5G લીડર તરીકે ભારતને સ્થાપિત કરવા સ્પેક્ટ્રમની કિંમતોનો  વિચાર કરવો પડશેઃJIO

"ભારતને 5જીમાં લીડર તરીકે સ્થાપિત કરવા 5જી સ્પેક્ટ્રમની કિંમત પર ગંભીરપણે વિચાર કરવો પડશે અને ઊંચી કિંમતોથી 5જીને નકારાત્મક અસર થશે"

News18 Gujarati
Updated: October 14, 2019, 7:31 PM IST
5G લીડર તરીકે ભારતને સ્થાપિત કરવા સ્પેક્ટ્રમની કિંમતોનો  વિચાર કરવો પડશેઃJIO
પ્રતિકાત્મક તસવીર
News18 Gujarati
Updated: October 14, 2019, 7:31 PM IST
રિલાયન્સ જિયોએ (Reliance Jio) સોમવારે જણાવ્યું હતું કે, સરકારે 5જી સ્પેક્ટ્રમની (5G spectrum) સમયસર ઉપલબ્ધતા માટે સ્પષ્ટ રોડમેપ (Roadmap) નક્કી કરવાની જરૂર છે તેમજ 5જી રેડિયોતરંગોની કિંમતોનો મહત્ત્વપૂર્ણ રીતે વિચાર કરવાની જરૂર પડશે.

ઇન્ડિયા મોબાઇલ કૉંગ્રેસ (India Mobile Congress), 2019માં રિલાયન્સ જિયો ઇન્ફોકોમ (Reliance Jio Infocom)નાં બોર્ડનાં સભ્ય મહેન્દ્ર નાહટા (Mahendra Nahta)એ કહ્યું હતું કે, "સરકારને સ્પેક્ટ્રમ સમયસર ઉપલબ્ધ કરાવવા માટે સ્પષ્ટ રોડમેપ નક્કી કરવાની જરૂર પડશે. સ્પેક્ટ્રમ હરાજીનાં લાંબા વિલંબનો અંત લાવવો પડશે. ઉપરાંત છેલ્લી હરાજી દરમિયાન સ્પષ્ટ કિંમતો પર બે હરાજીઓ વચ્ચે ઉદ્યોગને સ્પેક્ટ્રમ સતત ઉપલબ્ધ કરાવવા પડશે."

તેમણે ઉમેર્યું હતું કે, ભારતને 5જીમાં લીડર તરીકે સ્થાપિત કરવા 5જી સ્પેક્ટ્રમની કિંમત પર ગંભીરપણે વિચાર કરવો પડશે અને ઊંચી કિંમતોથી 5જીને નકારાત્મક અસર થશે. સરકારે સંપૂર્ણ ટેલીકોમ ક્ષેત્રનો વિચાર કરવાની જરૂર પડશે.

તેમણે જણાવ્યું હતું કે, ઉચિત નીતિગત પગલાં દ્વારા સર્વિસ પ્રોવાઇડર્સની સાથે એપ ડેવલપર્સ, એપ્લિકેશન સર્વિસ પ્રોવાઇડર્સ, નેટવર્ક ઇક્વિપમેન્ટ ઉત્પાદકો અને હેન્ડસેટ ઉત્પાદકોને પણ પ્રોત્સાહન આપવાની જરૂર પડશે.

 
First published: October 14, 2019
વધુ વાંચો
Loading...
अगली ख़बर
Loading...