BSF Recruitment 2023: તૈયાર રહેજો, બીએસએફમાં આવી રહી છે 1400થી વધુ ભરતીઓ, 10 પાસને પણ મળશે તક

BSF Recruitment 2023: બીએસએફમાં નોકરી મેળવવાનું સપનું જોઈને બેઠેલા ઉમેદવારો માટે સારી ખબર આવી છે. બીએસએફમાં બમ્પર ભરતીઓ આવી રહી છે. મીડિયા રિપોર્ટ્સ મુજબ સીમા સુરક્ષા બળ (BSF)માં જલદી કોન્સ્ટેબલ (ટ્રેડ્સમેન) પદો માટે નોટિફિકેશન જારી કરવામાં આવી શકે છે. જેના હેઠળ 1410 પદોની ભરતી કરવામાં આવી શકે છે. જેમાં મહિલાઓ અને પુરુષો બન્ને વર્ગ માટે પદોનો સમાવેશ થશે.

ભરતી અંગેની અરજી, પસંદગી પ્રક્રિયાની તારીખ સહિતની બાબતો નોટિફિકેશનમાં ઉલ્લેખ કરવામાં આવશે. જેના માટે અરજીઓ ઓનલાઈન કરવાની રહેશે. આ ભરતી માટે ઉમેદવારોએ BSFના ભરતી નોટિફિકેશન પર નજર રાખવી પડશે.

આ પણ વાંચોઃ અમદાવાદમાં ભરતી મેળો, 4 ફેબ્રુ.એ મોટી કંપનીઓમાં નોકરી કરવાની સુવર્ણ તક

કોણ આ ભરતી માટે અરજી કરી શકશે?

આ ભરતી માટે મળતી જાણકારી પ્રમાણે ધોરણ-10 પાસ સાથે આઈટીઆઈ કોર્સ કરનારા ઉમેદવારો અરજી કરી શકશે. જેના માટે ઉમેદવારની આયુ 18-25 રાખવામાં આવશે. જોકે, આ અંગે સ્પષ્ટ વિગતો ભરતી પ્રક્રિયા અંગેનું નોટિફિકેશન બહાર પાડવામાં આવશે ત્યારે જાણી શકાશે.

ભરતી પ્રક્રિયાની અપડેટ્સ મેળવવા માટે BSFની સત્તાવાર વેબસાઈટ rectt.bsf.gov.in પરથી મેળવી શકશો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: BSF, Career and Jobs, Government jobs, બીએસએફ