Surat Diamond Business : રશિયા અને યુક્રેનની લડાઈમાં બેરોજગાર થયા સુરતના 25 હજાર રત્ન કલાકાર

રશિયા (Russia) અને યુક્રેન (Ukraine) વચ્ચે ફેબ્રુઆરીથી ચાલી રહેલા યુદ્ધ (War)નું પરિણામ હવે ભારતને પણ ભોગવવું પડી રહ્યું છે. અહેવાલો અનુસાર, આ યુદ્ધની અસર ભારતીય શહેર સુરત (Surat)ના હીરાના વ્યવસાય(Diamond Business) પર પણ પડી છે. અહેવાલો અનુસાર, રશિયા અને યુક્રેન વચ્ચે ચાલી રહેલા યુદ્ધને કારણે રફ હીરાની આયાતમાં ઘટાડો થયો છે. જેના કારણે માર્કેટમાં હીરાના ધંધામાં પણ મંદી જોવા મળી રહી છે. આ મંદીના કારણે સુરતમાં 25000 જેટલા હીરાના કારીગરો (Diamond Workers) બેરોજગાર બન્યા છે.

ઉલ્લેખનીય છે કે દેશમાં 65 ટકા રફ હીરા(Rough Diamonds) રશિયાથી આયાત કરવામાં આવે છે. અહીં હીરાનો વ્યવસાય 100% આયાત પર આધારિત છે. રશિયા અને યુક્રેન વચ્ચે યુદ્ધ શરૂ થયા બાદ હવે સ્થાનિક બજારમાં હીરાની અછત સર્જાઈ છે. દેશમાં રફ હીરાની આવકમાં 29 ટકાનો ઘટાડો થયો છે. હીરાની આયાતમાં ઘટાડાની સીધી અસર બિઝનેસ પર પડી છે. જેના કારણે ગુજરાતના સુરતમાં 25 હજાર કારીગરો બેરોજગાર બન્યા છે. જ્યાં કામ ચાલી રહ્યું છે ત્યાં કામના કલાકો પણ ઘટીને 8થી 6 પર આવી ગયા છે. હીરાના વેપારીઓએ કારીગરોને એકને બદલે બે દિવસની રજા આપવાનું શરૂ કરી દીધું છે. તમને જણાવી દઈએ કે ભારત રશિયાથી વાર્ષિક 75,000 કરોડ રૂપિયાના હીરાની આયાત કરે છે, પરંતુ રશિયા અને યુક્રેન વચ્ચે યુદ્ધ શરૂ થયા બાદ તેમાં ઘટાડો થયો છે.

આ પણ વાંચો - હવે નોકરી છોડ્યાના 2 જ દિવસમાં કંપનીએ આપવા પડશે ફુલ એન્ડ ફાઇનલના પૈસા

ગુજરાતના ઉત્તર ગુજરાત, સુરત અને સૌરાષ્ટ્રના વિસ્તારોમાં મોટા પાયા પર રફ હીરાને પોલિશ કરવાનો ધંધો ચાલે છે. જીજેઈપીસીનું કહેવું છે કે ઉદ્યોગનો જૂનો સ્ટોક પણ પૂરો થઈ રહ્યો છે. રફ ડાયમંડની આયાત બંધ થવાના કારણે કારખાનાઓ બંધ થવા લાગ્યા છે. ગુજરાતમાં ડાયમંડ કટિંગ અને પોલિશિંગના 8000 થી વધુ યુનિટ છે. સમગ્ર દેશના 75 ટકા રફ હીરાની આયાત એકલા સુરતમાં થાય છે. અહીં તૈયાર થયેલા હીરા અમેરિકા, UAE અને હોંગકોંગ જેવા દેશોમાં વેચાય છે. જેમાંથી અમેરિકા પોલિશ્ડ હીરાનું સૌથી મોટું ખરીદનાર છે.

આ પણ વાંચો -હોટેલમાં રહેવું, હોસ્પિટલનો ખર્ચ અને ઘરના વાસણો સહિત આ વસ્તુઓ થશે મોંઘી

જેમ એન્ડ જ્વેલરી એક્સપોર્ટ પ્રમોશન કાઉન્સિલ (GJEPC)ના ડેટા અનુસાર, નાણાકીય વર્ષથી માર્ચ ગાળામાં ભારતના 24 અબજ ડોલરના કટ અને પોલિશ્ડ હીરાની નિકાસમાં યુએસનો હિસ્સો 40 ટકાથી વધુ હતો.

પરિસ્થિતિ વણસતા ગુજરાત ડાયમંડ વર્કર્સ યુનિયને ગુજરાતના મુખ્ય મંત્રીને તેમની નોકરી ગુમાવનારા કામદારો માટે 10 અબજ રૂપિયાના રાહત પેકેજની માંગ કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Diamond Business, Diamond Workers, Surat Latest News