Union Budget 2020 : જાણો બજેટથી તમારી જિંદગીમાં શું બદલાવ આવશે?

News18 Gujarati
Updated: February 10, 2020, 2:00 PM IST
Union Budget 2020 : જાણો બજેટથી તમારી જિંદગીમાં શું બદલાવ આવશે?
નાણામંત્રી નિર્મલા સીતારમણે આજે નવા દાયકાનું પ્રથમ બજેટ રજૂ કર્યુ હતું.

નાણા મંત્રી નિર્મલા સીતારમણે આજે દેશનું બજેટ રજૂ કર્યુ. જાણો આ બજેટમાં સામાન્ય માણસથી લઈને વેપાર ધંધા સુધી અને ખેડૂતથી લઈને રોકારણકારોને શું મળ્યું?

  • Share this:
નવી દિલ્હી : વડા પ્રધાન નરેન્દ્ર મોદી (PM Modi) ની આગેવાની હેઠળ એનડીએ (NDA 2.0 ) સરકાર 2.0 એ આજે ​​તેનું બીજું બજેટ રજૂ કર્યું છે. નાણાં પ્રધાને (Finance Minsiter)એ આજે 2020ના બજેટમાં આવી ઘણી જાહેરાતો કરી હતી, જે સુસ્ત અર્થવ્યવસ્થાના સંબંધમાં ખૂબ મહત્વની છે. આજના બજેટમાં મોદી સરકારે મુખ્યત્વે ત્રણ બાબતો પર ધ્યાન કેન્દ્રિત કર્યું છે. આ ત્રણ બાબતોમાં ભારતની આકાંક્ષા, આર્થિક વિકાસ અને એકબીજાની સંભાળ રાખતો સમાજનો સમાવેશ થાયછે. ભારતની આકાંક્ષા હેઠળ, સરકાર કૃષિ ક્ષેત્ર અને ગ્રામીણ ભારતના સ્વચ્છ હવાપાણી અને શિક્ષણ પર ધ્યાન કેન્દ્રિત કરવા માંગે છે. આર્થિક વિકાસ હેઠળ કેન્દ્ર સરકાર નવા અર્થતંત્રમાં ઉદ્યોગ, રોકાણ અને માળખાગત સુવિધાઓ પર ધ્યાન કેન્દ્રિત કરવા માંગે છે. તે જ સમયે, સરકારના આ બજેટમાં ત્રીજું ધ્યાન તે છે કે બાળકો અને મહિલાઓના કલ્યાણથી લઈને હવામાન અને વાતાવરણ અંગે સઘન પગલાં ભરવામાં આવે. ચાલો આપણે જાણીએ નાણાં પ્રધાન નિર્મલા સીતારમણના આ બજેટની મુખ્ય વિશેષતાઓ શું છે.

માળખાકીય સુધારા: નાણાપ્રધાને બજેટ જણાવ્યું હતું કે GST લાગુ કર્યા બાદ ટ્રક દ્વારા માલ સપ્લાયમાં પહેલાં કરતાં 20 ટકાનો વધારો થયો છે. ઉપરાંત, GST લાગુ થયા પછી, દર મહિને અત્યાર સુધીમાં 4% ઘરેલું બજેટમાં બચત થઈ રહી છે. છેલ્લા 2 વર્ષમાં 60 લાખ નવા કરદાતાઓ ઉમેરવામાં આવ્યા છે અને 105 કરોડ ઇવે બિલો બનાવવામાં આવ્યા છે.

ડિજિટલ ક્રાંતિ: નાણા મંત્રીએ બજેટ ભાષણમાં જણાવ્યું હતું કે નાણાકીય વર્ષ 2018-19 દરમિયાન સીધા લાભ ટ્રાન્સફર દ્વારા 7 લાખ કરોડ રૂપિયાનું ટ્રાંજેક્શન થયું છે. સરકાર ઇચ્છે છે કે દેશમાં ડિજિટલ ગવર્નન્સ લાવવામાં આવે અને તે જ સમયે રાષ્ટ્રીય ઇન્ફ્રાસ્ટ્રકચરમાં સુધારો થાય. પેન્શન અને વીમા દ્વારા દેશમાં સામાજિક સુરક્ષા યોજનાઓની પહોંચમાં વધારો થાય. નાણાં પ્રધાને કહ્યું કે 'સબકા સાથ, સબકા વિકાસ અને સબકા વિશ્વાસ' અંતર્ગત આયુષ્માન ભારત, ઉજ્જવલા યોજના, સોલાર પાવર, ધિરાણ સપોર્ટ, પોસાય તેવા મકાનોને પેન્શન પર ધ્યાન કેન્દ્રિત કરાઈ રહ્યું છે.

