Home /News /business /

Super Multibagger stock : આ શેરે રોકાણકારોને કર્યા માલામાલ, 1 લાખના બનાવ્યા 17 લાખ

Super Multibagger stock : આ શેરે રોકાણકારોને કર્યા માલામાલ, 1 લાખના બનાવ્યા 17 લાખ

આ શેરે રોકાણકારોને કર્યા માલામાલ

Multibagger stocksની યાદીમાં સેજલ ગ્લાસના (Sezal Glass Share) શેરનું નામ પણ સામેલ છે. છ મહિનામાં સ્ટોક 1,700 ટકા વધ્યો છે. આ સમયગાળા દરમિયાન નિફ્ટી 10.70 ટકા અને BSE સેન્સેક્સ 10.85 ટકા તૂટ્યો છે.

    Multibagger stock : છેલ્લા કેટલાક મહિનાઓથી શેરબજારમાં મંદી જોવા મળી રહી છે. વર્ષ 2022ની શરૂઆતમાં શેરબજારમાં સારી તેજી જોવા મળી હતી, પરંતુ તે ટકી શકી ન હતી. રશિયા-યુક્રેન યુદ્ધના કારણે બદલાયેલી વૈશ્વિક પરિસ્થિતિઓ અને ફુગાવાના વધારાએ શેરબજારના વિકાસને બ્રેક મારી છે. જો કે, બજારમાં ઘટાડો થયો હોવા છતાં, કેટલાક શેરો હજુ પણ સારું વળતર આપી રહ્યા છે. નાણાકીય વર્ષ 2022 ના ચોથા ક્વાર્ટરમાં, 90 શેરોએ મલ્ટિબેગર રિટર્ન આપ્યું છે.

    આ 90 મલ્ટિબેગર સ્ટોક્સમાં (Multibagger stock) સેજલ ગ્લાસનું નામ પણ સામેલ છે. આ સ્મોલ કેપ શેરે છેલ્લા છ મહિનામાં તેના રોકાણકારો માટે સારો દેખાવ કર્યો છે. સેજલ ગ્લાસનું વર્તમાન માર્કેટ કેપ રૂ. 250 કરોડ છે. બુધવારે આ શેરનું ટ્રેડ વોલ્યુમ 1615 હતું. આમ, તે લો ફ્લોટ સ્ટોક છે. સેજલ ગ્લાસ સ્ટોકનો 52-સપ્તાહનો ઉચ્ચતમ ભાવ રૂ. 515 છે અને 52-સપ્તાહનો નીચો રૂ. 13 છે.

    આ પણ વાંચો -Crypto Marketના રોકાણકારો થયા રડતાં, એક મોટો કોઇન 99% તૂટ્યો, 1 લાખના થયા 4 હજાર

    છેલ્લા ઘણા દિવસોથી સેજલ ગ્લાસના સ્ટોક પર સેલિંગનું વર્ચસ્વ છે. છેલ્લા એક મહિનામાં સ્ટોક લગભગ 40 ટકા ઘટ્યો છે. એક મહિનામાં તે 399 રૂપિયાના સ્તરથી 245 રૂપિયાના સ્તરે પહોંચી ગયો છે. વર્ષ 2022માં અત્યાર સુધીમાં આ શેરમાં 850 ટકાનો ઉછાળો આવ્યો છે. એક વર્ષમાં, આ શેરે તેના રોકાણકારોને 1,665 ટકા મલ્ટિબેગર વળતર આપ્યું છે. તેવી જ રીતે આ શેરે છ મહિનામાં 1700 ટકા વળતર આપ્યું છે. છ મહિના પહેલા આ શેરની કિંમત ₹13.65 હતી, જે હવે વધીને ₹244.90 (Sezal Glass Share Price) થઈ ગઈ છે.

    જો છેલ્લા છ મહિનાની વાત કરીએ તો સેજલ ગ્લાસના સ્ટોકે જોરદાર નફો આપ્યો છે. નિફ્ટીએ આ સમયગાળા દરમિયાન કોઈ વળતર આપ્યું નથી અને તે 10.70 ટકા ઘટ્યો છે. તેવી જ રીતે, આ સમયગાળા દરમિયાન BSE સેન્સેક્સમાં 10.85 ટકા અને BSE સ્મોલ કેપ ઇન્ડેક્સમાં 12.75 ટકાનો ઘટાડો થયો છે. એ જ રીતે મિડ કેપ ઇન્ડેક્સ પણ છ મહિનામાં 16 ટકા ઘટ્યો છે.

    આ પણ વાંચો -LIC IPO : આજે રોકાણકારોને શેરની ફાળવણી કરાશે, ઘરે બેઠા સરળતાથી ચેક કરો તમને શેર લાગ્યા કે નહીં

    એક લાખના 17 લાખ કર્યા


    જો કોઈ રોકાણકારે છ મહિના પહેલા સેજલ ગ્લાસમાં એક લાખ રૂપિયાનું રોકાણ કર્યું હતું અને તે રોકાણ જાળવી રાખ્યું હતું, તો આજે તેણે એક લાખ રૂપિયાને 1,794,137 રૂપિયામાં ફેરવ્યા છે. તેવી જ રીતે, જો કોઈ રોકાણકારે વર્ષ 2022ની શરૂઆતમાં આ શેરમાં એક લાખ રૂપિયાનું રોકાણ કર્યું હતું અને તેનું રોકાણ જાળવી રાખ્યું હતું, તો આજે તેના નાણાં વધીને 960,252 રૂપિયા થઈ ગયા છે.

    (Disclaimer: અહીં દર્શાવેલ સ્ટોક્સ બ્રોકરેજ હાઉસની સલાહ પર આધારિત છે. જો તમે રોકાણ કરવા માંગતા હો, તો કૃપા કરીને પહેલા કોઈ પ્રમાણિત રોકાણ સલાહકારની સલાહ લો. તમારા દ્વારા થતા કોઈપણ નફા કે નુકસાન માટે News18 જવાબદાર રહેશે નહીં.)
    Published by:Bhavyata Gadkari
    First published:

    Tags: Indian Stock Market, Multibagger Stock, Stock market Tips

    આગામી સમાચાર