Home /News /business /

Rera Act: મકાન ખરીદતા પહેલા જાણો RERA એક્ટ વિશેની તમામ માહિતી

Rera Act: મકાન ખરીદતા પહેલા જાણો RERA એક્ટ વિશેની તમામ માહિતી

રેરા એક્ટ (પ્રતીકાત્મક તસવીર)

RERA એક્ટ હેઠળ ખરીદદારો અને રોકાણકારોના ઓછામાં ઓછા 70% નાણાં અલગ એકાઉન્ટમાં રાખવામાં આવશે. આ પૈસા બિલ્ડરોને બાંધકામ અને જમીન સંબંધિત ખર્ચ માટે જ ફાળવવામાં આવશે.

    નવી દિલ્હી: Real Estate Regulatory Authority (RERA) એક્ટ, 2016થી અસ્તિત્વમાં આવ્યો છે. RERA એક્ટ હેઠળ ઘર ખરીદનારાઓને રક્ષણ આપવાનો મુખ્ય ઉદ્દેશ્ય છે. 10 માર્ચ 2016ના રોજ રાજ્યસભામાં આ બિલ પસાર કરવામાં આવ્યું હતું. RERA એક્ટ 1 મે 2016ના રોજ અમલમાં મૂકવામાં આવ્યો હતો, તે સમયે 92 વિભાગોમાંથી માત્ર 52 નોટિફાઈ કરવામાં આવ્યા હતા. બાકી રહેલી જોગવાઈઓ 1 મે 2017 ના રોજ અમલમાં મૂકવામાં આવી હતી.

    RERA અને નિયમો


    - 31 ઓક્ટોબર 2016ના રોજ, HUPA (હાઉસિંગ એન્ડ અર્બન પોવર્ટી એલિવિએશન) મંત્રાલયે રિઅલ એસ્ટેટ (રેગ્યુલેશન એન્ડ ડેવલપમેન્ટ) એક્ટ, 2016ના સામાન્ય નિયમો બહાર પાડ્યા હતા.

    - આ તમામ નિયમો ચંદીગઢ, લક્ષદ્વીપ, દમણ અને દીવ, દાદરા અને નગર હવેલી તથા આંદામાન અને નિકોબાર ટાપુઓ જેવા કેન્દ્રશાસિત પ્રદેશોને લાગૂ પડે છે.

    RERAના કેટલાક મહત્વના મુદ્દાઓ


    ● સિક્યોરિટી


    RERA એક્ટ હેઠળ ખરીદદારો અને રોકાણકારોના ઓછામાં ઓછા 70% નાણાં અલગ એકાઉન્ટમાં રાખવામાં આવશે. આ પૈસા બિલ્ડરોને બાંધકામ અને જમીન સંબંધિત ખર્ચ માટે જ ફાળવવામાં આવશે. વેચાણ કરાર પર હસ્તાક્ષર કરવામાં આવે તે પહેલાં ડેવલપર્સ અને બિલ્ડરો ખરીદકર્તા પાસેથી પ્રોપર્ટીની કિંમતની 10% કરતાં વધુ રકમની માંગણી ન કરી શકે.

    ● ટ્રાન્સપરન્સી


    બિલ્ડરોએ પોતાના શરૂ કરેલા તમામ પ્રોજેક્ટ માટે ઓરિજિનલ ડોક્યુમેન્ટ્સ સબમિટ કરવાના હોય છે. ખરીદનારની સંમતિ વિના બિલ્ડરો પ્લાનમાં કોઈ પણ ફેરફાર ન કરી શકે.

    ● ફેરનેસ


    RERA એક્ટ અનુસાર ડેવલપર્સે સુપર બિલ્ટ અપ એરિયા નહીં, પરંતુ કાર્પેટ એરિયા અનુસાર પ્રોપર્ટી વેચવાની રહેશે. નિયત તારીખ પર પઝેશન ન મળે તો ખરીદદારો પોતાના સંપૂર્ણ પૈસા પરત મેળવી શકે છે અથવા રોકાણ કરી શકે છે.

