Home /News /business /

Syrma SGS Technology IPO: 12 ઓગસ્ટના રોજ ખુલશે સિમરમા એસજીએસ ટેક્નોલોજીનો IPO, જાણો ગ્રે માર્કેટ પ્રીમિયમ

Syrma SGS Technology IPO: 12 ઓગસ્ટના રોજ ખુલશે સિમરમા એસજીએસ ટેક્નોલોજીનો IPO, જાણો ગ્રે માર્કેટ પ્રીમિયમ

પ્રતીકાત્મક તસવીર

Syrma SGS Technologyના ફ્રેશ ઈશ્યૂથી એકત્ર કરવામાં આવેલ ફંડનો ઉપયોગ કામકાજી જરૂરિયાતાનો પૂર્ણ કરવા, મેન્યુફેક્ચરિંગ અને R&Dમાં વૃદ્ધિ માટે કરવામાં આવશે.

    નવી દિલ્હી. Syrma SGS Technology IPO: શેરબજારમાં છેલ્લા ત્રણ મહિનાથી નબળું પ્રદર્શન થતું હોવા છતાં ઈલેક્ટ્રોનિક મેન્યુફેક્ચરિંગ સર્વિસ ફર્મ Syrma SGS Technologyએ ઈશ્યૂ લાવવાનું એલાન કરી દીધું છે. કંપનીએ 12 ઓગસ્ટના રોજ 840 કરોડ રૂપિયાનો ઈશ્યૂ લાવી રહી છે. કંપનીના ઈશ્યૂની પ્રાઈસ બેન્ડ રૂ. 209-220 નક્કી કરવામાં આવી છે. હાલ ગ્રે માર્કેટમાં સિરમા એસજીએસ ટેક્નોલજીનો શેર 20 રૂપિયાના પ્રીમિયમ પર ટ્રેડ થઈ રહ્યા છે. આઈપીઓ માટે કંપનીએ ઇશ્યૂ કિંમત 220 રૂપિયા રાખી છે, તે પ્રમાણે હાલ એક શેર 240 રૂપિયા લેખે ટ્રેડ થઈ રહ્યો છે.

    ઈશ્યૂ ક્યારે ખુલશે?


    Syrma SGS Technologyનો ઈશ્યૂ 12 ઓગસ્ટના રોજ ખુલશે અને 18 ઓગસ્ટના રોજ બંધ થશે. 15 ઓગસ્ટના રોજ જાહેર રજા હોવાના કારણે શેર બજાર બંધ રહેશે. છેલ્લા અઢી મહિનામાં આ પહેલો IPO હશે. એંકર બુક માટે આ ઈશ્યૂ 11 ઓગસ્ટના રોજ ખુલશે.

    ઈશ્યૂ સાઈઝ કેટલી છે?


    Syrma SGS Technologyના IPOમાં રૂ. 766 કરોડનો ફ્રેશ ઈશ્યૂ હશે. ઉપરાંત 33.69 લાખ શેર ઓફર ફોર સેલ (OFS)માં વેચવામાં આવશે. કંપની કુલ રૂ. 840 કરોડનો ઈશ્યૂ લાવી રહી છે. કંપનીની પ્રમોટર વીણા કુમારી ટંડન (Veena Kumari Tondon) પોતાના 33.69 લાખ શેર વેચશે. કંપનીના શેરનું લિસ્ટીંગ 24 ઓગસ્ટના રોજ થશે.

    આ પણ વાંચો: SBIનો શેર અઢી ટકા તૂટ્યો, બ્રોકરેજ ફર્મ પાસેથી જાણો વેચી દેવા કે વધુ ખરીદવા

    ફંડનો ઉપયોગ ક્યાં કરવામાં આવશે?


    Syrma SGS Technologyના ફ્રેશ ઈશ્યૂથી એકત્ર કરવામાં આવેલ ફંડનો ઉપયોગ કામકાજી જરૂરિયાતાનો પૂર્ણ કરવા, મેન્યુફેક્ચરિંગ અને R&Dમાં વૃદ્ધિ માટે કરવામાં આવશે. ઉપરાંત અન્ય કારોબારી જરૂરિયાતો અને લોન્ગ ટર્મ વર્કિંગ કેપિટલ જરૂરિયાત માટે ફંડનો ઉપયોગ કરવામાં આવશે.

    કંપનીનો બિઝનેસ શું છે?


    Syrma SGS Technology એક ટેકનોલોજી ફોક્સ્ડ એન્જિનિયરીંગ અને ડિઝાઈન કંપની છે, જે ટર્નકી ઈલેક્ટ્રોનિક્સ મેન્યુફેક્ચરિંગ સર્વિસનો બિઝનેસ કરે છે. ઉપરાંત કંપની ઓટોમોટીવ, હેલ્થકેયર, કન્ઝ્યૂમર પ્રોડક્ટ જેવા ક્ષેત્રમાં પણ પોતાની એન્જિનિયરીંગ અને ડિઝાઈન સેવા પ્રદાન કરે છે.

    કંપનીના 200થી વધુ કસ્ટમર છે, જેમાંથી 16 કસ્ટમર એવા છે, જે કંપની સાથે છેલ્લા 10 વર્ષ કરતા વધુ સમયથી કંપની સાથે જોડાયેલા છે.

    આ પણ વાંચો: Titanનો નફો 1200 ટકા વધતા તમારી સ્ટ્રેટેજી શું હોવી જોઈએ?

    આ કંપનીના ગ્રાહકોમાં TVS મોટર કંપની (TVS Motor Company), A O સ્મિથ ઈન્ડિયા વોટર પ્રોડક્ટ્સ (A O Smith India Water Prod), રોબર્ટ બોસ્ચ એન્જિનિયરિંગ (Robert Bosch Engineering) એન્ડ બિઝનેસ સોલ્યુશન (Business Solution), યુરેકા ફોર્બ્સ (Eureka Forbes), એટમબર્ગ ટેકનોલોજીસ (Atomberg Technologies), હિન્દુસ્તાન યુનિલિવર (Hindustan Unilever) અને ટોટલ પાવર યુરોપ BV (Total Power Europe BV) જેવા નામ શામેલ છે.
    First published:

    Tags: Business, Investment, IPO, Stock market

    विज्ञापन

    विज्ञापन

    આગામી સમાચાર

    विज्ञापन
    विज्ञापन