Airports Authority Of India એ 156 પોસ્ટ પર ભરતી બહાર પાડી, 1 લાખ સુધીનો મળશે પગાર

એરપોર્ટ ઓથોરિટી ઓફ ઈન્ડિયા (Airports Authority Of India, AAI) એ સાઉથ ક્ષેત્રમાં એરપોર્ટ પર વિવિધ પદ માટે ભરતીની જાહેરાત કરી છે. એરપોર્ટ ઓથોરિટી દ્વારા 27મી ઓગસ્ટ 2022ના રોજ 156 ખાલી જગ્યાઓ માટે બહાર પાડવામાં આવી હતી. ઈચ્છુક અને પાત્રતા ધરાવનાર ઉમેદવાર જૂનિયર આસિસ્ટન્ટ અને સિનિયર આસિસ્ટન્ટ પોસ્ટ માટે અરજી કરી શકે છે.

ઉમેદવારોએ સત્તાવાર વેબસાઈટ www.aai.aero પરથી ઓનલાઈન અરજી કરવાની રહેશે. આ પોસ્ટ માટે અરજી પ્રક્રિયા 1 સપ્ટેમ્બર 2022થી શરૂ થઈ ચૂકી છે. જ્યારે ફી સાથે અરજી સબમિટ કરવાની છેલ્લી તારીખ- 30 સપ્ટેમ્બર છે.

AAI ભરતી

જૂનિયર આસિસ્ટન્ટ, ફાયર સર્વિસ (Junior Assistant, Fire Service) NE-4- 132 પોસ્ટ

જૂનિયર આસિસ્ટન્ટ, ઓફિસ (Junior Assistant, Office) NE-4- 10 પોસ્ટ

સિનિયર આસિસ્ટન્ટ, એકાઉન્ટ (Senior Assistant, Accounts) NE-6- 13 પોસ્ટ

સિનિયર આસિસ્ટન્ટ, ભાષા (Senior Assistant, Official Language) NE-6- 01 પોસ્ટ

લાયકાત અને વયમર્યાદા

તમિલનાડુ, આંધ્રપ્રદેશ, તેલંગાણા, કર્ણાટક, કેરળ, પોંડુચેરી અને લક્ષદ્વીપમાં રહેતા ઉમેદવાર આ પોસ્ટ માટે ઓનલાઈન અરજી કરી શકે છે.

શૈક્ષણિક લાયકાત

આ પોસ્ટ માટે અરજી કરતા ઉમેદવારે ધોરણ 10, ડિપ્લોમા, ગ્રેજ્યુએશન, માસ્ટર કરેલું હોવું જોઈએ અથવા જે તે ક્ષેત્રે અનુભવ ધરાવતા હોવા જોઈએ.

વયમર્યાદા: ઉમેદવાર 18 થી 30 વર્ષ સુધીની ઉંમર ધરાવતો હોવો જોઈએ. કેટેગરી અનુસાર વયમર્યાદામાં રાહત આપવામાં આવશે.

પસંદગી પ્રક્રિયા: આ પોસ્ટ માટે લેખિત પરીક્ષા (કમ્પ્યુટર બેઝ્ડ ટેસ્ટ) લેવામાં આવશે તથા અન્ય પરીક્ષાઓ પણ લેવામાં આવશે.

આ પણ વાંચોઃ-Celeb Education: જેકલીન ફર્નાન્ડીઝ કેટલું ભણી છે અને ક્યારે કરી હતી કરિયરની શરુઆત

પગાર ધોરણ

જુનિયર આસિસ્ટન્ટ (ફાયર સર્વિસ) NE-4/ જુનિયર આસિસ્ટન્ટ (ઓફિસ) NE-4: રૂ.31,000/- થી રૂ.92,000/-

સિનિયર આસિસ્ટન્ટ (એકાઉન્ટ્સ) NE-6/ સિનિયર આસિસ્ટન્ટ (સત્તાવાર ભાષા) NE-6: રૂ.36,000/- થી રૂ.1,10,000/-

આ પણ વાંચોઃ-SBI Recruitment: સ્ટેટ બેન્ક ઓફ ઈન્ડિયા અલગ અલગ પદ પર ભરતી બહાર પાડી, 20 સપ્ટેમ્બર પહેલા કરો અરજી

અરજી ફી (Application Fee): જનરલ, OBC, EWS કેટેગરીના ઉમેદવારોને 1,000 રૂપિયા અરજી ફી ભરવાની રહેશે. મહિલા, SC / ST, એક્સ સર્વિસમેન તથા વિકલાંગ અને દિવ્યાંગ ઉમેદવારે ફી ભરવાની રહેશે નહીં. જે ઉમેદવારે AAIમાં એપ્રેન્ટીસશીપની તાલીમ મેળવી હશે તે ઉમેદવારોએ એપ્રેન્ટીસ એક્ટ 1961 હેઠળ ફી ભરવાની રહેશે નહીં.

અરજી શરૂ થયાની તારીખ- 1 સપ્ટેમ્બર 2022

ફી સાથે અરજી સબમિટ કરવાની છેલ્લી તારીખ- 30 સપ્ટેમ્બર 2022

ઉમેદવારોએ ડેબિટ કાર્ડ, ક્રેડિટ કાર્ડ, UPI, નેટ બેન્કિંગથી અરજી ફી ભરવાની રહેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: AAI, Career News, Jobs and Career, Sarkari Naukri