    ● ક્વોલિટી


    મકાન ખરીદીના 5 વર્ષના સમયગાળામાં ખરીદદાર કોઈપણ પ્રકારની સમસ્યાનો સામનો કરે તો, બિલ્ડરે તે સમસ્યાનો 30 દિવસમાં નિકાલ લાવવો જરૂરી છે.

    ● ઓથોરાઈઝેશન


    રેરામાં રજીસ્ટર કર્યા વિના જાહેરાત, વેચાણ, રોકાણ અથવા પ્લોટ બુક કરી શકાતો નથી. રજિસ્ટ્રેશન કરાવ્યા બાદ તમામ જાહેરાતોમાં RERA દ્વારા પ્રદાન કરાયેલ અનન્ય પ્રોજેક્ટ મુજબનો નોંધણી નંબર હોવો જરૂરી છે.

    મહત્વના ફીચર્સ


    - રિઅલ એસ્ટેટના સંદર્ભમાં જવાબદારી અને ટ્રાન્સપરન્સીમાં વૃદ્ધિ થાય તે માટે રેરાની સ્થાપના કરવામાં આવી હતી.

    - વિવાદોનું નિવારણ લાવવા માટે ફાસ્ટ-ટ્રેક મિકેનિઝમની સ્થાપના. એપેલેટ ટ્રિબ્યુનલ અને નિર્ણાયક અધિકારીઓ દ્વારા વિવાદોનું નિવારણ લાવવામાં આવશે.

    - તમામ રિઅલ એસ્ટેટ પ્રોજેક્ટ્સનું RERA સાથે રજિસ્ટ્રેશન થયેલું હોવું જોઈએ. જો ગાઈડલાઈનનું પાલન કરવામાં નહીં આવે તો કાયદાકીય પગલા લેવામાં આવશે.

    - પ્રમોટર રિઅલ એસ્ટેટ પ્રોજેક્ટમાં તમારા મોટાભાગના અધિકારો અને જવાબદારીઓ તૃતીય પક્ષને ટ્રાન્સફર કરવા ઈચ્છે તો, RERA ની લેખિત મંજૂરી અને બે તૃતીયાંશ ફાળવણીની લેખિત મંજૂરીની જરૂરિયાત રહે છે.

    - જો ખરીદદાર અથવા પ્રમોટર તરફથી કોઈ પણ ડિફોલ્ટ હશે, તો તે બંનેએ સમાન દરે વ્યાજ ચૂકવવાનું રહેશે.

    - જે જગ્યા પર બાંધકામ કરવામાં આવ્યું છે, તે જમીન પર કોઈ દાવો કરે અને ખરીદનારને કોઈ નુકસાન થાય તો, પ્રમોટરે પ્રોપર્ટી ખરીદનારને વળતર આપવાનું રહે છે. વળતરની રકમ અંગે કોઈ લિમિટ નક્કી કરવામા આવી નથી.

    - જો કોઈ વ્યક્તિને પ્રમોટર, ખરીદનાર અથવા એજન્ટ દ્વારા આ કાયદાની જોગવાઈઓ અથવા નિયમોના ઉલ્લંઘન અંગે કોઈ સમસ્યા હોય, તો તે વ્યક્તિ રેરામાં ફરિયાદ નોંધાવી શકે છે.

    - જેની સામે ફરિયાદ નોંધાવવામાં આવી હોય ત્યારબાદ તપાસ ચાલી રહી હોય તે, સમયે RERA એજન્ટ, પ્રમોટર અથવા ખરીદનારને કોઈ પણ પ્રવૃત્તિ ચાલુ રાખવાથી રોકી શકાય છે.

    - જો ફરિયાદ અંગે RERAના કોઈપણ નિર્ણયો સંતોષકારક ન હોય, તો પીડિત પક્ષ એપેલેટ ટ્રિબ્યુનલ સમક્ષ અરજી દાખલ કરી શકે છે.

    - જો પ્રમોટર રેરાના આદેશોનું પાલન ના કરે તો પ્રમોટરે દંડ તરીકે મિલકતની કિંમતના 5% સુધીની રકમ ચૂકવવાની રહે છે.

