ 10 અને 12 બોર્ડની પરીક્ષા 14 માર્ચ 2023થી શરૂ થશે.

આ ઉપરાંત શૈક્ષણિક વર્ષ પૂરું થયા બાદ વર્ષ 2023 - 24 નું નવું શૈક્ષણિક વર્ષ 5 જૂન 2023 થી શરૂ કરવામાં આવશે.  આ ઉપરાંત ધોરણ 9 અને 11ની શાળાકીય વાર્ષિક પરીક્ષાઓ 10 એપ્રિલ 2023 થી શરુ થશે. સ્કૂલ કક્ષાએ લેવાતી ધોરણ 9થી 12ની પ્રથમ પરીક્ષા  10 ઓકટોબરથી 18 ઓકટોબર 2022 દરમિયાન યોજાશે.

આ પણ વાંચોઃ-AMC recruitment 2022: અમદાવાદ મ્યુનિસિપલ કોર્પોરેશનમાં સહાયક સર્વેયરની નોકરી માટે અંતિમ તક

ધોરણ 9થી 12 માટે પ્રથમ પરીક્ષાની જુનથી સપ્ટેમ્બર સુધીનો અભ્યાસક્રમ રહેશે.  ધોરણ 9 થી 12ની દ્વિતીય પરીક્ષા 27 જાન્યુઆરી 2023 થી 4 ફેબ્રુઆરી 2023 સુધીમાં યોજાશે.

આ પણ વાંચોઃ-Aashram shala Bharti 2022 : આશ્રમ શાળામાં પ્રવાસી શિક્ષકોની ભરતી, અહીં વાંચો મહત્વની તમામ માહિતી

મહત્વનુ છે કે ગુજરાત માધ્યમિક અને ઉચ્ચતર માધ્યમિક બોર્ડ દ્વારા એ પણ સ્પષ્ટ કરવામાં આવ્યું છે કે આ શૈક્ષણિક વર્ષમાં ધોરણ 9થી 12માં  અભ્યાસક્રમ માં કોઈ ઘટાડો નહીં થાય. તેમજ ધો. 10 અને 12 ની પ્રિલીમ પરીક્ષામાં સંપૂર્ણ અભ્યાસક્રમ રેહશે.
Published by:ankit patel
First published:

Tags: Career News, Gujarati news, Jobs and Career

विज्ञापन

विज्ञापन

આગામી સમાચાર

विज्ञापन
विज्ञापन