Work From Home ખતમ થયું તો, આ કંપનીના 800 કર્મચારીઓએ રાજીનામું આપી દીધુ

Work From Home : જ્યારે કંપનીઓએ મહામારી (Corona epidemic) ને કારણે ઘરેથી કામ કરાવવાનું શરૂ કર્યું, ત્યારે ઘણા કર્મચારીઓ એવા હતા જેમને ઘરેથી કામ કરવું મુશ્કેલ થઈ રહ્યું હતું. પરંતુ હવે મોટાભાગના કર્મચારીઓ ઘરેથી કામ કરવાનું પસંદ કરી રહ્યા છે. હવે તે ઓફિસ જવાને બદલે ઘરેથી કામ કરવાનું પસંદ કરી રહ્યા છે. હવે સ્થિતિ એવી છે કે, કર્મચારીઓ પર ઓફિસ આવવા માટે દબાણ કરવામાં આવે તો નોકરી છોડવા પણ તૈયાર છે.

ઑનલાઇન એજ્યુકેશન કંપની વ્હાઇટહેટ જુનિયર (WhiteHat Jr) સાથે પણ આવું જ થયું છે. છેલ્લા બે મહિનામાં આ એડટેક કંપનીના 800 થી વધુ કર્મચારીઓએ રાજીનામું આપ્યું છે. વાસ્તવમાં, કંપનીએ આ કર્મચારીઓને 'વર્ક ફ્રોમ હોમ' ખતમ કરીને ઓફિસ આવવા અને કામ કરવાનું કહ્યું હતું. ત્યારથી કર્મચારીઓ રાજીનામા આપી રહ્યા છે.

કર્મચારીઓ ઓફિસ જવા તૈયાર નથી

મનીકંટ્રોલે એક અહેવાલ અનુસાર, વ્હાઇટહેટ જુનિયરે 18 માર્ચે 'વર્ક ફ્રોમ હોમ' નીતિને સમાપ્ત કરવાની જાહેરાત કરી હતી. તમામ કર્મચારીઓને એક મહિનામાં એટલે કે 18 એપ્રિલ સુધી ઓફિસમાં આવીને કામ કરવા સૂચના આપવામાં આવી હતી. જેના કારણે 800 જેટલા કર્મચારીઓએ રાજીનામું આપી દીધું છે, કારણ કે તેઓ ઓફિસ આવવા તૈયાર ન હતા. રાજીનામું આપનારા કર્મચારીઓમાં સેલ્સ, કોડિંગ અને ગણિત ટીમના કર્મચારીઓનો સમાવેશ થાય છે. આગામી મહિનામાં વધુ કર્મચારીઓ રાજીનામું આપી શકે છે.

કર્મચારીઓ કંપની પર આરોપ લગાવે છે

રાજીનામું આપનાર કર્મચારીએ Inc42ને જણાવ્યું કે, એક મહિનાનો સમય પૂરતો નથી. કર્મચારીઓને વિવિધ પ્રકારની પારિવારિક સમસ્યાઓ હોય છે. કેટલાકને બાળકો અને તેમની શાળાની સમસ્યા છે, જ્યારે અન્યને માંદા માતા-પિતા છે. આ સિવાય પરિવારની અન્ય જવાબદારીઓ પણ છે. આટલા ટૂંકા નોટિસ પીરિયડમાં ઓફિસને કૉલ કરવો એ કોઈપણ રીતે યોગ્ય નથી. એક કર્મચારીએ કહ્યું કે, ખર્ચ ઘટાડવા માટે આ એક સારી રીતે વિચારેલી વ્યૂહરચના છે. કંપની ખોટમાં ચાલી રહી છે. બજારમાં તમારું નામ કલંકિત કર્યા વિના ખર્ચ ઘટાડવાનો આ એક માર્ગ છે. અન્ય એક કર્મચારીએ કહ્યું કે, આ કર્મચારીઓને છૂટા કરવાનું પગલુ છે.

પગાર પણ રાજીનામાનું એક કારણ છે

એક કર્મચારીએ જણાવ્યું કે, રાજીનામા પાછળનું કારણ પગાર છે. ભરતી સમયે, કર્મચારીઓને કહેવામાં આવ્યું હતું કે, વ્હાઇટહેટ જુનિયરની ગુરુગ્રામ, મુંબઈ અને બેંગ્લોરમાં ઓફિસ છે. તેઓએ આ સ્થળોએ કામ કરવું પડશે. લગભગ બે વર્ષ સુધી ઘરેથી કામ કર્યા પછી, તેમનો પગાર વધવો જોઈએ જેથી કરીને તેઓ આ મોંઘા શહેરોમાં રહી શકે.

આ પણ વાંચો - શું તમને ગણિત વિષય અઘરો લાગે છે? તો ધોરણ 10માં બેઝિક ગણિત સાથે આગળ વધવાના છે અનેક ઓપશન

વ્હાઇટહેટ જુનિયરે Inc42 ને જણાવ્યું કે, વેચાણ અને સહાયક વિભાગના કર્મચારીઓને 18 એપ્રિલ સુધીમાં તેમના ગુરુગ્રામ અને મુંબઈ કાર્યાલયમાં જાણ કરવા કહેવામાં આવ્યું છે. શિક્ષકો પહેલાની જેમ ઘરેથી કામ કરવાનું ચાલુ રાખશે. મેડિકલ અને અન્ય મહત્વના કારણો ધરાવતા કર્મચારીઓને પણ ઘરેથી કામ કરવાની છૂટ આપવામાં આવી છે. WhiteHat Jr એ નાના બાળકોને કોડિંગ શીખવવા માટેનું એક ઓનલાઈન પ્લેટફોર્મ છે. BYJU'S એ તેને હસ્તગત કરી લીધુ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Business news in gujarati, Resigned, Work from home