'બિગબોસ 15' વિજેતા તેજસ્વી પ્રકાશ છે એન્જીનીયર પણ કારકિર્દી કંઈક અલગ જ દિશામાં બનાવી

Celeb Education, Tejasswi Prakash Education: ટીવી એક્ટ્રેસ તેજસ્વી પ્રકાશે 'બિગ બોસ 15'નું ટાઈટલ જીતીને બધાને ચોંકાવી દીધા છે. આ રિયાલિટી શોમાં તેનો એકદમ અલગ લુક હતો. એટલું જ નહીં તેની સ્ટ્રેટેજી અને ગેમ પ્લાને પણ બધાને ચોંકાવી દીધા. મરાઠા પરિવાર સાથે જોડાયેલા તેજસ્વી પ્રકાશે શાસ્ત્રીય સંગીતની તાલીમ લીધી છે. જાણો ટીવી અભિનેત્રી તેજસ્વી પ્રકાશ વિશેની રસપ્રદ માહિતી. ટીવી શો 'પહેરેદાર પિયા કી'માં 9 વર્ષની પરિણીત મહિલાની ભૂમિકા ભજવવા બદલ તેને ઘણી ટ્રોલ કરવામાં આવી હતી.

શાસ્ત્રિય સંગીતમાં વિશેષ રુચિ

ટીવી અભિનેત્રી તેજસ્વી પ્રકાશનો જન્મ 11 જૂન 1993ના રોજ જેદ્દાહ, સાઉદી અરેબિયામાં થયો હતો (Tejasswi Prakash Birthday). તે મુંબઈના મરાઠા વાયંગકર પરિવાર સાથે સંબંધ ધરાવે છે. તેમના પરિવારનું મરાઠા સંગીત સાથે ખાસ જોડાણ છે, જેના કારણે તેજસ્વીને પણ સંગીતમાં રસ છે. તેનો ઉછેર મરાઠી ભાષી પરિવારમાં થયો હતો. તેજસ્વી પ્રકાશને શાસ્ત્રીય સંગીત પ્રત્યે વિશેષ લગાવ છે અને તેણે લગભગ ચાર વર્ષથી ભારતીય શાસ્ત્રીય સંગીતની તાલીમ પણ લીધી છે.

કેટલું ભણેલી છે

ટીવી અભિનેત્રી તેજસ્વી પ્રકાશ તેના ભાઈ પ્રતીકની જેમ એન્જિનિયર બનવા માંગતી હતી. પ્રાથમિક શિક્ષણ પૂર્ણ કર્યા પછી, તેમણે મુંબઈ યુનિવર્સિટીમાંથી ઈલેક્ટ્રોનિક્સ અને ટેલિકોમ્યુનિકેશનમાં એન્જિનિયરિંગનો અભ્યાસ(Tejasswi Prakash Education) કર્યો. કોલેજના દિવસોથી જ તેણે સૌંદર્ય સ્પર્ધાઓમાં ભાગ લેવાનું શરૂ કર્યું. એન્જિનિયરિંગ દરમિયાન 'મુંબઈ ફ્રેશ ફેસ કોન્ટેસ્ટ' જીત્યા પછી, જ્યારે તેની તસવીરો મીડિયામાં આવી ત્યારે તેનું જીવન બદલાઈ ગયું.

આ પણ વાંચોઃ-UGC Recruitment 2022: UGC માં નાણાકીય સલાહકાર અને સચિવની ખાલી પડેલી જગ્યાઓ પર ભરતી, જાણો ભરતી સંબંધિત માહિતી

કારકિર્દી

તેજસ્વી પ્રકાશે નાના પડદાના ઘણા જાણીતા ટીવી શોમાં કામ કર્યું છે. તેણે 2012માં ટીવી ડેબ્યૂ કર્યું હતું. ત્યારથી તેજસ્વીએ પાછું વળીને જોયું નથી. તેણીએ વર્ષ 2015 માં કલર્સ ટીવી સીરીયલ 'સ્વરાગિની- જોડે રિશ્તો કે સુર સે' માં રાગિણીની ભૂમિકા ભજવીને વિશેષ ખ્યાતિ મેળવી હતી. 2017માં 'પહેરેદાર પિયા કી'માં દિયા સિંહની મુખ્ય ભૂમિકા ભજવ્યા બાદ, તે 2018માં 'કર્ણ સંગિની' અને 'સિલસિલા બદલતે રિશ્તો કા'માં પણ જોવા મળી હતી.

આ પણ વાંચોઃ-Job Option: મહિલાઓનો દબદબો યથાવત, મહિલાઓ સૌથી વધુ પસંદ કરે છે આ ક્ષેત્રમાં નોકરી

અફેરને લઈને ચર્ચામાં

ટીવી એક્ટ્રેસ તેજસ્વી પ્રકાશ એક્ટર કરણ કુન્દ્રા સાથેના અફેરને લઈને ચર્ચામાં છે. બંનેની તસવીરો અને વીડિયો સોશિયલ મીડિયા પર વાયરલ થતા રહે છે. કરણ અને તેજસ્વીની મુલાકાત 'બિગ બોસ 15'ના ઘરમાં થઈ હતી. તેજસ્વીએ મરાઠી ભાષાની ફિલ્મમાં પણ કામ કર્યું હતું પરંતુ કોરોના વાયરસના સંક્રમણને કારણે તેની રિલીઝ ડેટ મોકૂફ રાખવામાં આવી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bollywood Celebrities, Bollywood celebs, Career News, Celeb life, Jobs and Career, Tejasswi Prakash