Home /News /business /Swiggy layoff: સ્વિગીએ 380 કર્મચારીઓને કાઢી મૂક્યા, CEOએ માંગી માફી

Swiggy layoff: સ્વિગીએ 380 કર્મચારીઓને કાઢી મૂક્યા, CEOએ માંગી માફી

સ્વિગીએ 380 કર્મચારીઓને કાઢી મૂક્યા

Swiggy layoff:કંપનીના કર્મચારીઓને નોકરીમાંથી કાઢી મૂકવાની માહિતી 20 જાન્યુઆરીએ ટાઉન હોલમાં (મોટી મીટિંગ) આપવામાં આવી હતી. layoffને કારણે CEOએ કર્મચારીઓ પાસેથી માફી પણ માંગી હતી.

    નવી દિલ્હી: સ્ટાર્ટઅપ કંપનીઓનો ખરાબ તબક્કો ચાલી રહ્યો છે. સ્ટાર્ટઅપ અને ટેક કંપનીઓ સતત છટણી કરી રહી છે. આ લિસ્ટમાં હવે ફૂડ ડિલિવરી કંપની સ્વિગીનું નવું નામ પણ ઉમેરાઈ ગયું છે. જણાવી દઈએ કે, કંપની દ્વારા તેના 380 કર્મચારીઓને કાઢી મૂકવામાં આવ્યા છે.

    કંપનીના પ્રવક્તાએ શુક્રવારે જણાવ્યું હતું કે, વેન્ચર ફંડિંગ માર્કેટમાં મુશ્કેલીઓને ધ્યાનમાં રાખીને બિઝનેસને સુવ્યવસ્થિત કરવા માટે આ પગલું લેવામાં આવ્યું છે. કંપનીના કર્મચારીઓને કાઢી મૂકવાની માહિતી 20 જાન્યુઆરીએ એક ટાઉન હોલ (મોટી મીટિંગ)માં આપવામાં આવી હતી.

    ઓવરહાયરિંગને કારણે છૂટા થવું પડ્યું

    પીટીઆઈ અનુસાર, સ્વિગીના સીઈઓ શ્રીહર્ષ મેજેટીએ જણાવ્યું હતું કે, "આ જરૂર કરતાં વધુ લોકોને નોકરી પર રાખવાના ખોટા નિર્ણયનું પરિણામ છે." આપણે વધુ સારું કરવું જોઈતું હતું."

    આ પણ વાંચો: Amazon Layoffs: એમેઝોન ઈન્ડિયામાંથી છટણી થયેલા કર્મચારીનું છલકાયું દર્દ, કહ્યું- ‘પહેલાં મેં મારા પિતા ગુમાવ્યા અને ત્યારબાદ નોકરી’

    મેઈલ મોકલીને કર્મચારીઓની માંગી માફી

    કંપનીના સહ-સ્થાપક અને CEOએ પણ અસરગ્રસ્ત કર્મચારીઓની માફી માંગતો આંતરિક મેઈલ મોકલ્યો હતો અને કહ્યું હતું કે, તમામ વિકલ્પો પર વિચાર કર્યા પછી આ એક મુશ્કેલ નિર્ણય છે. તેમણે કહ્યું કે, કંપનીનો વિકાસ દર કંપનીના લક્ષ્યોથી વિપરીત ધીમો છે.


    પરોક્ષ ખર્ચની પુનઃપરીક્ષા

    મેજેટ્ટીએ જણાવ્યું હતું કે, “આનો અર્થ એ થયો કે અમારે અમારા નફાના લક્ષ્યાંકોને પહોંચી વળવા તમામ પરોક્ષ ખર્ચનું પુનઃમૂલ્યાંકન કરવું પડશે. અમે ઈન્ફ્રાસ્ટ્રક્ચર, ઓફિસ વગેરે જેવા સીધા ખર્ચને ઘટાડવા માટે પગલાં લેવાનું શરૂ કરી દીધું છે. અમારે ભવિષ્યના લક્ષ્યોને ધ્યાનમાં રાખીને કર્મચારીઓની સંખ્યામાં પણ ફેરફાર કરવાની જરૂર હતી. મેજેતીએ તેમના ઈમેલમાં જણાવ્યું હતું કે, જરૂરિયાત કરતાં વધુ લોકોને નોકરીએ રાખવા એ ખોટા નિર્ણયનો મામલો હતો અને મારે આ ક્ષેત્રમાં વધુ સારું કામ કરવું જોઈતું હતું. આ પહેલા સવારે તેમણે સ્વિગીના કર્મચારીઓને સંબોધિત કર્યા હતા.

    આ પણ વાંચો:છટણી વચ્ચે 5 હજાર ભારતીયોને મેકડોનાલ્ડ આપશે નોકરી, નોર્થ-ઈસ્ટમાં વિસ્તરણ કરશે કંપની

    છટણી કરાયેલા કર્મચારીઓને શું મળશે?

    કર્મચારી સહાયક યોજના તરીકે, સ્વિગીએ અસરગ્રસ્ત કર્મચારીઓના કાર્યકાળ અને શ્રેણીના આધારે 3 થી 6 મહિના માટે રોકડ આપવાનો પ્રસ્તાવ મૂક્યો છે. આમાં, અસરગ્રસ્ત કામદારોને રોજગાર સમાપ્તિ પહેલાં ત્રણ મહિનાનો પગાર અથવા સમયસર નોટિસ ચૂકવવામાં આવશે અને રોજગાર પૂર્ણ થયાના દરેક વર્ષ માટે 15 દિવસની એક્સ-ગ્રેશિયા, તેમજ EL (પેઇડ લીવ) ની બાકી રકમ જઈ શકે છે.
    Published by:Samrat Bauddh
    First published:

    Tags: Business news, Swiggy

    विज्ञापन
    विज्ञापन