Home /News /career /Delhi University: જગ વિખ્યાત કલાકારો અને ટોચના રાજકારણીઓ કે જેઓ દિલ્હી યુનિવર્સીટીના વિદ્યાર્થીઓ પણ રહી ચુક્યા છે.

Delhi University: જગ વિખ્યાત કલાકારો અને ટોચના રાજકારણીઓ કે જેઓ દિલ્હી યુનિવર્સીટીના વિદ્યાર્થીઓ પણ રહી ચુક્યા છે.

અમિતાભ બચ્ચન, અરુણ જેટલી, ભૂપિન્દર સિંહ હુડ્ડા, કપિલ સિબ્બલ, રંજન ગોગોઈ કે ઉર્વશી રૌતેલા, સાહિતિનાં અનેક નામી અનામી લોકોની યાદી ખુબજ લાંબી છે કે જેઓ દિલ્હી યુનિવર્સીટી સાથે જોડાયેલા છે.

Delhi University: દિલ્હી યુનિવર્સિટીમાં એડમિશન લેવા માટે વિદ્યાર્થીઓ હંમેશા ચિંતિત રહે છે. ઘણા વિદ્યાર્થીઓ ઈચ્છે છે કે તેઓ કોઈક રીતે અહીં એડમિશન મેળવે, તમને જણાવી દઈએ કે દિલ્હી યુનિવર્સિટીમાંથી અભ્યાસ કરીને ઘણી હસ્તીઓ બહાર આવી છે. ચાલો જાણીએ કે કઈ કઈ હસ્તીઓએ અહીં અભ્યાસ કર્યો છે.

વધુ જુઓ ...
    Delhi University: દેશની રાજધાનીમાં આવેલી દિલ્હી યુનિવર્સિટી લાખો યુવાનોને કારકિર્દીનો માર્ગ બતાવે છે. પટના હોય કે ગુવાહાટી, અલ્હાબાદ હોય કે અરુણાચલ, કહેવાનો મતલબ એ છે કે અહીં દેશના ખૂણે-ખૂણેથી વિદ્યાર્થીઓ આવે છે. અહીંથી શિક્ષણ લીધા બાદ તેઓ જુદા જુદા ક્ષેત્રે પોતાનું અને આ યુનિવર્સિટીનું નામ  રોશન કરે છે. આ પ્રકારના પરિણામો વર્ષોથી જોવા મળી રહ્યા છે. જેના માટે આપણે ભૂતપૂર્વ વિદ્યાર્થીઓ વિષે જાણીશું.

    અમિતાભ બચ્ચન, અરુણ જેટલી, ભૂપિન્દર સિંહ હુડ્ડા, કપિલ સિબ્બલ, રંજન ગોગોઈ કે ઉર્વશી રૌતેલા, સાહિતિનાં અનેક નામી અનામી લોકોની યાદી ખુબજ લાંબી છે કે જેઓ દિલ્હી યુનિવર્સીટી સાથે જોડાયેલા છે. બેજોડ કોલેજ અને ઉત્કૃષ્ટ શિક્ષણ પ્રણાલીના આધારે દિલ્હી યુનિવર્સિટીએ પોતાની ઈમેજ એવી રીતે બનાવી છે કે અહીં પ્રવેશ મેળવવો એ કોઈ ઉપલબ્ધિથી ઓછું નથી. આવો જાણીએ આ યુનિવર્સિટીના કેટલાક વિદ્યાર્થીઓ વિશે.

