Home /News /business /World Economic Forum: WEFનું પાંચ દિવસીય સંમેલન યોજાશે, પર્યાવરણ અને અન્ન સંકટ પર થશે વિચાર-વિમર્શ

World Economic Forum: WEFનું પાંચ દિવસીય સંમેલન યોજાશે, પર્યાવરણ અને અન્ન સંકટ પર થશે વિચાર-વિમર્શ

WEFની વાર્ષિક બેઠક સ્વિટ્ઝર્લેન્ડના દાવોસમાં યોજાશે.

World Economic Forum: WEFએ જણાવ્યું કે આ પાંચ દિવસીય વાર્ષિક સંમેલન 16 થી 20 જાન્યુઆરી દરમિયાન સ્વિટ્ઝર્લેન્ડના દાવોસમાં યોજાશે.

    World Economic Forum: વર્લ્ડ ઇકોનોમિક ફોરમએ જણાવ્યું હતું કે દાવોસમાં તેની વાર્ષિક બેઠક વિશ્વના નેતાઓને તાત્કાલિક આર્થિક, ઉર્જા અને ખાદ્ય કટોકટીને સંબોધવા અને વિશ્વને વધુ સક્ષમ અને મજબૂત બનાવવા માટે બોલાવશે. WEFએ જણાવ્યું કે આ પાંચ દિવસીય વાર્ષિક સંમેલન 16 થી 20 જાન્યુઆરી દરમિયાન સ્વિટ્ઝર્લેન્ડના દાવોસમાં યોજાશે. WEFએ એશિયાઈ ખંડ, ખાસ કરીને ચીન અને જાપાન જેવા દેશોમાંથી નોંધપાત્ર સહભાગિતાની અપેક્ષા રાખી હતી.

    આ સંમેલનમાં ઓછામાં ઓછા ચાર કેન્દ્રીય પ્રધાનોમાં મનસુખ માંડવિયા, અશ્વિની વૈષ્ણવ, સ્મૃતિ ઈરાની અને આરકે સિંહ અને ત્રણ મુખ્ય પ્રધાનોમાં યોગી આદિત્યનાથ, એકનાથ શિંદે અને બીએસ બોમઈ ભાગ લેશે તેવી આશા છે. ઉપરાંત ભારતમાંથી ઉદ્યોગ અને અન્ય ક્ષેત્રોની લગભગ 100 હસ્તીઓ ભાગ લઇ શકે છે.

    આ પણ વાંચો:MOU: ભારતમાં સ્પેસ-ટેક સ્ટાર્ટઅપ્સને પ્રોત્સાહિત કરવા ISRO અને Microsoftનો સહિયારો પ્રયાશ

    આ થીમ પર યોજાશે કોન્ફ્રન્સ


    53મી WEF વાર્ષિક કોન્ફરન્સની થીમ 'કોઓપરેશન ઇન એ ફ્રેક્ચર્ડ વર્લ્ડ' હશે અને તેમાં 52 રાષ્ટ્રાધ્યક્ષો તેમજ 130 દેશોમાંથી લગભગ 2,700 મહાનુભાવો ભાગ લેશે. જર્મન ચાન્સેલર ઓલાફ સ્કોલ્ઝ, યુરોપિયન કમિશનના પ્રમુખ ઉર્સુલા વોન ડેર લેયેન, યુરોપિયન સંસદના પ્રમુખ રોબર્ટ મેટસોલા, દક્ષિણ કોરિયાના રાષ્ટ્રપતિ યુન સુક-યોલ, દક્ષિણ આફ્રિકાના રાષ્ટ્રપતિ સિરિલ એમ. રામાફોસા, સ્પેનિશ વડા પ્રધાન પેડ્રો સાંચેઝ, સ્વિટ્ઝર્લેન્ડના રાષ્ટ્રપતિ એલેન બેરસેટ અને ફિનલેન્ડના વડા પ્રધાન સના મારિન વગેરે મહાન હસ્તીઓ હાજર રહેશે.



    સંમેલનમાં યુએનના મહાસચિવ એન્ટોનિયો ગુટેરેસ, ઈન્ટરનેશનલ મોનેટરી ફંડ (IMF)ના મેનેજિંગ ડિરેક્ટર ક્રિસ્ટલિન જ્યોર્જિવા, વર્લ્ડ ટ્રેડ ઓર્ગેનાઈઝેશન (WTO)ના ડાયરેક્ટર જનરલ નગોઝી ઓકોન્જો ઈવેલા, નાટોના સેક્રેટરી જનરલ જેન્સ સ્ટોલ્ટનબર્ગ અને WHOના ડિરેક્ટર જનરલ ટેડ્રોસ અધોનોમ ઘેબ્રેયેસુસ પણ ભાગ લેશે.
    Published by:Darshit Gangadia
    First published:

    Tags: Business news, Wef, World economic forum

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन