ફક્ત 56,473 રુપિયામાં ઘરે લઈ આવો Toyotaની SUV, હાઈબ્રિડ એન્જીન સાથે આપ છે ખૂબ જ તગડી માઈલેજ

નવી દિલ્હીઃ ભારતમાં કોમ્પેક્ટ એસયુવી સેગમેન્ટમાં આવતી ટોયોટાની અર્બન ક્રુઝર હાઇરાઇડર એસયુવીને માત્ર રૂ. 56,473 પ્રતિ માસની કિંમતે ઘરે લાવી શકાય છે. જાપાનીઝ કાર નિર્માતાએ સબ્સ્ક્રિપ્શન મોડલ હેઠળ HyRyder નો સમાવેશ કર્યો છે જે હાઇબ્રિડ SUVને ખરીદ્યા વિના ઘરે લાવવાની મંજૂરી આપે છે. Toyota એ તહેવારોની સીઝન પહેલા સપ્ટેમ્બરમાં ભારતમાં અર્બન ક્રુઝર Hyriderને રૂ. 10.48 લાખની પ્રારંભિક કિંમતે લોન્ચ કરી હતી.

આ પણ વાંચોઃ કોઈપણ બેંકમાં એકાઉન્ટ હોય તો આ રીતે ફ્રીમાં રુ.2 લાખ સુધીનો ફાયદો મળી શકે, બસ આટલું કામ કરવાનું

HyRyder SUVનું ઓટોમેટિક ટ્રાન્સમિશન સાથે 2WD NEO DRIVE વેરિઅન્ટ સબસ્ક્રિપ્શન સ્કીમમાં ઉપલબ્ધ છે. તેની એક્સ-શોરૂમ કિંમત 17.09 લાખ રૂપિયા છે અને તે ટોપ મોડલમાંથી એક છે. ટોયોટા તેના કાર લીઝિંગ પ્લેટફોર્મ માઈલ્સ દ્વારા આ વેરિઅન્ટ ઓફર કરી રહી છે. આ પ્લાન હેઠળ, વ્યક્તિ HyRyder SUVને એક વર્ષ માટે ઘરે લઈ જઈ શકે છે. તેમજ આ કારને વધુમાં વધુ 4 વર્ષ માટે સબ્સ્ક્રિપ્શન હેઠળ લઈ શકાય છે. તેમજ મુસાફરી કરવા માટે પસંદ કરેલ અંતરના આધારે એસયુવી ઘરે લઈ જઈ શકે છે. આમાં, એક વર્ષમાં 12,000 કિમીથી વાર્ષિક 24,000 કિમી સુધી એસયુવી ચલાવવી જરૂરી છે.

આ પણ વાંચોઃ આ 'ખર્ચ વગરની ખેતી' કરીને માલામાલ થઈ રહ્યા છે ગુજરાતના કેટલાક ખેડૂતો, તમે પણ અજમાવો

કેટલો ખર્ચ થશે

સબ્સ્ક્રિપ્શન ફી અથવા ભાડે લીધેલ અર્બન ક્રુઝર HyRyder SUVને ઘરે લઈ જવા માટેની માસિક ફી SUVને પાસે રાખવાનો સમય અને મુસાફરીના અંતરના કોમ્બિનેશન પર નિર્ભર રહેશે. જો કોઈ વ્યક્તિ 12,000 કિમીથી વધુની મુસાફરી કરવા માટે એક વર્ષના સબ્સ્ક્રિપ્શન માટે SUV લે છે, તો તેણે દર મહિને લગભગ 56,473 રૂપિયા ચૂકવવા પડશે. જો કોઈ તેને ચાર વર્ષ માટે રાખવાનું પસંદ કરે અને દર વર્ષે 24,000 કિલોમીટરથી વધુ ડ્રાઇવ ન કરે, તો આ દર મહિને ઘટીને ₹47,729 થઈ જાય છે.

ખૂબ જ સારી માઈલેજ

HyRyder SUVનું V AT NEO DRIVE વેરિઅન્ટ 1.5-લિટર, 4-સિલિન્ડર K15C સિરીઝ પેટ્રોલ એન્જિન અને હળવી હાઇબ્રિડ પાવરટ્રેન સાથે આવે છે. તે 102 bhp નો મહત્તમ પાવર અને 137 Nm નો પીક ટોર્ક જનરેટ કરે છે. ટ્રાન્સમિશન માટે તેમાં 6-સ્પીડ ઓટોમેટિક ગિયરબોક્સ આપવામાં આવ્યું છે. તે 20 kmpl કરતાં વધુની માઈલેજ આપે છે. આ SUV Hyundai Creta, Kia Seltos, Maruti Suzuki Grand Vitara, Skoda Kushaq, Volkswagen Taigun અને Tata Harrier જેવી કોમ્પેક્ટ SUV સાથે સ્પર્ધા કરે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Auto news, Business news, SUV, Toyota Cars