RIL AGM 2021: Jio Phone Next લોન્ચ કરવાની સાથે રિલાયન્સ AGMમાં થઈ 10 મોટી જાહેરાતો, જાણો શું છે ખાસ

RIL AGM 2021: Jio Phone Next  લોન્ચ કરવાની સાથે રિલાયન્સ AGMમાં થઈ 10 મોટી જાહેરાતો, જાણો શું છે ખાસ
રિલાયન્સ એજીએમ ફાઈલ તસવીર

Top 10 Announcements in RIL AGM: મુકેશ અંબાણીએ તેમણે કોરોનાકાળમાં કંપનીની મોટી ઉપલબ્ધીઓ ગણાવી હતી. આ ઉપરાંત તેમણે ગૂગલ સાથે મળીને જીયોનો નવો 4જી જીયો ફોન નેક્સ્ટ ફોન લોન્ચ કરવાની જાહેરાત કરી છે.

  • Share this:
    નવી દિલ્હીઃ RIL AGM 2021: રિલાયન્સ ઈન્ડસ્ટ્રીઝની 44મી એન્યુઆલ જનરલ મીટિંગ (AGM)માં અનેક મોટી અને ખાસ જાહેરાતો કરવામાં આવી છે કંપનીની ચેરમેન મુકેશ અંબાણીએ (Chairman Mukesh Ambani) એજીએમને સંબોધિત કરી. આ દરમિયાને તેમણે કોરોનાકાળમાં (coronavirus time) કંપનીની મોટી ઉપલબ્ધીઓ ગણાવી હતી. આ ઉપરાંત તેમણે ગૂગલ (Google) સાથે મળીને જીયોનો નવો 4જી જીયો ફોન નેક્સ્ટ ફોન લોન્ચ કરવાની જાહેરાત કરી છે. તો ચાલો જાણીએ એજીએમમાં થયેલી 10 મોટી જાહેરાતો (Top 10 Announcements in RIL AGM) વિશે.

    1- 4જી ફોનની જાહેરાતઃ રિલાયન્સે પોતાની એજીએમમાં જાહેરાત કરતા જીયોનો નવો જિયો ફોન નેક્સ્ટ લોન્ચ (Jio Phone Next) કરવાની જાહેરાત કરી છે. આ ગૂગલ સાથે મળીને તૈયાર કરવામાં આવ્યો છે. આ ફોનને લોન્ચ કરતા ગૂગલના સીઈઓ સુંદર પિચાઈએ કહ્યું કે આ ફોનની ઈન્ટરનેટ સ્પીડ સારી હશે. કંપનીનો આ સસ્તો સ્માર્ટફોન ગણેશ ચતુર્થીના દિવસે 10 સપ્ટેમ્બરથી બજારમાં ઉપલબ્ધ થશે.



    2- 75,000 નવી નોકરીઓ આપીઃ- મુકેશ અંબાણીએ કહ્યું કે રિલાયન્સ છેલ્લા 1 વર્ષમાં 75,000 નવી નોકરીઓ આપી છે. પ્રાઈવેટ સેક્ટરમાં રિલાન્યસ દેશની સૌથી મોટી કસ્ટમ અને એક્સાઈઝ ડ્યૂટી કરનારી કંપની છે. અણે દેશમાં સૌથી મોટા merchandise exporter છીએ. અમે દેશમાં સૌથી મોટા GST, VAT અને ઈન્કમટેક્સ આપીએ છીએ.

    આ પણ વાંચોઃ-Reliance AGM: 10માંથી 1 કોરોના દર્દીને રિલાયન્સ ઈન્ડસ્ટ્રીઝમાં બનેલો ઓક્સીજન મફત મળ્યોઃ નીતા અંબાણી

    3- કસોલિડેટેડ રેવેન્યૂ આશરે 5,40,000 કરોડઃ- મુકેશ અંબાણીએ કહ્યું કે છેલ્લા 1 વર્ષમાં 3.24 લાખ કરોડ રૂપિયા ઈક્વિટી કેપિટલ એકઠું કર્યું છે. એમાં ખાસ વાત એ છે કે અમારા રિટેલ શેરહોલ્ડર્સનો રાઇટ્સ ઇશ્યૂથી 4 ગણું રિટર્ન મળ્યું છે. તેમણે કહ્યું કે રિલાયન્સનો કંસોલિડેટેડ રેવેન્યૂ આશરે 5,40,000 કરોડ રૂપિયા છે. અમારા કંઝ્યુમર બિઝનેસ ખૂબ જ ઝડપથી વધ્યો છે.