    - જો એપેલેટ ટ્રિબ્યુનલના આદેશોનું પાલન કરવામાં ના આવે તો બિલ્ડરે દંડ ભરવાનો રહે છે. સજાની જોગવાઈ હેઠળ 3 વર્ષ સુધીની કેદ થઈ શકે છે અથવા દંડ (પ્રોજેક્ટની કિંમતના 10% સુધી) ચૂકવવાનો રહે છે.

    - જો કોઈ કંપની ACT હેઠળ ગુનો કરે તે સમયે જે વ્યક્તિ બિઝનેસ સંભાળતો હોય તે વ્યક્તિ અને કંપનીને દોષિત ગણીને તેને સજા સંભળાવવામાં આવે છે.

    આ પણ વાંચો: એલઆઈસીનો આઈપીઓ ફાયદાનો સોદોઃ મોતીલાલ ઓસવાલ

    RERAના ફાયદા


    ● કાર્પેટ એરિયાનું સ્ટાન્ડર્ડાઈઝેશન


    RERAનો નિયમ આવ્યા પહેલા મકાનની કિંમતમાં સુપર બિલ્ટ અપ એરિયાની કિંમતને પણ સામેલ કરવામાં આવતી હતી. હવે માત્ર કાર્પેટ એરિયાની કિંમતની ગણતરી કરવામાં આવે છે.

    ● બિલ્ડરની નાદારીનું જોખમ ઘટે


    મોટાભાગના પ્રમોટરો અને ડેવલપર્સ એક જ સમયે અનેક પ્રોજેક્ટ પર કામ કરતા હતા. જેના કારણે એક પ્રોજેક્ટની રકમ અન્ય પ્રોજેક્ટમાં ઉપયોગ કરવામાં આવતી હતી. RERA એક્ટ બાદ એક પ્રોજેક્ટની રકમનો ઉપયોગ અન્ય પ્રોજેક્ટમાં કરી શકાતો નથી. પ્રોજેક્ટની રકમની 70% રકમ અલગ બેન્કમાં જમા કરાવવાની રહે છે. એન્જિનિયર, ચાર્ટર્ડ એકાઉન્ટન્ટ અને આર્કિટેક્ટ દ્વારા સર્ટીફિકેટ આપ્યા બાદ જ તે રકમનો ઉપયોગ કરી શકાય છે.

    ● એડવાન્સ પેમેન્ટ


    નિયમો અનુસાર બિલ્ડર ખરીદનાર પાસેથી પ્રોજેક્ટની કિંમતના 10% થી વધુ એડવાન્સ અથવા એપ્લિકેશન ફી તરીકે લઈ ના શકે.

    ● ખરીદકર્તાના અધિકારો


    પઝેશન મેળવ્યું તેના 5 વર્ષની અંદર જો કોઈપણ પ્રકારની ખામી સામે આવે તો બિલ્ડરે એક પણ રૂપિયો લીધો વિના આ ખામીને દૂર કરવાની રહે છે.

    ● ડિફોલ્ટના કિસ્સામાં વ્યાજ ચૂકવવાનું રહેશે


    જો પઝેશન મળવામાં વાર લાગે તો બિલ્ડરે ખરીદકર્તાને વ્યાજ ચૂકવવું પડશે. અથવા પઝેશન મળ્યા બાદ ખરીદકર્તા ચૂકવણી કરવામાં વાર કરે તો ખરીદકર્તાએ બિલ્ડરને વ્યાજ ચૂકવવાનું રહેશે.

    આ પણ વાંચો: એક જ વર્ષમાં આ શેરે રોકાણકારોને કરી દીધા માલામાલ 

    ● ખરીદકર્તાના અધિકારો


    જે પ્રમાણે નક્કી કર્યું તે અનુસાર કામકાજ ના હોય તો ખરીદકર્તા એડવાન્સ ચૂકવેલ રકમ રિફંડ મેળવી શકે છે. કેટલાક કેસમાં બિલ્ડરે વ્યાજ પણ આપવાનું રહે છે.

