1 મેથી ગેસ સિલિન્ડરથી લઈને બેન્કિંગ નિયમોમાં થઈ રહ્યો છે આ બદલાવ

નવી દિલ્હી : કોરોનાના વધતા કહેર વચ્ચે 1 મેથી વેક્સીનેશનના ત્રીજા ચરણનો પ્રારંભ થઈ રહ્યો છે. ત્રીજા ચરણમાં 18 વર્ષથી વધુની તમામ વ્યક્તિને રસી આપવામાં આવશે. વેક્સીનેશનના ત્રીજા ચરણમાં સરકારે અનેક નિયમોમાં બદલાવ કર્યો છે અને અનેક નવા નિયમો ઉમેર્યા છે. વેક્સીનેશન માટે ઓનલાઈન રજિસ્ટ્રેશન પ્રક્રિયા જરૂરી છે.

IRDAએ પોલિસી કવરની રકમને બમણી કરી

કોરોનાની બીજી લહેર વચ્ચે વીમા નિયામક IRDAએ આરોગ્ય સંજીવની પોલિસીની કવર રકમને બમણી કરવાનો આદેશ આપ્યો છે. વીમા કંપનીઓએ 1 મે સુધીમાં રૂ. 10 લાખ સુધીનું કવર ધરાવતી પોલિસી રજૂ કરવી પડશે. ગત વર્ષે 1 એપ્રિલથી શરૂ થયેલ આરોગ્ય સંજીવની સ્ટૈંડર્ડ પોલિસીની વધુમાં વધુ વીમા કવરેજ સીમા રૂ. 5 લાખ સુધીની જ હતી.

આ પણ વાંચો - Corona Vaccination: કોરોના રસી લેતા પહેલા અને લીધા બાદ શું કરવું અને શું ના કરવું? આ રીતે શોધો રસીકરણ કેન્દ્ર? કેવી રીતે નોંધણી કરાવવી?

ગેસ સિલિન્ડરના ભાવમાં બદલાવ

સરકારી તેલ કંપનીઓ મે મહિનાની 1લી તારીખે ગેસ સિલિન્ડરના ભાવમાં બદલાવ કરી રહી છે. 1 મે થી ગેસ સિલિન્ડરના નવા ભાવ જાહેર કરવામાં આવશે. ગેસ સિલિન્ડરના ભાવમાં વધારો પણ થઈ શકે છે અને ઘટાડો પણ થઈ શકે છે.

આ પણ વાંચો - અરવલ્લી: કપિરાજને રોજ બિસ્કિટ ખવડાવનારનું Coronaથી મોત, વાનરોનું ટોળુ 7 કિમી અંતર કાપી જીવદયા પ્રેમીના ઘરે પહોંચ્યું

મે મહિનામાં 12 દિવસ બેન્ક બંધ રહેશે

મે માં કુલ 12 દિવસ બેન્ક બંધ રહેશે. કેટલાક દિવસો એવા પણ છે, જ્યારે માત્ર અમુક રાજ્યોની બેન્ક જ બંધ રહેશે. RBIની વેબસાઈટ મુજબ, રજાઓના લિસ્ટમાં કેટલીક રજાઓ માત્ર સ્થાનિક રાજ્ય સ્તરને જ અસર કરે છે.