CBI Officer: જો તમારું સપનું પણ CBI ઓફિસર બનવાનું હોય તો આ માહિતી તમને ઉપયોગી થશે

How to Become CBI officer: દેશની સૌથી મોટી તપાસ એજન્સી સેન્ટ્રલ બ્યુરો ઓફ ઈન્વેસ્ટિગેશન (CBI)માં કામ કરવાનું દરેક ભારતીયનું સપનું હોય છે. આ એજન્સી મોટા ગુનાખોરી અને રાષ્ટ્રીય સુરક્ષા સાથે જોડાયેલા ઘણા પ્રકારના કેસની તપાસ કરે છે. આજકાલ અનેક હાઈપ્રોફાઈલ કેસોમાં સીબીઆઈની તપાસના સમાચાર આવતા રહે છે.

આજકાલ સીબીઆઈ ઓફિસર બનવું એ ઘણા યુવાનોનું સપનું છે. તેમાં સારું પદ તો મળે જ છે, સાથોસાથ માન-સન્માન અને પગાર પણ પુષ્કળ મળે છે. આ ક્ષેત્રમાં પ્રવેશવા માટે, તમારે પ્રવેશ પરીક્ષા પાસ કરવી પડશે. તે ભારત સરકારના કર્મચારી, જાહેર ફરિયાદ અને પેન્શન મંત્રાલયના અધિકારક્ષેત્ર હેઠળ કામ કરે છે. જો તમે પણ સીબીઆઈની નોકરી કરવા ઈચ્છો છો, તો ચાલો તમને જણાવીએ કે તેમાં જોડાવા માટે શું જરૂરી છે.

આ ત્રણ રીતે સીબીઆઈમાં જોડાઈ શકો છો

• વિભાગીય સ્પર્ધાત્મક પરીક્ષા


• SSC CGL પરીક્ષા


• UPSC સિવિલ સર્વિસ પરીક્ષા

SSC CGL પરીક્ષા દ્વારા CBIમાં સબ-ઇન્સ્પેક્ટરની ભરતી

SSC CGL પરીક્ષા દ્વારા CBIમાં સબ-ઇન્સ્પેક્ટરની પોસ્ટ માટે અરજી કરી શકાય છે. જે ઉમેદવારોએ માન્યતાપ્રાપ્ત સંસ્થામાંથી સ્નાતકની ડિગ્રી પૂર્ણ કરી છે તેઓ સબ-ઇન્સ્પેક્ટરની જગ્યાઓ માટે અરજી કરવા પાત્ર છે. આ પદો માટે ઉમેદવારોની વય મર્યાદા 20 થી 30 વર્ષની વચ્ચે હોવી જોઈએ.

આ પણ વાંચોઃ-બિગબોસ 15' વિજેતા તેજસ્વી પ્રકાશ છે એન્જીનીયર પણ કારકિર્દી કંઈક અલગજ દિશામાં બનાવી

 સીબીઆઈ અધિકારીઓની પણ યુપીએસસી સિવિલ સર્વિસ પરીક્ષા દ્વારા ભરતી કરવામાં આવે છે.

CBI અધિકારીઓ એટલે કે ગ્રુપ Aની ભરતી UPSC સિવિલ સર્વિસ પરીક્ષા દ્વારા કરવામાં આવે છે. IAS, IPS, IFS પદોની ભરતી UPSC પરીક્ષા દ્વારા કરવામાં આવે છે. તેમાં 3 તબક્કા પ્રિલિમ્સ, મેન્સ અને ઇન્ટરવ્યૂનો સમાવેશ થાય છે. કોઈપણ માન્ય સંસ્થામાંથી સ્નાતક થયા હોય તેવા ઉમેદવારો UPSC પરીક્ષામાં બેસવા માટે પાત્ર છે.

પોસ્ટિંગ

પરીક્ષા પાસ કર્યા પછી અને તાલીમ પૂર્ણ કર્યા પછી, પસંદ કરેલા મોટાભાગના ઉમેદવારોને દિલ્હી ઝોનમાં CBI હેડક્વાર્ટરમાં પોસ્ટિંગ મેળવવાની તક મળે છે. જો કે, સીબીઆઈની પોસ્ટિંગ સામાન્ય રીતે દિલ્હી, મુંબઈ, કોલકાતા વગેરે જેવા મેટ્રો શહેરોમાં જ આપવામાં આવે છે. પગારની વાત કરીએ તો IPS ઓફિસરને દર મહિને લગભગ રૂ. 56,100 મળે છે. તેમાં TA, DA અને HRAનો પણ સમાવેશ થાય છે.

આ પણ વાંચોઃ-BRO Recruitment 2022: BRO માં વિવિધ પદો પર ભરતી, 10 પાસથી સ્નાતક કરી શકશે અરજી

 સીબીઆઈના આ વિભાગોમાં પોસ્ટિંગ થાય છે

સેન્ટ્રલ બ્યુરો ઓફ ઇન્વેસ્ટિગેશનની કુલ 7 શાખાઓ છે. દરેક શાખા ચોક્કસ પ્રકારની તપાસમાં નિષ્ણાત છે. ભારતના સેન્ટ્રલ બ્યુરો ઑફ ઇન્વેસ્ટિગેશનનો ભાગ બનવું ખૂબ જ મુશ્કેલ છે.

• ભ્રષ્ટાચાર વિરોધી વિભાગ


• સ્પેશિયલ ક્રાઈમ ડિવિઝન


• આર્થિક ગુનાઓ વિભાગ


• નીતિ અને ઇન્ટરપોલ કોર્પોરેશન વિભાગ


• વહીવટનું વિભાગ


• ડિરેક્ટોરેટ ઑફ પ્રોસિક્યુશન ડિવિઝન


• સેન્ટ્રલ ફોરેન્સિક સાયન્સ લેબોરેટરી

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Career Guidance, CBI investigation, Cbi raid, Central government jobs