CBSE Class 10 English Exam Analysis 2022: સીબીએસઈ 10માનું ઇંગ્લિશ પેપર રિવ્યૂ, આ રીતે ચેક કરો આન્સર કી

CBSE Class 10 English Exam Analysis 2022, CBSE 10th English Paper, CBSE Board Exam 2022: કેન્દ્રિય માધ્યમિક શિક્ષણ બોર્ડ (સીબીએસઇ)ની પરીક્ષાઓ શરુ થઈ ગઈ છે. ધોરણ 10ની બીજી ટર્મની પરીક્ષા 24 મે સુધી અને ધોરણ 12ની 15મી જૂન સુધી લેવામાં આવશે. સીબીએસઇ બોર્ડ ધોરણ 10ની ગઈ કાલે અંગ્રેજીની પરીક્ષા હતી. મોટાભાગના સ્ટુડન્ટ્સે અંગ્રેજીની પરીક્ષાને ઈઝી ટુ મોડરેટ ગણાવી છે. તેમના મુજબ પ્રશ્નપત્ર તેમની અપેક્ષાથી વધારે ઇઝી હતું અને તે સોલ્વ કરવામાં તેમને વધારે મુશ્કેલી ન પડી.

CBSE બોર્ડ ટર્મ 1 એક્ઝામ બાદ દરેક વિષયની આન્સર કી બહાર પાડવામાં આવી હતી. એવામાં એવું અનુમાન લગાવવામાં આવી રહ્યું છે કે CBSE ટર્મ 2 પરીક્ષાની આન્સર કી (CBSE Term 2 Exam Answer Key) પણ બહાર પાડવામાં આવશે. તેની મદદથી સ્ટુડન્ટ્સ તેમના પરફોર્મન્સનું મૂલ્યાંકન કરી શક્શે અને તેમના માર્ક્સનો અંદાજો લગાવી શક્શે. CBSE બોર્ડના ધોરણ 10માનું પેપર ત્રણ વિભાગમાં વહેંચાયેલું હતું. જે વિદ્યાર્થીઓએ સેમ્પલ પેપરમાંથી પ્રેક્ટિસ કરી હતી તેમના માટે આ પેપર ખૂબ જ સરળ રહ્યું.

આ પણ વાંચો: સીબીએસઈ બોર્ડ પરીક્ષા દરમિયાન ન કરો આ 5 ભૂલો, કારણ વગર કપાઈ જશે માર્ક્સ

આ રીતે ચેક કરો સીબીએસઈ બોર્ડ પેપર આન્સર કી (How to Check CBSE Board Paper Answer Key)

સીબીએસઈ બોર્ડ ધોરણ 10માના અંગ્રેજી પેપરની આન્સર કી (CBSE Class 10 English Paper Answer Key) ઓફિશિયલ વેબસાઇટ cbseacademic.nic.in પર અપલોડ કરવામાં આવશે. બધા સ્ટૂડન્ટ્સ આ સાઇટ પર આન્સર કી ચેક કરી શકે છે.

1. સ્ટૂડન્ટ્સ સીબીએસઈ બોર્ડની ઓફિશિયલ વેબસાઇટ cbseacademic.nic.in પર જાય.

2. હોમપેજ પર દેખાતા પ્રશ્નપત્ર ટેબ પર ક્લિક કરે.

3. ત્યાં CBSE ધોરણ 10 અંગ્રેજી સાહિત્ય અને ભાષા પ્રશ્નપત્રની આન્સર કી સર્ચ કરે.

4. CBSE ક્લાસ 10 અંગ્રેજી સાહિત્ય અને ભાષા પ્રશ્નપત્રની આન્સર કી ટર્મ 2 PDF ફોર્મેટમાં ઉપલબ્ધ હશે.

5. CBSE ક્લાસ 10 અંગ્રેજી સાહિત્ય અને ભાષા પ્રશ્નપત્રની આન્સર કી ટર્મ 2 ડાઉનલોડ કરો.

6.જો તમે ઇચ્છો તો ફ્યૂચર રેફરન્સ માટે તમે તેની પ્રિન્ટ આઉટ પણ કાઢી શકો છો.

આ પણ વાંચો: CBSEનું મોટું પગલું, ઇસ્લામી સામ્રાજ્યનો ઉદય અને ફૈઝની નઝમો સહિત આ ટોપિક્સ સિલેબસમાંથી હટાવ્યા

7400 કેન્દ્રો પર આયોજિત છે પરીક્ષા

CBSEની ટર્મ-2માં કુલ 35 લાખ 40 હજાર 579નો સામેલ થશે. હાઈસ્કૂલની બીજી ટર્મની પરીક્ષા 21 લાખ 16 હજાર 209 વિદ્યાર્થીઓ આપશે. જેમાં 8 લાખ 94 હજાર 993 વિદ્યાર્થીનીઓ અને 12 લાખ 21 હજાર 195 વિદ્યાર્થીઓનો સમાવેશ થાય છે. 14 લાખ 54 હજાર 370 વિદ્યાર્થીઓ 12માની સેકન્ડ ટર્મની પરીક્ષા આપશે. જેમાં 6 લાખ 39 હજાર 202 વિદ્યાર્થીનીઓ અને 8 લાખ 15 હજાર 162 વિદ્યાર્થીઓનો સમાવેશ થાય છે. CBSE ટર્મ-2ની પરીક્ષા કુલ 7 હજાર 413 કેન્દ્રો પર યોજાશે. તેમાંથી 7 હજાર 279 કેન્દ્રો ભારતમાં છે અને 133 કેન્દ્રો વિદેશમાં છે. જણાવી દઈએ કે દરેક રૂમમાં 18 વિદ્યાર્થીઓ બેસીને પરીક્ષા આપશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Career and Jobs, CBSE, Cbse board, CBSE Board Exams, CBSE News, Education News in Gujarati