Tips & Tricks: Amazonમાં કેવી રીતે ડિજિટલ ગોલ્ડનું ખરીદ-વેચાણ કરવું, જાણો સમગ્ર પ્રોસેસ

નવી દિલ્હી. દુનિયાની દિગ્ગજ ઈ-કોમર્સ કંપની એમેઝોન (Amazon)ની ફાઇનાન્શિયલ સર્વિસ કંપની એમેઝોન પે (Amazon Pay)એ ગત વર્ષે 'ગોલ્ડ વોલ્ટ' (Gold Vault) ફીચર લોન્ચ કર્યું હતું. આ ફીચરથી એમેઝોનના ગ્રાહકો ગમે ત્યારે ગોલ્ડને ડીજીટલી ખરીદી કે વેચી શકે છે. ગોલ્ડ વોલ્ટ ફીચર માટે એમેઝોને સેફગોલ્ડ (SafeGold) સાથે પાર્ટનરશીપ કરી છે. યુઝર્સ ગોલ્ડ વોલ્ટ દ્વારા ઓછામાં ઓછા 5 રૂપિયાનું ડિજિટલ ગોલ્ડ ખરીદી શકે છે.

કેવી રીતે એમેઝોન પરથી ગોલ્ડ ખરીદવું?

- એમેઝોન એપ પર Amazon Pay પેજ પર ગોલ્ડ વોલ્ટ આઇકન પર ક્લિક કરો.
- હવે તમારી સામે ગોલ્ડની વર્તમાન કિંમત સાથે ગોલ્ડ ખરીદવા અને વેચવાનો ઓપ્શન હશે.
- જેટલું ગોલ્ડ ખરીદવાનું હોય, તેટલું અમાઉન્ટ નાંખો.
- હવે 'પ્રોસીડ ટુ બાય' પર ક્લિક કરીને પેમેન્ટ કરો. પેમેન્ટ તરીકે એમેઝોન પે બેલેન્સ, ક્રેડિટ કાર્ડ, ડેબિટ કાર્ડ, નેટ બેંકિંગ અને UPI સિલેક્ટ કરીને પેમેન્ટ પૂરું કરો.
- હવે તમારા વોલેટમાં ગોલ્ડ આવી જશે.

આ પણ વાંચો, રાતોરાત લખપતિ બનાવી શકે છે આ 50 પૈસાનો સિક્કો, જાણો કેવી રીતે અને ક્યાં વેચશો

એમેઝોન દ્વારા કેવી રીતે ગોલ્ડ સેલ કરવું?

- તમે ખરીદેલા ડિજિટલ ગોલ્ડના વેચાણ માટે Amazon Pay પેજમાં ગોલ્ડ વોલ્ટ આઇકન પર ક્લિક કરવાનું રહેશે.
- હવે અહીં 'સેલ ગોલ્ડ'નો ઓપ્શન સિલેક્ટ કરવાનો રહેશે.
- ગોલ્ડ વેચવા પર તેનું પેમેન્ટ પોતાની ચોઈસની UPI ID પર લઇ શકે છે.
2017માં પેટીએમએ શરુ કર્યું હતું ડિજિટલ ગોલ્ડનું ખરીદ-વેચાણ

આ પણ વાંચો, Gold Price Today: 9000 રૂપિયા સસ્તું સોનું ખરીદવાની તક! આજે પણ કિંમતોમાં નરમાઈ

ઉલ્લેખનીય છે કે, પેટીએમ અને ફોનપે બંનેએ 2017માં પોતાના પ્લેટફોર્મ પર ડિજિટલ ગોલ્ડ શરુ કર્યું હતું. જ્યારે ગુરુગ્રામ સ્થિત મોબીક્વિકે 2018માં આ સુવિધા લોન્ચ કરી હતી. જ્યારે ગૂગલ પેએ એપ્રિલ 2019માં યુઝર્સને ડિજિટલ ગોલ્ડમાં રોકાણ કરવાની અનુમતિ આપી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Amzon Pay, Digital Gold, Gold Investment, Gold price today, Google pay, Paytm, Profit, અમેઝોન