દીકરીઓના જન્મથી લઇને ભણતરની ચિંતા કરશે સરકાર, ખર્ચ ઉઠાવવા બનાવી છે શાનદાર યોજના

દીકરીઓના સારા ભવિષ્ય (Future of Girl Child) માટે સરકાર ગંભીરતાથી વિચારણા કરી રહી છે અને એટલે જ સરકાર કન્યા સુમંગલ યોજના (Kanya Sumangla Yojana) ચલાવી રહી છે. આ યોજના અંતર્ગત ઉત્તર પ્રદેશ સરકાર(Government of UP) દીકરીઓના જન્મથી લઈને તેમના ભણતરનો ખર્ચ (Birth And Education of Girl Child) ઉઠાવે છે. આ યોજના હેઠળ રકમ નક્કી કરેલા સમયે પુત્રીના ખાતામાં ટ્રાન્સફર કરવામાં આવે છે. આ સાથે દીકરીઓને વધુ સારો ઉછેર અને શિક્ષણ મળી શકે છે, જેથી તેઓને સારું જીવન મળી શકે.

આ પણ વાંચોઃ Success Story: 60 હજારમાં શરૂ કર્યો બિઝનેસ, ચીનના માર્કેટને પછાડી બનાવી આગવી ઓળખ; હાલ કરોડોમાં ટર્નઓવર

9 લાખથી વધુ દીકરીઓને થશે લાભ

ઉત્તર પ્રદેશ સરકારની કન્યા સુમંગલા યોજનાએ દીકરીઓ માટે છે, જેમનો જન્મ 1 એપ્રિલ 2019 પછી થયો છે. દીકરી 21 વર્ષની થયા બાદ સરકાર પણ લગ્ન માટે આર્થિક મદદ આપે છે. સરકારે કન્યા સુમંગલા યોજના માટે 1200 કરોડ રૂપિયાનું બજેટ નક્કી કર્યું છે. અત્યાર સુધી ઉત્તર પ્રદેશની 9.36 લાખ દીકરીઓને આ યોજનાનો લાભ મળ્યો છે.

લાભ મેળવવા માટે શરતો

કન્યા સુમંગલા યોજનાનો લાભ મેળવવા માટે અરજદાર ઉત્તર પ્રદેશનો રહેવાસી હોવો જોઈએ. આ સાથે જ માતા-પિતાની આવક ત્રણ લાખ રૂપિયાથી વધુ ન હોવી જોઈએ. આ યોજનાનો લાભ એક પરિવારની બે જ કન્યાઓને આપી શકાય છે. સાથે જ પરિવારમાં બાળકોની સંખ્યા બેથી વધુ ન હોવી જોઈએ. દત્તક લીધેલી છોકરીઓને પણ આ યોજનાનો લાભ આપવામાં આવશે.

આ પણ વાંચોઃ હોમ લોન પર વધતી EMIનો બોજો ઘટાડવા માંગો છો? તો આ રહ્યા 5 રામબાણ ઈલાજ

આ રીતે મળશે સહાયની રકમ

કન્યા સુમંગલા યોજના માટે અરજી કરવા પર બાળકના જન્મ પર 2000 રૂપિયાનો પ્રથમ હપ્તો આપવામાં આવશે. એક વર્ષ માટે તમામ રસીકરણ પૂર્ણ થયા પછી એક હજાર રૂપિયાનો બીજો હપ્તો ખાતામાં ટ્રાન્સફર કરવામાં આવશે. શાળામાં પ્રવેશ માટે 2 હજાર રૂપિયા આપવામાં આવશે. આ પછી જ્યારે ધોરણ 6માં એડમિશન થશે, ત્યારે દીકરીના ખાતામાં બે હજાર રૂપિયા આવશે. તેવી જ રીતે ધોરણ 9માં પ્રવેશ સમયે પાંચમાં હપ્તા માટે ત્રણ હજાર રૂપિયા મળશે. સ્નાતક અથવા ડિપ્લોમા કોર્સ માટે 5 હજાર રૂપિયા આપવામાં આવશે અને દીકરી 21 વર્ષની થાય ત્યારે તેના લગ્ન કે ઉચ્ચ શિક્ષણ માટે પણ સરકાર સહાય આપે છે.

આ પણ વાંચોઃ FDના બદલે આ 5 સરકારી બેન્કોના શેરમાં રોકાણ કરનારા થયા માલામાલ, મળ્યું 100 ટકાથી વધુ રિટર્ન

યોજના માટે આ દસ્તાવેજો છે જરૂરી

- કાયમી નિવાસી પ્રમાણપત્ર

- આધાર કાર્ડ

- રાશન કાર્ડ

- આવકનું પ્રમાણપત્ર

- મોબાઇલ નંબર

- બાળકનું જન્મ પ્રમાણપત્ર

આ રીતે કરો રજીસ્ટ્રેશન

કન્યા સુમંગલા યોજનાનો લાભ મેળવવા માટે, તમારે સત્તાવાર વેબસાઇટ https://mksy.up.gov.in/women_welfare/citizen/guest_login.php પર જઈને રજીસ્ટ્રેશન કરાવવું પડશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Government scheme, Sukanya Yojana, Yogi Government