    નેતાઓની લાંબી યાદી


    દિલ્હી યુનિવર્સિટીમાંથી ઘણા આશાસ્પદ વિદ્યાર્થીઓ બહાર આવ્યા, જેઓ પાછળથી દેશની સ્થિતિ અને દિશા નક્કી કરનારાઓમાંના એક બન્યા. કોઈ સીએમ બને છે તો કોઈ કેન્દ્રીય મંત્રી, જેમાં હરિયાણાના પૂર્વ મુખ્યમંત્રી ભૂપિંદર સિંહ હુડ્ડાનું નામ પણ સામેલ છે. હુડ્ડાએ પંજાબ યુનિવર્સિટી, ચંદીગઢમાંથી સ્નાતક પૂર્ણ કર્યું. સ્નાતક થયા પછી, ભૂપિન્દર સિંહ હુડ્ડાએ દિલ્હી યુનિવર્સિટીમાંથી કાયદાની ડિગ્રી મેળવી. આ સિવાય અરુણાચલ પ્રદેશના સીએમ રહી ચૂકેલા જાર્બોમ ગુમલિન પણ 1981 થી 1984 સુધી અહીંના વિદ્યાર્થી હતા. ઓડિશાના સીએમ નવીન પટનાયકે પણ દિલ્હી યુનિવર્સિટીની કિરોરી માલ કોલેજમાંથી ઘણી વખત અભ્યાસ કર્યો છે. આ સિવાય પૂર્વ કેન્દ્રીય મંત્રી કપિલ સિબ્બલ, સ્વર્ગસ્થ અરુણ જેટલીએ પણ દિલ્હી યુનિવર્સિટીની ફેકલ્ટી ઓફ લોમાંથી એલએલબીનો અભ્યાસ કર્યો છે. એટલું જ નહીં કેન્દ્રીય મંત્રી મીનાક્ષી લેખી, પૂર્વ મંત્રી કિરેન રિજિજુ વગેરેએ પણ અહીંથી અભ્યાસ કર્યો છે.

    આ પણ વાંચો- કેલિફોર્નિયામાં BAPS મંદિરની 10મી વર્ષગાંઠ અને પ્રમુખ સ્વામી મહારાજની 100મી જન્મજયંતિના ઉપલક્ષ્યમાં ઉજવણી

    ભૂતપૂર્વ CJI પણ અહીંના વિદ્યાર્થી છે


    ભારતના ઘણા મુખ્ય ન્યાયાધીશો પણ દિલ્હી યુનિવર્સિટીમાંથી બહાર આવ્યા હતા. ભારતના ભૂતપૂર્વ મુખ્ય ન્યાયાધીશ રંજન ગોગોઈએ દિલ્હી યુનિવર્સિટીની સેન્ટ સ્ટીફન્સ કોલેજમાંથી સ્નાતક પૂર્ણ કર્યું છે. તે પછી, ગોગોઈએ દિલ્હી યુનિવર્સિટીના કાયદા ફેકલ્ટીમાંથી કાયદાની ડિગ્રી લીધી. એ જ રીતે ડીવાય ચંદ્રચુડ પણ સેન્ટ સ્ટીફન્સ કોલેજનો વિદ્યાર્થી હતો. ગણિત અને અર્થશાસ્ત્રમાં સ્નાતક, ચંદ્રચુડે દિલ્હી યુનિવર્સિટીની કાયદા ફેકલ્ટીમાંથી બીએ એલએલબી કર્યું.

    આ પણ વાંચો- જાણો દુનિયાના દિગ્ગજ નેતાઓની લવ સ્ટોરી વિશે કે જેમનું દિલ 50ને પાર ધડક્યું

    ઘણા અભિનેતા અભિનેત્રી


    બોલીવુડના ઘણા ચમકતા સિતારાઓએ પણ દિલ્હી યુનિવર્સિટીમાંથી અભ્યાસ કર્યો છે. આમાં પહેલું નામ અમિતાભ બચ્ચનનું છે. અમિતાભે દિલ્હી યુનિવર્સિટીના ઉત્તર કેમ્પસમાં સ્થિત કિરોરી માલ કોલેજ (KMC)માં અભ્યાસ કર્યો હતો. અહીંથી તેણે થિયેટર અને એક્ટિંગની કુશળતા પણ શીખી. બોલિવૂડ એક્ટર શક્તિ કપૂરે પણ કિરોરી માલ કોલેજમાંથી B.Com કર્યું છે. આ સિવાય અભિનેત્રી હુમા કુરેશીએ દિલ્હી યુનિવર્સિટીની ગાર્ગી કોલેજમાંથી ઈતિહાસમાં ગ્રેજ્યુએશન કર્યું છે. અભિનેત્રી ઉર્વશી રૌતેલા, સાન્યા મલ્હોત્રાએ પણ દિલ્હી યુનિવર્સિટીની ગાર્ગી કોલેજમાંથી ગ્રેજ્યુએશન પૂર્ણ કર્યું છે. એક થા ટાઈગર અને બજરંગી ભાઈજાન જેવી ફિલ્મોના દિગ્દર્શક કબીર ખાને પણ કિરોરી માલ કોલેજમાં અભ્યાસ કર્યો હતો.
    Published by:Darshit Gangadia
    First published:

    Tags: Career Guidance, Celebrities, Education News, University

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन