ભારત માટે હાલમાં જ twitter દ્વારા નિયુક્ત કરેલા ફરિયાદ અધિકારીએ આપ્યું રાજીનામું! શું છે પુરો મામલો

પ્રતિકાત્મક તસવીર

દેશના નવા આઇટી નિયમોનું પાલન ન કરી ઇરાદાપૂર્વક તેની અવગણના કરવા અને આ મામલે નિષ્ફળતા માટે સરકારે ટ્વિટરની ટીકા કરી છે.

  • Share this:
    નવી દિલ્હી : ભારત માટે તાજેતરમાં twitter દ્વારા નિયુક્ત કરવામાં આવેલા ફરિયાદ અધિકારીએ માઇક્રો બ્લોગિંગ સાઇટ છોડી દીધી છે. આઇટીના નવા નિયમો હેઠળ, ભારતીય ગ્રાહકોની ફરિયાદોને દૂર કરવા માટે ફરિયાદ અધિકારી હોવું ફરજિયાત છે. સૂત્રો પાસેથી પ્રાપ્ત માહિતી અનુસાર, ભારત માટેના નવ નિયુક્ત ફરિયાદ અધિકારી ધર્મેન્દ્ર ચતુરે તેમના પદ પરથી રાજીનામું આપી દીધું છે. ત્યારે, હવે તેમનું નામ સોશિયલ મીડિયા કંપનીની વેબસાઇટ પર દેખાઈ રહ્યું નથી. આ ઇન્ફર્મેશન ટેકનોલોજી (મધ્યવર્તી માર્ગદર્શિકાઓ અને ડિજિટલ મીડિયા આચાર સંહિતા) નિયમો 2021 હેઠળ આવશ્યક છે. ટ્વિટરએ આ અંગે કોઈ ટિપ્પણી કરવાનો ઇનકાર કર્યો છે. આ રાજીનામું એવા સમયે આવ્યું છે જ્યારે માઇક્રો બ્લોગિંગ પ્લેટફોર્મ સોશિયલ મીડિયાના નવા નિયમોને લઈને ભારત સરકાર સાથે સંઘર્ષ ચાલી રહ્યો છે.

    નવા આઇટી નિયમનું પાલન ન કરવા બદલ ઠપકો મળ્યો હતો

    દેશના નવા આઇટી નિયમોનું પાલન ન કરી ઇરાદાપૂર્વક તેની અવગણના કરવા અને આ મામલે નિષ્ફળતા માટે સરકારે ટ્વિટરની ટીકા કરી છે. 25 મે, 2021ના ​​રોજ અમલમાં આવેલા નવા નિયમોમાં સોશિયલ મીડિયા કંપનીઓને યુઝર્સ અથવા પીડિતોની ફરિયાદોને દૂર કરવા માટે ફરિયાદ નિવારણ પદ્ધતિ ઉભી કરવાની ફરજ પાડે છે. 50 લાખથી વધુ યુઝર ધરાવતી તમામ મહત્વપૂર્ણ સોશિયલ મીડિયા કંપનીઓએ આવી ફરિયાદોના સમાધાન માટે, અધિકારીઓના નામ અને સંપર્કની વિગતો શેર કરવા માટે ફરિયાદ અધિકારીની નિમણૂક કરશે.

    આ પણ વાંચોVIDEO: જુઓ કળિયુગમાં સ્વયંવર ક્યાં થયો, જેમણે શિવનો ધનુષ તોડ્યો અને કેવી રીતે માળા ફેંકી

    નવા નિયમો હેઠળ જુઓ શું છે માર્ગદર્શિકા

    મોટી સોશિયલ મીડિયા કંપનીઓએ મુખ્ય અનુપાલન અધિકારી, એક નોડલ સંપર્ક વ્યક્તિ અને એક નિવાસી ફરિયાદ અધિકારીની નિમણૂક કરવાની રહેશે. તે બધા ભારતમાં રહેવા જોઈએ. ટ્વિટરે 5 જૂન, 2021ના ​​રોજ સરકારે જાહેર કરેલી અંતિમ નોટિસના જવાબમાં, કહ્યું હતું કે, તે નવા આઇટી નિયમોનું પાલન કરવાનો ઈરાદો રાખે છે અને ચીફ કમ્પ્લાયન્સ ઓફિસરની વિગતો શેર કરશે.

    આ પણ વાંચોઆ ફંડમાં 9 જુલાઈ સુધી લગાવી શકો છો પૈસા, માત્ર 5000 લગાવીને બનો લખપતિ

    આ દરમિયાન, માઇક્રોબ્લોગિંગ પ્લેટફોર્મ દ્વારા ધર્મેન્દ્ર ચતુરની ભારત માટે ફરિયાદી અધિકારી તરીકે નિયુક્ત કરવામાં આવી હતી. ટ્વિટર હવે ભારત માટે ફરિયાદ અધિકારીની જગ્યાએ યુએસનું સરનામું અને ઇમેઇલ આઈડી સાથે કંપનીનું નામ પ્રદર્શિત કરી રહ્યું છે. સરકારી અધિકારીના જણાવ્યા અનુસાર, કંપનીએ એક મધ્યસ્થ તરીકે કાયદાકીય રક્ષણ ગુમાવી દીધુ છે અને પ્લેટફોર્મ પર તેના વપરાશકર્તાઓ દ્વારા પોસ્ટ કરેલી બધી સામગ્રી માટે કાનૂની રીતે જવાબદાર રહેશે.
    Published by:kiran mehta
    First published: