Budget 2023: બજેટ 2023-24 માટે નિર્મલા સીતારમણે કરી આટલી જાહેરાતો, એક ક્લિક કરી જાણો સમગ્ર વિગત

સીતારમણે બજેટમાં જાહેરાત કરતા કહ્યું કે, ઈલેક્ટ્રિક વાહન, રમકડા, સાયકલ અને ઓટોમોબાઈલ સસ્તા થશે. તેની સાથે જ દેસી મોબાઈલ સસ્તા થશે. તો વળી ચિમની, અમુક મોબાઈલ ફોન અને કેમેરાના લેંસ, સિગરેટ, સોનું, ચાંદી, પ્લેટિનમ મોંઘુ થશે. સીતારમણે જાહેરાત કરી કે, સીનિયર સિટીજન્સના ખાતા સ્કીમની મર્યાદા હવે 4.5 થી વધારીને 9 લાખ કરી દેવામાં આવી છે.

નાણામંત્રી નિર્મલા સીતારમણે ટેક્સ સ્લૈબને લઈને મોટી જાહેરાત કરી છે. હવે નવી કર વ્યવસ્થા અંતર્ગત 7 લાખ રૂપિયા સુધીની વાર્ષિક કમાણી પર કોઈ ટેક્સ લાગશે નહીં. અત્યાર સુધી તે મર્યાદા 5 લાખ હતી.

0થી 3 લાખ - 0
3થી 6 લાખ રૂપિયા- 5 ટકા
6થી 9 લાખ રૂપિયા- 10 ટકા
9થી 12 લાખ રૂપિયા - 15 ટકા
12થી 15 લાખ રૂપિયા- 20 ટકા
15 લાખથી ઉપર- 30 ટકા

નાણામંત્રી નિર્મલા સીતારમણે કહ્યું કે, કપડા અને કૃષિ ઉપરાંત અન્ય વસ્તુઓ પર બુનિયાદી સીમા શુલ્ક દરની સંખ્યાને 21 ટકાથી ઘટાડીને 13 ટકા કરવાનો પ્રસ્તાવ કર્યો છે. પરિણામે રમકડા, સાયકલ, ઓટોમોબાઈલ સહિતની અમુક વસ્તુઓ સસ્તી થશે, સાથે જ સિગરેટ પર કસ્ટમ ડ્યૂટી વધારી છે.

નાણામંત્રીએ મહિલા બચત પત્ર યોજના શરુ કરવાની જાહેરાત કરી છે. આ ઉપરાંત વરિષ્ઠ નાગરિકો માટે 15 લાખ સુધીની લિમિટ વધારીને 30 લાખ કરવાની જાહેરાત કરી છે. નાણામંત્રી નિર્મલા સીતારમણે મહિલા સમ્માન બચત પત્ર યોજનાની બજેટમાં જાહેરાત કરી છે. આ સ્કીમ અંતર્ગત મહિલાઓ 2 વર્ષ સુધી 2 લાખ રૂપિયાનું રોકાણ કરી શકશે. આ જમા પર ટેક્સમાં છૂટ મળસે અને 7.5 ટકાનું રિર્ટન મળશે. મહિલાઓ માટે આ પોતાના તરફથી પ્રથમ સ્કીમ છે. 

નાણામંત્રી નિર્મલા સીતારમણે જણાવ્યું છે કે, સંશોધિત રાજકોષિય ખાધ જીડીપીનો 6.4 ટકા છે. તો વળી FY-2024માં રાજકોષિય ખાધનો લક્ષ્ય GDPના 5.9 ટકા લાવવાનો રાખવામાં આવ્યો છે. 

એમએસએમઈ માટે ક્રેડિટ ગેરેન્ટી કોરપસમાં 9000 કરોડ રૂપિયા નાખવામા આવ્યા છે, જે 2 લાખ કરોડ રૂપિયાથી વધારે કોલેટરલ ફ્રી ક્રેડિટની મંજૂરી આપશે. તે 1 એપ્રિલ 2023થી લાગૂ થશે. 

નાણામંત્રી નિર્મલા સીતારમણે કહ્યું કે, ઘરેલૂ અને આંતરરાષ્ટ્રીય પર્યટન માટે સંપૂર્ણ પેકેજ તરીકે વિકસિત કરવા માટે ચેલેન્જિંગ મોડમાં 50 પર્યટન સ્થળ પસંદ કરવામાં આવશે. રાજ્યોને વન ડિસ્ટ્રિક્ટ, વન પ્રોડક્ટ અને જીઆઈ વસ્તુ અને હસ્તશિલ્પના પ્રચાર માટે વેચાણ માટે રાજ્યની રાજધાની અથવા રાજ્યના સૌથી લોકપ્રિય સ્થળમાં યૂનિટી મોલ સ્થાપિત કરવા માટે પ્રોત્સાહન આપવામાં આવશે. 

કેન્દ્રીય નાણામંત્રી નિર્મલા સીતારમણે પાન કાર્ડને લઈને બજેટમાં મોટી જાહેરાત કરી છે. તેમણે કહ્યું કે, પાન કાર્ડ હવે રાષ્ટ્રીય ઓળખાણ પત્ર તરીકે માનવામાં આવશે. આ અગાઉ પાન ટેક્સ ફાઈલિંગ માટે હતું. 

નાણામંત્રીએ રાજ્ય સરકારો માટે મોટી જાહેરાત કરી છે. કેન્દ્ર સરકારે રાજ્યોને 50 વર્ષનું વ્યાજ મુક્ત લોન વધુ એક વર્ષ લંબાવી દીધી છે. 

કેન્દ્રીય નાણામંત્રી નિર્મલા સીતારમણે કહ્યું કે, ક્ષેત્રિય હવાઈ સંપર્કમાં સુધાર કરવા માટે 50 નવા એરપોર્ટ, હેલીપેડ અને વોટર એરો ડ્રોન, ઉન્નત લેન્ડીંગ ગ્રાઉન્ડ પુનર્જીવિત કરવામાં આવશે.