નાણાકીય ક્ષેત્ર: કેન્દ્ર સરકાર નાણાકીય ક્ષેત્રે (Financial Sector)માં સૌથી મોટું એ પગલું ભર્યું કે બેન્કો ડૂબી ગયા પછી થાપણોનો ક્રેડિટ ડિપોઝિટ વીમો 1 લાખ રૂપિયા હતો, તેને વધારીને 5 લાખ રૂપિયા કરવામાં આવ્યો છે. આનો સીધો અર્થ એ છે કે જો તમારું જે ખાતું છે ત્યાંની બેંક ભવિષ્યમાં નાદાર થાય તો તમે તમારા ખાતામાં જમા કરાયેલ રકમની સુરક્ષા માટે 5 લાખ રૂપિયા મેળવી શકો છો. આ સિવાય, SARFAESEI એનબીએફસી સેક્ટરને (NBFC Sector)ને દેવાની રિકવરી માટે 100 કરોડ એસેટ સાઇઝ અથવા 50 લાખ રૂપિયા, લોનના આધારે દેવાની વસૂલાતમાં ફેરફાર કરવાની દરખાસ્ત છે. કેન્દ્ર સરકાર તેની બાકીનો હિસ્સો આઈડીબીઆઈ બેંકમાં વેચશે. કોર્પોરેટ બોન્ડમાં એફપીઆઈની મર્યાદા વધારીને 15 ટકા કરવામાં આવશે.

ટેક્સ વ્યવસ્થા :સરકારને આ બજેટમાં વિદેશી સરકારો અને સોવરિન વેલ્થ ફંડ (Sovereing Wealth Fund) અને અન્ય વિદેશી રોકારોના ટેક્સ પર છૂટ આપશે.. તબીબી ઉપકરણોની આયાત પર આરોગ્ય સેસ વસૂલવામાં આવશે. સરકારે ડિવિડન્ડ ડિસ્ટ્રિબ્યુશન ટેક્સ (DDT) ને પણ સંપૂર્ણપણે પાછો ખેંચી લીધો છે. આ સિવાય કેન્દ્ર સરકારે આવકવેરાના મોરચે 5 સ્લેબ બનાવ્યા છે, જેમાં વાર્ષિક આવક પર 5 લાખ રૂપિયા સુધીનો કર ચૂકવવો પડશે નહીં. રૂ. 5 લાખથી 7.5 લાખ રૂપિયાની આવક પર 10 ટકા અને 7.5 લાખથી લઈને 10 લાખ સુધીની આવક પર 10 ટકા, રૂ.10 લાખથી 12.5 લાખની આવક પ ર20 ટકા, રૂ. 12.4 લાખથી લઇને રૂ 15 લાખ સુધીની આવક પર 25 ટકા અને 12થી 15 લાખ રૂપિયાથી સુધીનીની આવક પર 25 ટકા અને 15 લાખથી વધુની 30 ટકા ટેક્સ આપવો પડશે

