1 શેર પર 67 રૂપિયા ડિવિડન્ડ આપશે આ કંપની, જાહેર કરી રેકોર્ડ ડેટ

નવી દિલ્હીઃ શેરબજારમાં કોઈ પણ કંપની માટે ફન્ડામેન્ટલ્સ જો યોગ્ય હોય તો, એક્સપર્ટ તે કંપનીને લાંબા સમય માટે હોલ્ડ કરવાની સલાહ આપે છે. કારણ કે, સમયની સાથે આવી કંપનીઓ રોકાણકારોને સારું વળતર , ડિવિડન્ડ, બોનસ વગેરે આપે છે. આવી જ એક કંપની ટીવી ટૂડે નેટવર્ક છે. કંપનીએ તેના રોકાણકારોને 67 રૂપિયાનું ડિવિડન્ડ આપવાનો નિર્ણય કર્યો છે. જાણકારી અનુસાર, કંપનીના શેરનો ભાવ 290 રૂપિયાથી પણ ઓછો છે.

ક્યારે છે રેકોર્ડ ડેટ?

સ્ટોક એક્સચેન્જને આપવામાં આવેલી જાણકારીમાં ટીવી ટૂડે નેટવર્કે કહ્યું કે, ‘5 રૂપિયાના ફેસ વેલ્યૂવાળા શેરો પર બોર્ડે 67 રૂપિયાનું ડિવિડન્ડ આપવાનો નિર્ણય કર્યો છે. આ ડિવિડન્ડ માટે 13 ફેબ્રુઆરી 2023 નક્કી કરી છે. જ્યારે, ડિવિડન્ડની ચૂકવણીની જાહેરાત 30 દિવસની અંદર કરવામાં આવશે. જાણકારી અનુસાર, યોગ્ય રોકાણકારોને પ્રતિ શેર 1,340 ટકાનો ફાયદો થશે.

આ પણ વાંચોઃ RBIના એક નિર્ણયની આ બેંકિંગ શેર પર થશે સીધી અસર, આવી શકે મોટો ફેરફાર

જાહેરાત સાંભળીને રોકાણકારો ખરીદવા લાગ્યા શેર

ડિવિડન્ડની જાહેરાત પછી કંપનીના શેરોનો ભાવ શુક્રવારે 15.28 ટકા વધીને 285.20 રૂપિયાના સ્તર પર પહોંચી ગયો છે. ગત 5 દિવસોમાં કંપનીના શેરોનો ભાવ 13:81 ટકા વધ્યો છે. જ્યારે, પોઝિશનલ રોકાણકારો માટે ગત 1 મહિનો ધણો મિશ્ર રહ્યો છે. એનએસઈમાં કંપનીની 52 સપ્તાહની ઊંચી સપાટી 430.50 રૂપિયા અને 52 સપ્તાહની નીચી સપાટી 224.55 રૂપિયા પ્રતિ શેર છે. જાણકારી અનુસાર, કંપનીની માર્કેટ કેપ 1707.12 કરોડ રૂપિયા છે.

આ પણ વાંચોઃ લાલ રંગના ભીંડા કરી દેશે માલામાલ! સરળતાથી કરો ખેતી! 40 દિવસમાં બની જશો લખપતિ


(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Investment, Stock market