CBSE Board Exam 2023: સીબીએસઈ બોર્ડ પરીક્ષા 2023માં થયા મોટા ફેરફાર, ટાઈમ ટેબલ આવે તે પહેલા પેટર્ન ચેક કરી લો

નવી દિલ્હી: ડિસેમ્બર મહિનો ખતમ થશે કે, બોર્ડની પરીક્ષાઓની તડામાર તૈયારીઓ શરુ થઈ જશે. હકીકતમાં જોઈએ તો, જાન્યુઆરી 2023ના પ્રથમ અઠવાડીયામાં સીબીએસઈ પ્રી બોર્ડ પરીક્ષા શરુ થઈ જાય છે. સીબીએસઈ બોર્ડ ધોરણ 10 અને ધોરણ 12ની પરીક્ષામાં લાખો વિદ્યાર્થીઓ જોડાશે.

સીબીએસઈ બોર્ડ ટૂંક સમયમાં જ 2023માં થનારી બોર્ડ પરીક્ષાની ડેટશીટ જાહેર કરશે. તેના માટે સ્ટૂડેંટ્સને ઓફિશિયલ વેબસાઈટ cbse.gov.in અને cbse.nic.in પર અપડેટ્સ ચેક કરવાની સલાહ આપવામાં આવે છે. આ વર્ષે સીબીએસઈ બોર્ડ પરીક્ષા પેટર્નમાં કેટલાય ફેરફાર કર્યા છે.

આ પણ વાંચો: JEE Main 2023: એન્જીનિયરીંગમાં એડમિશન લેવા માગતા વિદ્યાર્થીઓ માટે ખાસ, ફક્ત બે વાર યોજાશે પરીક્ષા

સીબીએસઈ બોર્ડ 2023 પરીક્ષા પેટર્નમાં મોટા ફેરફાર

• ગત વર્ષે કોવિડ 19 સંક્રણના કારણે સીબીએસઈ બોર્ડે 2 ટર્મમાં પરીક્ષા આયોજીત કરી હતી. પણ વર્ષ 2023માં સીબીએસઈ બોર્ડ પરીક્ષા એક વારમાં યોજાશે.


• સીબીએસઈ 10માની પરીક્ષા પેટર્ન 2023 અનુસાર, દરેક પેપર 80 ગુણના હશે, અને બાકીના 20 ગુણ આંતરિક મૂલ્યાંકન માટે રિઝર્વ રહેશે.


• સીબીએસઈ બોર્ડ 10મું અને 12માંના વિદ્યાર્થીઓ ઓફિશિયલ વેબસાઈટ પર સિલેબસ, એક્ઝામ પેટર્ન અને માર્કિંગ સ્કીમ ચેક કરી શકશે.


• શિક્ષણ રાજ્ય મંત્રીએ હાલમાં જ સદનમાં બતાવ્યું હતું કે, આ વર્ષથી સીબીએસઈ ધોરણ 10 અને ધોરણ 12ની બોર્ડની પરીક્ષામાં યોગ્યતા આધારિત પ્રશ્ન પુછવામાં આવશે. ધોરણ 10માં લગભગ 10 ટકા અને ધોરણ 12માં બોર્ડની પરીક્ષામાં 30 ટકા સુધી યોગ્યતા આધારિત પ્રશ્ન પુછવામાં આવષે. પ્રશ્ન કેટલાય અલગ અલગ ફોર્મેટમાં હશે.

સીબીએસઈ 2023 ડેટશીટ કેવી રીતે ડાઉનલોડ કરવી (CBSE Board Exam 2023 Date Sheet)

• બોર્ડની સત્તાવાર વેબસાઈટ cbse.gov.in પર જવાનું રહેશે


• હોમ પેજ પર મુખ્ય વેબસાઈટ ઓપ્શન પર ક્લિક કરવું


• સીબીએસઈ બોર્ડ ડેટ શીટ 2023 લિંક પર ક્લિક કરવું


• સ્ક્રીન પર સીબીએસઈ બોર્ડ ડેટ શીટ 2023ની લિંક ઓપન થઈ જશે


• તેને ડાઉનલોડ કરીને ફ્યૂચર માટે રેફરન્સ માટે પ્રિન્ટઆઉટ પણ કાઢી શકશો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: CBSE