    ● ટાઈટલમાં ડિફેક્ટ


    પઝેશન મેળવતા સમયે ખરીદકર્તાને ખબર પડે કે, પ્રોપર્ટીના ટાટલમાં ખામી છે, તો ખરીદકર્તા પ્રમોટર પર વળતર મેળવવાનો દાવો કરી શકે છે. આ રકમની કોઈ લિમિટ નક્કી કરવામાં આવી નથી.

    ● માહિતીનો અધિકાર


    ખરીદનારને પ્રોજેક્ટ અંગેની તમામ માહિતી મેળવવાનો હક છે. જેમાં લેઆઉટ, એક્ઝીક્યુશન અને કમ્પ્લેશન સ્ટેટ્સ જેવી બાબતોનો સમાવેશ થાય છે.

    ● ફરિયાદ નિવારણ


    જો ખરીદદાર, પ્રમોટર અથવા એજન્ટને પ્રોજેક્ટ સંબંધિત કોઈ ફરિયાદ હોય, તો તેઓ રેરામાં ફરિયાદ નોંધાવી શકે છે. ફરિયાદ અંગે તેઓ રેરાના નિર્ણયથી સંતુષ્ટ ના હોય, તો એપેલેટ ટ્રિબ્યુનલમાં પણ ફરિયાદ દાખલ કરી શકે છે.

    ● RERA Actની અસર


    - રિઅલ એસ્ટેટ (રેગ્યુલેશન એન્ડ ડેવલપમેન્ટ) એક્ટ, 2016ના અમલ બાદ, સબ-રજિસ્ટ્રારની ઓફિસમાં ઓક્યુપન્સી સર્ટિફિકેટ અથવા કમ્પ્લેશન સર્ટિફિકેટ લીધા વિના પ્રોજેક્ટ યુનિટના સેલ ડીડની નોંધણી કરી શકાતી નથી.

    - RERA એક્ટ લાગુ થયા બાદ અપ્રમાણિક બિલ્ડરો માર્કેટમાં ટકી ના શકવાને કારણે તેમની સંખ્યામાં ઘટાડો થઈ રહ્યો છે.

    - રિઅલ એસ્ટેટ (રેગ્યુલેશન એન્ડ ડેવલપમેન્ટ) એક્ટ, 2016માં ઉમેરવામાં આવેલ 32 વિભાગો આ ક્ષેત્રે નાણાકીય ડિસિપ્લીનને પ્રોત્સાહન આપશે.

    - એક્ટના અમલીકરણ બાદ, ડેવલપર્સે કેટલીક ફોર્મેલીટિઝ જાળવવી પડશે. જેના કારણે રિઅલ એસ્ટેટ ક્ષેત્રે ટૂંકા ગાળાની સમસ્યા સર્જાઈ શકે છે, પરંતુ લાંબા ગાળે ગ્રાહકોના વિશ્વાસમાં વધારો થશે અને તેઓ પ્રોપર્ટીમાં વધુ રોકાણ કરશે.

    આ પણ વાંચો: ટાયરનો રંગ કાળો જ કેમ હોય છે? લીલા, પીળા, લાલ રંગના ટાયર કેમ નથી હોતા?

    કાર્પેટ વિસ્તારની વ્યાખ્યા


    - એક્ટ અનુસાર, કાર્પેટ વિસ્તાર એ ફ્લોરનો કુલ વિસ્તાર છે, જેનો ઉપયોગ એપાર્ટમેન્ટની દિવાલોની અંદર થઈ શકે છે. જેમાં ઓપન ટેરેસ, શાફ્ટ, બાલ્કની વગેરે જેવા વિસ્તારોનો સમાવેશ થતો નથી.

    - પ્રમોટરો ખરીદકર્તાઓને ગેરમાર્ગે ના દોરે તે માટે કાર્પેટ વિસ્તારની વ્યાખ્યા નક્કી કરવામાં આવી છે.
    Published by:Vinod Zankhaliya
    First published:

    Tags: Buy home, Real Estate Regulatory Authority, Rera, What is Rera act

    આગામી સમાચાર