કૃષિ ક્ષેત્ર અને ગ્રામીણ વિકાસ: કેન્દ્ર સરકારે આ બજેટમાં ગામ અને ગરીબો પર વિશેષ ધ્યાન આપવાનો પ્રયાસ કર્યો છે. પ્રધાનમંત્રી કુસુમ યોજના અંતર્ગત 20 લાખ ખેડૂતોને સોલાર પંપની સુવિધા પુરી પાડવામાં આવશે. ઉપરાંત, 1.5 મિલિયન ગ્રુ કનેક્ટેડ પમ્પ પણ આપવામાં આવશે. રેલ્વે મંત્રાલય, કિસાન રેલ અને નાગરિક ઉડ્ડયન મંત્રાલય કૃષિ ઉડ્ડયન યોજના શરૂ કરશે, જેથી કૃષિ ઉત્પાદનોનો પૂરવઠો ઝડપથી પરિહવન થઈ શકે. સરકારે જાહેરાત કરી છે કે વર્ષ 2025 સુધીમાં દૂધ ઉત્પાદન પ્રક્રિયાની ક્ષમતા બમણી થઈ જશે. નાણાકીય વર્ષ 2020-21 હેઠળ કૃષિ ધિરાણનો લક્ષ્યાંક રૂપિયા 15 લાખ કરોડ રાખવામાં આવ્યો છે. વડા પ્રધાન જન આરોગ્ય યોજના અંતર્ગત 20 હજાર હોસ્પિટલો ઉમેરવામાં આવશે. દેશમાં ટીબી નાથી દેવામાં આવશે, દેશ જીતશે, આ અભિયાન અંતર્ગત 2025 સુધીમાં પૂર્ણ થશે. 2024 સુધીમાં દરેક જિલ્લામાં જન ઔષધિ કેન્દ્ર ખોલવામાં આવશે.શિક્ષણ ક્ષેત્ર અને સ્કિલ ડેવલપમેન્ટ :આ વખતે કેન્દ્ર સરકારે શિક્ષણ બજેટ માટે 99,300 કરોડ રૂપિયા ફાળવ્યા છે. આ સાથે જ સરકારે કૌશલ્ય વિકાસ યોજના માટે 3 હજાર કરોડ આપવાની જાહેરાત કરી છે. સરકારે કહ્યું કે દેશની 150 ઉચ્ચ શૈક્ષણિક સંસ્થાઓમાં એપ્રેન્ટિસશીપનો અભ્યાસક્રમો શરૂ કરવામાં આવશે. શહેરી સ્થાનિક સંસ્થાઓ નવા ઇજનેરોને ઇન્ટર્નશિપ આપશે. રોજગાર મેળવનારા લોકોને કેટલીક વિશેષ સ્કિલ શીખવવામાં પણ મદદ મળશે. સમાજના પછાત વર્ગના વિદ્યાર્થીઓ માટે, કેન્દ્ર સરકાર ડિગ્રી સ્તરનો ઓનલાઇન શિક્ષણ કાર્યક્રમ શરૂ કરશે. આ ઉપરાંત, સ્ટડી ઇન ઇન્ડિયા કાર્યક્રમ અંતર્ગત એશિયા અને આફ્રિકામાં Ind-SATની સુવિધા પ્રદાન કરશે.

ઉદ્યોગ અને રોકાણ: નાણાં પ્રધાન નિર્મલા સીતારામણે જાહેરાત કરી છે કે કેન્દ્ર સરકાર મોબાઇલ ફોન, ઇલેક્ટ્રોનિક ઉપકરણો અને સેમિ-કંડક્ટરના ઉત્પાદન માટે વિશેષ પેકેજ લાવશે. એમ.એસ.એમ.ઇ. ક્ષેત્ર માટે ઇનવૉઇસ ફાઇનાન્સિંગ સુવિધા વધારવામાં આવી છે.

ઇન્ફ્રાસ્ટ્રક્ચર: ઇન્ફ્રાસ્ટ્રક્ચર મોરચે નાણાં પ્રધાને જાહેરાત કરી કે રાષ્ટ્રીય લોજિસ્ટિક્સ નીતિ દેશભરમાં લાગુ કરવામાં આવશે. રાજમાર્ગોના વિકાસની ગતિ ઝડપી કરવામાં આવશે. રેલ્વે અંતર્ગત 4 સ્ટેશનોના પુનર્વિકાસનું કામ પૂર્ણ થશે અને પીપીપી મોડેલ અંતર્ગત 150 નવી ટ્રેનો દોડાવવામાં આવશે. ફ્લાઇટ સ્કીમ અંતર્ગત 100 નવા એરપોર્ટ બનાવવામાં આવશે. નેશનલ ઈન્ફ્રાસ્ટ્રક્ચર પાઇપલાઇન પ્રોજેક્ટ પર 102 લાખ કરોડ રૂપિયા ખર્ચ કરવામાં આવશે.



આ પણ વાંચો :
First published: February 1, 2020, 6:47 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading