Budget 2023: 7 કરોડ વેપારીઓના સંગઠન CAITને આ બજેટમાં નાણામંત્રી પાસેથી ઘણી અપેક્ષાઓ

કેતન જોશી/ અમદાવાદઃ કન્ફેડરેશન ઓફ ઓલ ઈન્ડિયા ટ્રેડર્સ, દેશભરના 75,000 વેપારી સંગઠનોના જૂથે આ બજેટમાં નાણામંત્રી નિર્મલા સીતારમણ પર ઘણી આશાઓ રાખી છે. CAITના ચેરમેન મહેન્દ્રભાઈ શાહ કહે છે કે "જો વન નેશન વન ટેક્સ હોય તો વેપારીઓ માટે ધંધો કરવો સરળ બની જાય છે. હજુ પણ ધંધાને સરળ બનાવવા માટે ઘણા બધા ટેક્સનું સરળીકરણ કરવું જરૂરી છે. પ્રોડક્શન સાઇટ પર IT - GST જેવા ટેક્સ સરકાર એડવાન્સમાં જ વસૂલ કરી કરે તો ઘણું આસાન થાય તેમ છે."

આ પણ વાંચોઃ  શેર નથી લોટરી છે આ તો, 6 મહિનામાં 550% રિટર્ન અને હવે 1 શેરની સામે 10 શેર મળશે

 વેપારીઓને પેન્શન મળે

અમદાવાદ ટ્રેડર્સ બોર્ડના સભ્ય અને વિનોદ હેન્ડલૂમના ડિરેક્ટર કે.બી. તેજવાણી કહે છે કે "એવી જોગવાઈ હોવી જોઈએ કે જે જે વેપારીઓ ઈન્કમ ટેક્સ ભરે છે તેમને તેમના ITR પ્રમાણે પેન્શન મળે. જો દરેક ક્ષેત્રમાં આવી વ્યવસ્થા હોય તો સરકારે વેપારીઓ વિશે પણ વિચારવું જોઈએ. આ ઉપરાંત બાંગ્લાદેશથી આપણા દેશમાં જે કાપડ આવે છે તે મુખ્યત્વે ચીનથી આવે છે. માત્ર બાંગ્લાદેશનો સિક્કો જ લગાવવામાં આવે છે અને તે કાપડ ભારતમાંથી ઝીરો ટેક્સ સાથે આવે છે. સરકારે આ અંગે ગંભીરતાથી વિચારવું જોઈએ, કારણ કે અમારો ધંધો ધીમે ધીમે બાંગ્લાદેશ જઈ રહ્યો છે."

આ પણ વાંચોઃ નવા નવા લિસ્ટ શેર્સ પર MFવાળાઓને છે ભારે પ્રેમ, 850 કરોડની ખરીદી કરી, તમારી પાસે છે આમાંથી કોઈ?

વેપારીઓ માટે આયોગ બને

અમદાવાદ વેપારી મંડળના વડા હર્ષદ ગીલીટવાલા કહે છે કે "વેપારીઓ અને વેપારીઓની સમસ્યાના ઉકેલ માટે એક કમિશનની રચના કરવી જોઈએ. આ કમિશનમાં મોટાભાગના વેપારીઓને રાખવા જોઈએ, જેથી વેપારીઓની સમસ્યાનો યોગ્ય રીતે ઉકેલ આવી શકે. તેઓ કહે છે કે હજુ પણ એક જ પ્રોડક્ટ પર અલગ-અલગ GST વસુલવામાં આવે છે, જેમ કે કાપડ પર અલગ, એમ્બ્રોઇડરી પર અલગ - પરંતુ એક જ પ્રોડક્ટ પર સમાન GST લેવાવો જોઈએ.



ઓનલાઈન અને ઓફલાઈન બિઝનેસને સમાન રીતે જોવો જોઈએ. અત્યારે ઑફલાઇન બિઝનેસ કરવો મુશ્કેલ બની રહ્યો છે. ઓનલાઈન વ્યાપાર નોકરીઓ ઘટાડી રહ્યા છે. સરકારે આ અંગે વિચારવું જોઈએ તેવો સુર પણ વેપારીઓએ વ્યક્ત કર્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Budget 2023, Business news, FM Nirmala sitharaman