આ વર્ષે કયા સેક્ટરમાં પગાર વધુ વધશે, નોકરીની સારી તકો કયા સેક્ટરમાં રહેશે? અહીં જાણો

હાલમાં વર્ષનો તે સમય ચાલે છે જ્યારે મોટાભાગની કંપનીઓમાં કર્મચારીઓની કામગીરીનું મૂલ્યાંકન કરવામાં આવે છે. તેમના મૂલ્યાંકન સાથે પગારમાં પણ વધારો કરવામાં આવે છે. આ સાથે, કર્મચારીઓની છટણી પણ કરવામાં આવી શકે છે. એટલે કે આ સમય સમગ્ર નાણાકીય વર્ષનો મહત્વનો ભાગ છે. તમને જણાવી દઈએ કે 2023માં ભારતમાં સરેરાશ પગારમાં 10.2 ટકાનો વધારો થવાની આશા છે.

તમને જણાવી દઈએ કે નાણાકીય વર્ષ 2022-23 માટે 'ફ્યુચર ઑફ પે' રિપોર્ટ 2023 અનુસાર, ભારતમાં 2023માં સરેરાશ પગાર 10.2 ટકા વધશે. આ છેલ્લા નાણાકીય વર્ષ 2022માં 10.4 ટકાના વાસ્તવિક વધારા કરતાં ઓછું છે.

આ પણ વાંચો: ઉજ્જવલા યોજનાના લાભાર્થી માટે સરકારે કરી જાહેરાત, LPG સિલિન્ડર પર મળશે સબ્સિડી

આ ક્ષેત્રોમાં મહત્તમ વધારો થશે

આ વર્ષે સૌથી વધુ અંદાજિત પગાર વધારા સાથે ટોચના ત્રણ ક્ષેત્રો ટેકનોલોજી સાથે સંબંધિત છે. વર્ષ 2023માં ઈ-કોમર્સ સેક્ટરમાં સૌથી વધુ 12.5 ટકા પગાર વધારાનો અંદાજ છે. બીજી તરફ પ્રોફેશનલ સર્વિસ સેક્ટરમાં સરેરાશ 11.9 ટકાનો પગાર વધારો અપેક્ષિત છે. ત્રીજા ક્રમે વૈશ્વિક સ્તરે છટણીનો સામનો કરી રહેલ IT ક્ષેત્ર કે જેમાં 10.8 ટકાના પગાર વધારાનો અંદાજ મૂકવામાં આવ્યો છે.

આ પણ વાંચો: આ કંપની તમને કમાણી કરાવવા તૈયાર, આગામી સપ્તાહમાં લોન્ચ કરશે IPO

નોકરીનો માર્ગ અહીં ખુલશે

EY રિપોર્ટ અનુસાર, વર્ષ 2023માં ભારતમાં રિન્યુએબલ એનર્જી, ઈ-કોમર્સ, ડિજિટલ સેવાઓ, હેલ્થકેર, ટેલિકોમ્યુનિકેશન્સ, શૈક્ષણિક સેવાઓ, રિટેલ અને લોજિસ્ટિક્સની સાથે નાણાકીય ટેક્નોલોજી ક્ષેત્રે વધુ નોકરીઓ મળવાની અપેક્ષા છે. આ ક્ષેત્રોમાં, આ વર્ષે નોકરીઓ માટે નવા માર્ગો ખુલવાની અપેક્ષા છે. વિવિધ ક્ષેત્રોમાં છટણીથી પ્રભાવિત કર્મચારીઓ માટે આ આશાના સમાચાર છે.

આ કૌશલ્યોની વધુ માંગ રહેશે

હાલમાં, ડિજીટલાઇઝેશન અને ટેકનિકલ બાબતો પર વધુ ભાર આપવાને કારણે, ટેક્નોલોજી ક્ષેત્રે ઉચ્ચ કૌશલ્ય ધરાવતા શ્રમિકોની ભારે માંગ છે. રિપોર્ટ અનુસાર, આ વર્ષે AI, ML અને ક્લાઉડ કમ્પ્યુટિંગ જેવી ટેકનિકલ કૌશલ્ય ધરાવતા કામદારોની માંગ વધુ રહેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Job opportunity, Jobs and Career, Salary increased