Budget 2023: એક સમય એવો પણ હતો જ્યારે કુંવારા અને લગ્ન કરેલા માટે અલગ અલગ હતો ઈન્કમ ટેક્સ

બજેટમાં આ વખતે કરદાતાઓને 8 વર્ષ બાદ રાહત મળવાની આશા છે. આ બજેટના મોસમમાં અમે તમને એવા કેટલાક ટેક્સ વિશે જણાવી રહ્યા છીએ, જેની આજે કલ્પના પણ કરી શકાતી નથી. એક સમય હતો જ્યારે પરિણીત અને અપરિણીત લોકો માટે અલગ-અલગ ટેક્સ સ્લેબ હતા. મીડિયા અહેવાલો અનુસાર, 1955-56ના કેન્દ્રીય બજેટમાં પરિણીત અને અપરિણીત લોકો માટે અલગ ટેક્સ સ્લેબ હતા. તત્કાલિન નાણામંત્રી સીડી દેશમુખે આ બજેટ રજૂ કર્યું હતું. એવું કહેવામાં આવી રહ્યું છે કે આ સ્લેબ પરિવાર ભથ્થાની યોજના શરૂ કરવા માટે બનાવવામાં આવ્યો હતો.

આ એ જ સમય છે જે સમયે બજેટ પહેલીવાર હિન્દીમાં છપાયું હતું. આ પછી વાર્ષિક નાણાંકીય નિવેદન અને એક્સપ્લેનેટરી મેમોરેન્ડમનું હિન્દી વર્ઝન જાહેર કરવામાં આવે છે

આ પણ વાંચોઃ નાણામંત્રીએ આર્થિક સર્વે રજૂ કર્યો, GDP ગ્રોથ 6થી 6.8 ટકા રહેવાનું અનુમાન

પરણિત અને અપરણિત લોકો માટા અલગ અલગ ટેક્સ

1955-56ના કેન્દ્રીય બજેટમાં તત્કાલિન નાણામંત્રી દેશમુખે પરિણીત લોકો માટે હાલના કરમુક્તિના સ્લેબમાં રૂ. 1,500થી રૂ. 2,000 સુધીનો વધારો કરવાની જાહેરાત કરી હતી. આ સામે અપરિણીત લોકો માટે તેને ઘટાડીને 1,000 રૂપિયા કરવાની જાહેરાત કરવામાં આવી હતી. આ પગલું આયોજન પંચની ભલામણોના આધારે લેવામાં આવ્યું છે. બજેટમાં 90 લાખની આવકની ચોખ્ખી ખોટ અંદાજવામાં આવી હતી. 1950ના દાયકામાં વેલ્થ ટેક્સ લાગુ કરવામાં આવ્યો હતો. તેની સાથે જ આવકવેરાના મહત્તમ દર પાંચ આના (30 પૈસા)થી ઘટાડીને ચાર આના (25 પૈસા) કરવામાં આવ્યા હતા.

આ પણ વાંચોઃ નાણામંત્રી નિર્મલા સીતારમણ બુધવારે 11 વાગ્યે રજૂ કરશે બજેટ, આ રીતે લાઈવ જોઈ શકશો

પરિણિત પુરુષો માટેના સ્લેબ

- 0થી રૂ. 2,000 ટેક્સ સ્લેબ - ચૂકવવાપાત્ર: કોઈ આવકવેરો ચૂકવવાપાત્ર નથી

- રૂ. 2,001થી રૂ. 5,000 ટેક્સ સ્લેબ - આવકવેરાનો દર ચૂકવવાપાત્ર: રૂપિયામાં નવ પાઈ

- રૂ. 5,001થી રૂ. 7,500 ટેક્સ સ્લેબ - ચૂકવવાપાત્ર આવકવેરાનો દર: એક રૂપિયામાં એક આના અને નવ પાઈ

- રૂ. 7,501થી રૂ. 10,000 ટેક્સ સ્લેબ - ચૂકવવાપાત્ર આવકવેરાનો દર: એક રૂપિયામાં બે આના અને ત્રણ પાઈ

- રૂ. 10,001થી રૂ. 15,000 ટેક્સ સ્લેબ - આવકવેરાનો દર ચૂકવવાપાત્રઃ એક રૂપિયામાં ત્રણ આના અને ત્રણ પાઈ

અપરિણીતો માટે ટેક્સ સ્લેબ

- રૂ. 0થી રૂ. 1,000 - આવકવેરાનો દર ચૂકવવાપાત્રઃ કોઈ આવકવેરો નહીં

- રૂ. 1,001થી રૂ. 5,000 – ચૂકવવાપાત્ર આવકવેરાનો દર: રૂપિયામાં નવ પાઈ

- રૂ. 5,001થી રૂ. 7,500 - આવકવેરાનો દર ચૂકવવાપાત્ર: રૂપિયામાં એક આના અને નવ પાઈ

- રૂ. 7,501થી રૂ. 10,000 - આવકવેરાનો દર ચૂકવવાપાત્ર: રૂપિયામાં બે આના અને ત્રણ પાઈ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Budget 2023, Business news, Income tax slab