Money Investment: સ્ટોક્સ કે મ્યુચ્યુઅલ ફંડ્સ, કયું રોકાણ કરવું વધુ સારું, તમારે શું પસંદ કરવું જોઈએ

IPO or Mutual Fund: મોટાભાગના રોકાણકારો એ મૂંઝવણનો સામનો કરે છે કે કયો સ્ટોક પસંદ કરવો જોઈએ કે મ્યુચ્યુઅલ ફંડ? આનો કોઈ ખોટો કે સાચો જવાબ નથી. આ બાબત સંપૂર્ણપણે વ્યક્તિલક્ષી છે અને તેની એકબીજા સાથે સરખામણી કરવી એ થોડું મુશ્કેલ પણ છે. સરળ શબ્દોમાં કહીએ તો, જો તમે શેરોમાં રોકાણ કરી રહ્યાં છો, તો તમે તમારી પસંદગી માટે જવાબદાર છો.

બીજી બાજુ જો તમે મ્યુચ્યુઅલ ફંડમાં રોકાણ કરો છો તો ફંડ મેનેજર તમારા વતી આ કોલ લે છે. તમારા લક્ષ્યોને હાંસલ કરવા માટે તમારે કેટલાક પરિબળોને ધ્યાનમાં રાખીને સ્ટોક અથવા મ્યુચ્યુઅલ ફંડમાં રોકાણ કરવું જોઈએ.

આ પણ વાંચો:બેંક ખાતું કેટલા સમય માટે ફ્રીઝ કરી શકાય? ટેન્શન ના લેશો, તમને દરેક સવાલના જવાબ અહીં મળી જશે

બજાર અનુભવ

જો તમારી પાસે જરૂરી જ્ઞાન અને અનુભવ હોય તો સીધું સ્ટોકમાં રોકાણ ખૂબ ફાયદાકારક સાબિત થઈ શકે છે. જો કે તમે શેરોમાં માત્ર ક્યારેક ક્યારેક રોકાણ કરો છો અથવા સલાહ માટે અન્યો પર આધાર રાખો છો તો તમારે રોકાણ કરતા પહેલા બે વાર વિચારવું જોઈએ. પરંતુ મ્યુચ્યુઅલ ફંડમાં મામલો અલગ છે.

ફંડ મેનેજર તમારા પોર્ટફોલિયોની સંભાળ રાખે છે. એટલે કે તમારે બજારને વારંવાર ટ્રેક કરવાની જરૂર નથી. ટૂંકમાં, મ્યુચ્યુઅલ ફંડ નિષ્ક્રિય રોકાણકારો માટે સારી રીતે કામ કરે છે જેઓ પાસે ઓછો સમય અને નહિવત અનુભવ હોય.

આ પણ વાંચો:છેલ્લા 6 મહિનામાં 85% વધ્યો આ શેર, હવે 2023માં આપશે ‘બમણું વળતર’; ફટાફટ રોકાણ કરી દો

પોર્ટફોલિયો ડાયવર્ઝન

રોકાણના મૂળભૂત સિદ્ધાંતોમાંનો એક પોર્ટફોલિયો ડાયવર્ઝન છે. તે જોખમ ઘટાડવામાં અને પોર્ટફોલિયોને સંતુલિત કરવામાં મદદ કરે છે. તમને વિવિધ ક્ષેત્રોમાં 10-15 શેરોમાંથી પોર્ટફોલિયો ડાયવર્ઝન મળે છે. જ્યારે તમે એક જ શેરમાં રોકાણ કરો છો, ત્યારે તમને કંપની જે ડોમેનમાં ઓપરેટ કરે છે તેનું એક્સપોઝર મળે છે.

ઉદાહરણ તરીકે, જો તમે ટેક્નોલોજી ફર્મના શેર ખરીદો છો તો તમારું એક્સપોઝર માત્ર તે સેક્ટર પૂરતું જ મર્યાદિત રહેશે. જ્યારે તમે મ્યુચ્યુઅલ ફંડમાં રોકાણ કરો છો, ત્યારે તમારા પૈસા વિવિધ ક્ષેત્રો અને શેરોમાં રોકાણ કરવામાં આવે છે. આ સાથે, તમારો પોર્ટફોલિયો આપોઆપ વૈવિધ્યસભર બને છે.

ક્યારેક લાભ ક્યારેક નુકશાન

ક્યારેક તમને સુખ મળી શકે છે તો ક્યારેક તમને શેરમાંથી દુ:ખ મળે છે. જો તમારી પાસે મલ્ટીબેગર હોય, તો તમારા વળતરમાં થોડા સમય બાદ વધારો થઈ શકે છે. તે રાતોરાત તમારું વળતર બમણું કરી શકે છે. આ સિવાય જો તમે ખોટો સ્ટોક પસંદ કરો છો, તો તમારું રોકાણ ડૂબી પણ શકે છે. તમારો પોર્ટફોલિયો હંમેશા મ્યુચ્યુઅલ ફંડમાં વૈવિધ્યસભર હોય છે, તેથી તેમાં ન તો બહુ વધારે કે બહુ ઓછું વળતર મળતું નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Mutual fund, Stock Marekt