ક્રેડિટ કાર્ડ અને UPI વાપરો છો તો આ ફીચર ખૂબ કામનું, રોકડા વગર કામ નહિ અટકે

નવી દિલ્હીઃ બદલાતા સમય સાથે ક્રેડિટ કાર્ડનો (Credit Card) ઉપયોગ વધી રહ્યો છે. લોકોને ક્રેડિટ કાર્ડ (Credit Card) દ્વારા પેમેન્ટ કરવામાં ઘણી સગવડ મળે છે. ક્રેડિટ કાર્ડના (Credit Card) ઉપયોગથી ઘણા બધા રિવર્ડ્સ પણ મળે છે. આ રિવર્ડ્સની મદદથી લોકોને ઘણી રાહત પણ મળે છે. આ રિવોર્ડ્સમાં કેશબેક, ડિસ્કાઉન્ટ વગેરેનો સમાવેશ થાય છે. ઘણા લોકો UPI દ્વારા ચૂકવણી કરવાનું પણ પસંદ કરે છે. જોકે, હવે યુઝર્સને ક્રેડિટ કાર્ડ અને UPI બંનેનો લાભ મળવા જઈ રહ્યો છે.

ક્રેડિટ કાર્ડથી ચુકવણી

ખરેખર, ક્રેડિટ કાર્ડ ધારકો ટૂંક સમયમાં યુનાઇટેડ પેમેન્ટ્સ ઇન્ટરફેસ (UPI) દ્વારા માલ અને સેવાઓ માટે ચૂકવણી કરી શકશે. અત્યાર સુધી UPI યુઝર્સને તેમના બેંક ખાતા દ્વારા જ પેમેન્ટ કરવાની છૂટ હતી. ક્રેડિટ કાર્ડ દ્વારા UPI ચુકવણીઓ ફક્ત રેઝરપે પેમેન્ટ્સ ગેટવેનો ઉપયોગ કરીને વેપારીઓ કરી શકશે. તેનાથી તેનું પ્લેટફોર્મ UPI પર ક્રેડિટ કાર્ડ ટ્રાન્ઝેક્શનને સક્ષમ કરશે.

આ પણ વાંચોઃ ટાટાના ત્રણ શક્તિશાળી સ્ટોક્સ 52 સપ્તાહના હાઈની નીચે, જાણો શું છે એક્સપર્ટનો મત

ક્રેડિટ કાર્ડ અને UPI

રેઝરપેએ જણાવ્યું હતું કે, NCPI (National Payments Corporation of India) ફીચરને અપનાવવા માટે તે પ્રથમ પેમેન્ટ ગેટવે છે, જે યુઝર્સને તેમના RuPay ક્રેડિટ કાર્ડને UPI સાથે લિંક કરવાની મંજૂરી આપે છે. રેઝરપે કહે છે કે આ ઓફર નેશનલ પેમેન્ટ્સ કોર્પોરેશન ઓફ ઈન્ડિયા (NPCI) અને રિઝર્વ બેન્ક ઓફ ઈન્ડિયા (RBI) દ્વારા ડિજિટલ સ્પેસમાં નવીનતમ સંશોધનોને અનુરૂપ છે.

ચુકવણીની શરૂઆત

Razorpayએ માહિતી આપી હતી કે, હવે UPI પર RuPay ક્રેડિટ કાર્ડ્સ સક્ષમ થવાની સાથે Razorpay વેપારીઓને તેમના હાલના સેટઅપમાં ન્યૂનતમ ફેરફારો સાથે UPI પર ક્રેડિટ કાર્ડથી ચુકવણી સ્વીકારવાનું શરૂ કરી શકે છે. એક્સિસ બેંક સાથેની ભાગીદારીમાં આ શક્ય બન્યું છે. તે જ સમયે, HDFC બેંક, પંજાબ નેશનલ બેંક, યુનિયન બેંક અને ઇન્ડિયન બેંકના ગ્રાહકો સૌથી પહેલા આનો લાભ લેશે.

આ પણ વાંચોઃ રોજના 67 રૂપિયાનું રોકાણ કરો અને મેળવો 70 લાખનું વળતર, અહીં જાણો રોકાણની પૂરી Method

હવે ક્રેડિટ કાર્ડ સાથે રાખવાની જરૂર નથી

ક્રેડિટ કાર્ડને UPI સાથે લિંક કરવાથી એ સુનિશ્ચિત થશે કે ગ્રાહકોને પેમેન્ટ કરવા માટે હંમેશા તેમના ક્રેડિટ કાર્ડ સાથે રાખવાની જરૂર નથી. આનાથી ક્રેડિટ કાર્ડની ચોરી અથવા ખોવાઈ જવાનું જોખમ ઘટે છે અને સ્વાઇપિંગ મશીનો પર ગ્રાહકની સંવેદનશીલ માહિતીને સ્કિમિંગ અથવા કોપી કરવાની સંભાવનાને દૂર કરીને ગ્રાહકો માટે સુરક્ષા વધારે છે.

આટલી લેવડ દેવડ થાય છે

આરબીઆઈના ડેટા અનુસાર છેલ્લા ત્રણ વર્ષમાં ક્રેડિટ કાર્ડ ઈન્ડસ્ટ્રીમાં 30 ટકાનો વધારો થયો છે. જોકે માત્ર 6 ટકા ભારતીયો જ ક્રેડિટ કાર્ડનો ઉપયોગ કરે છે. માત્ર UPI દ્વારા જ ઓક્ટોબર 2022માં 731 કરોડથી વધુ ટ્રાન્ઝેક્શન નોંધાયા છે, જેનો ઉપયોગ 40%થી વધુ ભારતીયો દ્વારા કરવામાં આવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Credit Cards, Upi યુપીઆઈ