DVC Recruitment 2022: DVCમાં 59 જગ્યા માટે ભરતી, 56,100 પગારથી શરૂઆત, અહીંથી કરો અરજી

DVC Recruitment 2022: શું તમે પણ એન્જીનિયરીંગ કર્યું છે અને નોકરી (Jobs)ની તલાશ કરી રહ્યા છો? તો તમારા માટે રોજગારની એક સુવર્ણ તક (Jobs in india) ખુલી છે. હકીકતમાં દામોદર વેલી કોર્પોરેશને (DVC Recruitment 2022) મિકેનિકલ/ ઇલેક્ટ્રિકલ/ સિવિલ/ C&I/ITની સ્નાતક ઇજનેર તાલીમાર્થી (GET) તરીકેની પોસ્ટ માટે એન્જિનિયરિંગ સ્નાતકો માટે એક ભરતી નોટિફીકેશન બહાર પાડી છે. આ પદો માટે ઉમેદવારોની પસંદગી GATE 2022માં તેમના સ્કોરના આધારે કરવામાં આવશે. ઇચ્છુક ઉમેદવાર આ ભરતી માટે 6 એપ્રિલથી ઓનલાઇન મોડ દ્વારા અરજી જમા (Apply online) કરી શકે છે. જોકે, વધુ વિગતો હજુ જાહેર કરવામાં આવશે.

આપને જણાવી દઇએ કે આ ભરતી દ્વારા કુલ 59 પોસ્ટ પર ઉમેદવારોની પસંદગી કરવામાં આવશે. જેમાં મેકેનિકલના 22 પદ, ઇલેક્ટ્રિકલ માટે 22 પદ, સિવિલ માટે 5 પદ, C&I માટે 5 પદ અને આઇટીના 5 પદ પર ભરતી કરવામાં આવશે. ડીવીસી જીઇટી દ્વારા જલદી જ ઓફિશ્યલ વેબસાઇટ પર નોટિફીકેશન જાહેર કરવામાં આવશે.

આ પણ વાંચો : NTPC Recruitment : NTPCમાં 55 જગ્યા માટે ભરતી, 90,000 સુધી મળશે પગાર, અહીંથી કરો અરજી

DVC Recruitment 2022: આ પોસ્ટ માટે શૈક્ષણિક લાયકાત

અરજી કરવા ઇચ્છુક ઉમેદવારો પાસે AICTE દ્વારા માન્ય ભારતીય સંસ્થા/યુનિવર્સિટીમાંથી સંબંધિત કોર્સમાં એન્જિનિયરિંગ અથવા ટેકનોલોજીમાં ચાર વર્ષ પૂર્ણ સમયની સ્નાતકની ડિગ્રી હોવી આવશ્યક છે. વધુ વિગતો માટે ઉમેદવારોને ભરતી નોટિફીકેશન તપાસવાની સલાહ આપવામાં આવે છે.

નોકરીની ટૂંકી વિગતો

જગ્યા	59
શૈક્ષણિક લાયકાત	અરજી કરવા ઇચ્છુક ઉમેદવારો પાસે AICTE દ્વારા માન્ય ભારતીય સંસ્થા/યુનિવર્સિટીમાંથી સંબંધિત કોર્સમાં એન્જિનિયરિંગ અથવા ટેકનોલોજીમાં ચાર વર્ષ પૂર્ણ સમયની સ્નાતકની ડિગ્રી
પસંદગી પ્રક્રિયા	નોટિફીકેશન જાહેર થયા બાદ જાણી શકાશે
અરજી પ્રારંભ થવાની તારીખ	6-4-2022
અરજી ફી	નોટિફીકેશનના આધારે
અરજી કરવાનુ ંમાધ્યમ	ઓનલાઇન
ભરતી માટે અરજી કરવા	6-4-2022થી અહીંયા ક્લિક કરો

DVC Recruitment 2022: કેટલી રહેશે વય મર્યાદા

આ પોસ્ટ માટે અરજી કરવા માટે ઉમેદવારની ઉંમર 29 વર્ષથી વધુ હોવી જોઇએ નહીં. જોકે, સરકારના નિયમ અનુસાર SC/ ST/ OBC/ PWD/ PH કેટેગરીના ઉમેદવારોને મહત્તમ ઉંમરમાં છૂટછાટ આપવામાં આવશે.

DVC Recruitment 2022: કેટલો મળશે માસિક પગાર

મિકેનિકલ/ઇલેક્ટ્રિકલ/સિવિલ/C&I/ITની જગ્યાઓ માટે પસંદ કરાયેલા ઉમેદવારોને પે મેટ્રિક્સ લેવલ – 10 હેઠળ દર મહિને રૂ. 56,100 થી 1,77,500 સુધીનો પગાર આપવામાં આવશે.

DVC Recruitment 2022:કઇ રીતે કરશો અરજી

રસ ધરાવતા ઉમેદવારો ઑનલાઇન મોડ દ્વારા અરજીઓ સબમિટ કરી શકે છે. અરજી માટેની વિગતો નિયત સમયે પ્રકાશિત કરવાની છે. ઉમેદવારો વધુ વિગતો માટે સત્તાવાર વેબસાઇટ www.dvc.gov.in નો પર જઇ શકે છે. જ્યાં આ ભરતી વિશે તમામ વિગતો ટૂંક સમયમાં શેર કરવામાં આવશે.

આ પણ વાંચો : ESIC Recruitment: કર્મચારી રાજ્ય વીમા નિગમમાં 45 જગ્યાની ભરતી, 78,800 સુધી મળશે પગાર, અહીંથી કરો અરજી

DVS Recruitment 2022:  મહત્વની તારીખ

અરજી કરવાની પ્રારંભિક તારીખ – 6 એપ્રિલ, 2022

અરજી કરવાની અંતિમ તારીખ – જાહેર કરાઇ નથી.

ઉમેદવારોએ સમયાંતરે ડીવીસીની ઓફિશ્યલ વેબસાઇટ તપાસવી. જેથી સમયસર અરજી કરી શકાય.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Jobs and Career, Sarkari Naukari, કેરિયર