    4- બિઝનેસ અને ફાઈનાન્સ અપેક્ષા કરતા વધારે વધીઃ- મુકેશ અંબાણીએ કહ્યું કે ગત એજીએમથી અત્યાર સુધી અમારા બિઝનેસ અને ફાઈનાન્સ અપેક્ષા કરતા વધારે વધ્યા છે. પરંતુ અમે સૌથી વધારે ખુશી એ વાતની છે કે અમને આ મુશ્કીલ સમયમાં માનવતાની સેવા માટે અનેક પ્રયત્નો કર્યા છે. રિલાયન્સ પરિવારને કોરોનાના સમયમાં સારું કામ આપ્યું છે. જેનાથી અમારા ફાઉન્ડિંગ ચેરમેન ધીરુભાઈ અંબાણી આપણા ઉપર ગર્વ કરતા હશે.

    આ પણ વાંચોઃ-Reliance AGM 2021: મુકેશ અંબાણીએ સાઉદી અમારકોના ચેરમેનને રિલાયન્સ બોર્ડમાં શામેલ કર્યા

    5- ગ્રીન એનર્જી પ્લાનઃ- મુકેશ અંબાણીની કંપનીએ ગ્રીન એનર્જી પ્લાનની જાહેરાત કરી. જામનગરમાં 5000 એકરમાં ધીરુભાઈ અંબાણી ગ્રીન એનર્જી ગીગા કોમ્પ્લેક્સ વિકસિત કરવાનું કામ શરું કરી દીધું છે. આ બિઝનેસમાં 60,000 કરોડ રૂપિયાનું રોકાણ કરવામાં આવશે.

    6- ગ્લોબલ થશે રિલાયન્સઃ- આ ઉરાંત મુકેશ અંબાણીએ એજીએમમાં રિલાયન્સ ઈન્ડસ્ટ્રીઝને ગ્લોબલ થવાની જાહેરાત કરી છે. તેમણે કહ્યું કે તેમના ગ્લોબલ પ્લાન્સની જાહેરાત આવનારા સમયમાં કરવામાં આવશે. તેમણે કહ્યું કે સાઉદી અરામકોના યાસિર અલ રુમાયનને રિલાયન્સના બોર્ડમાં સામેલ કરવામાં આવ્યા છે. આ તેમની ગ્લોબલ બનવાની શરુઆત છે.

    આ પણ વાંચોઃ-RIL AGM 2021: કોરોના વોરિયર્સની ઇશા અને આકાશે કરી પ્રશંસા, કહ્યું- દાદાજી સાથે હોત તો બધા પર ગર્વ કરતા

    7- મુકેશ અંબાણીએ કહ્યું કે આ વર્ષે કંપનીને આશા છે કે સાઉદી અરામકોની સાથે થયેલા સોદો આ વર્ષે ઓપરેશનલાઈઝ થઈ જાય.

    8- રિલાયન્સ વેલ્યૂ ચેન પાર્ટનરશિપ અને ફ્યૂચર ટેક્નોલોજીજ ઉપર 15,000 કરોડ રૂપિયાનું રોકાણ કરશેઃ મુકેશ અંબાણી

    આ પણ વાંચોઃ-Reliance Jioએ ગૂગલ સાથે મળીને લોન્ચ કર્યો અલ્ટ્રા અફોર્ડેબલ 4જી સ્માર્ટફોન, ગણેશ ચતુર્થીથી ખરીદી શકાશે

    9- નવો એનર્જી બિઝનેસઃ- 2021માં અમે દેશ અને દુનિયામાં ગ્રીન એનર્જી ડિવાઈઝને વેચવા માટે નવા એનર્જી બિઝનેશ લોન્ચ કરી રહ્યા છીએ. અમે રિલાયન્સ એનર્જી કાઉન્સિલ બનાવ્યા છે. કંપની 100 ગીગાવોટ સોલર એનર્જી બનાવશેઃ મુકેશ અંબાણી



    10- કોરોનાવાયરસ સંક્રમણ છતાં જિયોનું પરફોર્મન્સ સારું રહ્યું છે. જિયો પહેલી એવી કંપની બની છે જે ચીનને છોડી દઈએ તો કોઈ એક દેશમાં 40 કરોડથી વધારે સબ્સક્રાઈબ છે. આ કારણે જીયો આજ દુનિયાની સૌથી મોટી મોબાઈલ ડાટા હેન્ડલ કરનારી કંપની બની ગઈ છે.
    Published by:ankit patel
    First published:June 24, 2021, 17:11 IST

    ટૉપ ન્યૂઝ