CBSE Term 2 Exam: હોમ સેન્ટર પર નહીં યોજાય પરીક્ષા, જાણો સીબીએસઇ બોર્ડની નવી ગાઇડલાઇન્સ

CBSE Term 2 Exam, CBSE Board Exam 2022, CBSE Exam Centre: કોરોના વાયરસ સંક્રમણને ધ્યાનમાં રાખતા CBSE બોર્ડ પરીક્ષા 2022 (CBSE Board Exam 2022) બે ટર્મમાં આયોજિત કરવામાં આવી છે. CBSE ટર્મ 1 પરીક્ષા નવેમ્બર-ડિસેમ્બર 2021માં યોજાઈ હતી, જ્યારે CBSE ટર્મ 2ની પરીક્ષા 26 એપ્રિલ 2022થી શરૂ થઈ રહી છે. CBSE બોર્ડ ધોરણ 10 અને 12ના વિદ્યાર્થીઓને તેમના એડમિટ કાર્ડ (CBSE Board Admit Card) મળવાનું શરૂ થઈ ગયું છે.

ટર્મ 2ની પરીક્ષા માટે CBSE બોર્ડે એડમિટ કાર્ડ શાળાઓમાં મોકલ્યા હતા. દિલ્હી-એનસીઆરમાં કોવિડ 19 સંક્રમણના કેસમાં અચાનક વધારો જોવા મળ્યો છે. આ કારણોસર ઘણા વિદ્યાર્થીઓ અને વાલીઓ સીબીએસઇ બોર્ડ પરીક્ષા 2022 હોમ સેન્ટર પર યોજાય તેવું ઇચ્છતા હતા. પરંતુ CBSE બોર્ડે આ અંગે કોઈ નિવેદન આપ્યું ન હતું.

આ પણ વાંચો: એક ક્લાસમાં 18 વિદ્યાર્થીઓ જ આપી શકશે બોર્ડ પરીક્ષા, જાણો ટર્મ 2 એક્ઝામ માટેની ગાઇડલાઇન્સ

એક્ઝામ સેન્ટર પર લેવાશે પરીક્ષા

CBSE બોર્ડ પરીક્ષા 2022 હોમ સેન્ટર પર નહીં યોજાય. સીબીએસઇ બોર્ડ ટર્મ 1 પરીક્ષા હોમ સેન્ટર પર લેવામાં આવી હતી એટલે કે વિદ્યાર્થીઓએ પોતાની સ્કૂલમાં પરીક્ષા આપી હતી. પરંતુ સીબીએસઇ બોર્ડ ટર્મ 2 પરીક્ષાના એડમિટ કાર્ડ પર હોમ સેન્ટરનો કોઈ ઉલ્લેખ નથી. મતલબ કે વિદ્યાર્થીઓએ અન્ય સેન્ટર પર જઈને એક્ઝામ આપવી પડશે.

CBSE ટર્મ 2 એક્ઝામ ગાઇડલાઇન્સ

CBSE બોર્ડે ટર્મ 2 પરીક્ષા (CBSE Exam Guidelines) માટે કેટલીક ગાઇડલાઇન્સ જારી કરી છે. તેનો ઉલ્લેખ સ્ટુડન્ટ્સના એડમિટ કાર્ડ પર કરવામાં આવ્યો છે.

1- CBSE બોર્ડ 10માનું પહેલું પેપર એટલે કે ઈંગ્લિશ એક્ઝામ 27 એપ્રિલ 2022ના હશે.

2- પરીક્ષા કેન્દ્ર પર તમામ વિદ્યાર્થીઓએ કોવિડ પ્રોટોકોલનું ફરજિયાતપણે પાલન કરવાનું રહેશે. વિદ્યાર્થીઓએ દરેક સમયે ફેસ માસ્ક લગાવીને રાખવું પડશે.

3- પરીક્ષા સવારે 10.30 વાગ્યે શરૂ થઇ જશે. સ્ટુડન્ટ્સને 10 વાગ્યા પછી એક્ઝામ સેન્ટર પર એન્ટ્રી આપવામાં આવશે નહીં.

આ પણ વાંચો: CBSE બોર્ડ 10મા ધોરણના મુખ્ય વિષયોના મોડેલ પેપર અને તેના જવાબો

4- આન્સર કોપી પર રોલ નંબર લખવા માટે જે પણ નિર્દેશ આપવામાં આવશે, વિદ્યાર્થીઓએ તેનું પાલન કરવાનું રહેશે.

5- જો કોઈ પણ સ્ટુડન્ટ ચીટિંગ કરતો પકડાઈ ગયો તો બોર્ડ તેની સામે કડક કાર્યવાહી કરી શકે છે.

6- સોશિયલ મીડિયા પર પ્રચલિત ફેક ન્યૂઝ પર વિશ્વાસ ન કરો અને કોઈપણ પ્રકારની અફવાઓ ન ફેલાવો.

7- પોતાની સાથે બ્લુ કલરની બોલ પેન/જેલ પેન/ફાઉન્ટેન પેન, પેન્સિલ, રબર, શાર્પનર, જ્યોમેટ્રી બોક્સ, બ્રશ, એડમિટ કાર્ડ, સ્કૂલનું આઇડી કાર્ડ, ફેસ માસ્ક અને ટ્રાન્સપેરેન્ટ પાઉચમાં 50 મિલી હેન્ડ સેનિટાઈઝર લઈને આવો.

8- પરીક્ષા કેન્દ્રની અંદર કોઈપણ પ્રકારનું ઈલેક્ટ્રોનિક ઉપકરણ લઈને ન આવવું.

9- રેગ્યુલર સ્ટુડન્ટ્સને સ્કૂલ યુનિફોર્મમાં પરીક્ષા આપવાની રહેશે, જ્યારે પ્રાઇવેટ સ્ટુડન્ટ્સને ફોર્મલ કપડાં પહેરવાના રહેશે.

10- રેગ્યુલર સ્ટુડન્ટ્સ એ જ વિષયોની પરીક્ષા આપી શકશે, જેની જાણકારી તેમની શાળાએ બોર્ડને આપી હશે.

11- પ્રાઇવેટ સ્ટુડન્ટ્સ ફક્ત તે જ વિષયોની પરીક્ષા આપી શકશે, જે તેઓએ પોતાના એપ્લિકેશન ફોર્મમાં ભર્યા છે.

12- પ્રશ્નપત્રમાં કોઈ પણ ગડબડ થવાની સ્થિતિમાં CBSE બોર્ડ પોતાની પોલિસી હેઠળ સૂચના જારી કરશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Career and Jobs, CBSE, Cbse board, CBSE Board Exams, CBSE News, Education News in Gujarati, Exam Fever 2022