Union
Budget 2023

Highlights

Home /News /business /Layoffs: ટેક કંપનીઓ છીનવી રહી છે નોકરી, 15 દિવસમાં 24,000 બેરોજગાર, હવે આ કંપનીએ 90 લોકોને નોકરીમાંથી કાઢી મૂક્યા!

Layoffs: ટેક કંપનીઓ છીનવી રહી છે નોકરી, 15 દિવસમાં 24,000 બેરોજગાર, હવે આ કંપનીએ 90 લોકોને નોકરીમાંથી કાઢી મૂક્યા!

મોટાભાગની ટેક કંપનીઓ કર્મચારીઓને દૂર કરી રહી છે.

Layoffs: ટેક કંપનીઓ લોકોને નોકરીમાંથી કાઢી મુકવા માટે સ્પર્ધા કરી રહી છે. હાલમાં શેરચેટે અને હવે Dunzoએ 90 લોકોને બહારનો રસ્તો બતાવ્યો છે. આ વર્ષે અત્યાર સુધીમાં 24,000થી વધુ કર્મચારીઓને નોકરીમાંથી કાઢી મૂકવામાં આવ્યા છે.

    Job Layoffs: ગ્રોસરી ડિલિવરી એપ ડુન્ઝોએ 16 જાન્યુઆરીએ જણાવ્યું હતું કે તેણે તેના 3 ટકા કર્મચારીઓને કાઢી મૂક્યા છે. કંપનીએ કહ્યું છે કે આ રિસ્ટ્રક્ચરિંગ હેઠળ કરવામાં આવ્યું છે. તમને જણાવી દઈએ કે Dunzoને ગૂગલ સપોર્ટ કરે છે. કંપનીના સીઈઓ કબીર બિસ્વાસે એક નિવેદનમાં કહ્યું, “કોઈપણ નિર્ણય જે લોકોને અસર કરે છે તે મુશ્કેલ છે. ગયા અઠવાડિયે, અમારે અમારી કુલ ક્ષમતાના 3 ટકા લોકોને દૂર કરવા પડ્યા. જો કે, ડુન્ઝોએ દૂર કરેલા કર્મચારીઓની કુલ સંખ્યા જાહેર કરી નથી.

    Dunzoએ તેની LinkedIn પ્રોફાઇલ પર લખ્યું છે કે તેની પાસે 3000 કર્મચારીઓ છે. મતલબ કે કંપનીએ લગભગ 90 લોકોને બહારનો રસ્તો બતાવ્યો છે. ડુન્ઝોના સીઈઓએ કહ્યું કે આ લોકોએ અમારી સાથે તેમની કારકિર્દી બનાવવાનું પસંદ કર્યું છે અને આવા પ્રતિભાશાળી લોકોને જતા જોઈને દુઃખ થાય છે. તેમણે કહ્યું કે કંપની આ સંક્રમણમાં તેમની મદદ કરવા માટે તમામ શક્ય પગલાં લઈ રહી છે.

    આ પણ વાંચો:US Visa Process: અમેરિકાના વિઝા અને ગ્રીન કાર્ડની અરજી કરનારા માટે સારા સમાચાર, પ્રક્રિયા ઝડપી બનાવાશે

    કર્મચારીઓ પર સંકટના વાદળો


    ટેક કર્મચારીઓ માટે 2023ની શરૂઆત સારી રહી નથી. Layoffs.fyi.com અનુસાર, જાન્યુઆરીના પ્રથમ 15 દિવસમાં 91 ટેક કંપનીઓમાંથી 24,151 લોકોએ તેમની નોકરી ગુમાવી છે. એમેઝોન, સેલ્સફોર્સ, કોઈનબેઝ અને અન્ય ટેક-આધારિત કંપનીઓ કર્મચારીઓની દૂર કરવામાં મોખરે હતી. Crypto exchange Crypto.com એ પણ કહ્યું છે કે તે તેના માનવ સંસાધનોમાં 20 ટકાનો ઘટાડો કરશે. ભારતમાં, Ola અને skit.ai એ વર્ષના પ્રથમ મહિનામાં કર્મમચારીઓ દૂર કરવાની જાહેરાત કરીને હેડલાઇન્સ બનાવી.


    2022માં લાખો લોકોએ નોકરી ગુમાવી


    વેબસાઇટ અનુસાર, 2022માં 1,53,110 લોકોને નોકરીમાંથી કાઢી મૂકવામાં આવ્યા હતા. મોટાભાગની ટેક કંપનીઓએ કર્મચારીઓને દૂર કરી રહી છે. તેમાં મુખ્યત્વે મેટા, ટ્વિટર, ઓરેકલ, સ્નેપ, ઉબેર અને ઇન્ટેલનો સમાવેશ થાય છે. માત્ર નવેમ્બરમાં 51489 લોકોને દૂર કરવામાં આવ્યા હતા. એવું માનવામાં આવે છે કે આ વર્ષે ગૂગલ તેના ઘણા કર્મચારીઓને પણ દૂર કરશે. ગૂગલ આ વર્ષે લગભગ 11000 કર્મચારીઓને કાઢી શકે છે. જો આવું વાસ્તવિકતામાં થાય છે, તો 2023 ટેકની નોકરીઓ માટે અત્યાર સુધીનું સૌથી ખરાબ વર્ષ સાબિત થઈ શકે છે.
    Published by:Darshit Gangadia
    First published:

    Tags: Amazon job, Business news, Job Updates, Unemployment

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन